Nehemii 6:12 - Cebaara Bible 2010

¹² A mii gi cán ncan Kolocɔlɔɔ ban wi wi tun í. Kàjáa wi maa kérigèle nyaa n joo n tɛ̀ɛn kánmi bee na, mii kéeli na, níì cán Tobiya ní Sanbala ye pe da wi syɔɔ wáli na.

Nehemii 6:12 Iomraidhean Croise

Nehemii 6:11

A mii wi yari: «Mii félege syɔ́ɔn si fàn lé? Ba nànwìí wi a pye àmɛɛ mii nyɛ lè si jée kpɔ̀ʔɔrɔli kpaʔa ni si ní gbǎn kòro sìi na? Mii a jée yaà í.»

Nehemii 6:13

Amɛɛ pe wi syɔɔ wáli na kánmi bee na lè pe maa ni sɔ̀ngí mii a fyáa si taʔa wi syɛ́ɛnri na si kapeele pye. Pe a dée mii mɛ́ɛgi kálagi si faʔara wáa mii na.

Ezayi 56:11

Pe i nyɛ laaweeye pɔɔnnɔ, bele be lè pe o tíngi ni nyaagi í. Bànaʔabēle bɛɛ, bele be lè pe o yafyɛn cángi í, pe myɛ i pe nyɛnɛ kóloyi lée, pe myɛ nibin nibin i peyɛɛ tɔ̀nɔw caa yagana.

Zyeremii 14:14

A Yawe mii pye: «Jànvaaw kanyaajoobèle nyaagi ni nyuu mii mɛ́ɛgi na. Mii ga be tun í, mii ga syɛ́ɛnrɛ joo n gbàn be ma í, mii ga téè joo be ma í. Jànvaaw yanyaaya, ní jànvaaw kanyaajooro, ní yasunzunri, ní be funzɔnguri di syɔɔn fáana ni pùuní lè, toro be nyuu yele ma.

Zyeremii 23:16

Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Kanyaajoobèle be kérigèle nyaagi ni nyuu yele ma lè, yele a kɔ́ ra be syɛ́ɛnri lúro í! Pe i yele pùuní, pe tiimaa fúnyi yanyaaya be nyuu ni tèé, Yawe nyɔ́ɔ wóʔo ban be nyuu í.

Zyeremii 23:25

«Mii n gi lóʔo gee kanyaajoobèle nyuu lè, poro bele be kérigèle nyaagi ni nyuu mii mɛ́ɛgi na lè, gele ge lè jànvaa níì jo: ‹Mii n ŋúnɔgɔ ŋúnɔ! Mii n ŋúnɔgɔ ŋúnɔ!›

Zyeremii 28:15

A kanyaajoow Zyeremii kanyaajoow Hananya pye: «Ki n yɛlɛ mi lóʔo, Hananya! Yawe ga mɔ tun í, á mɔ gi yaʔa a syɛ́ɛnbèle naa be sɔ̀ngumi taʔa jànvaaw na.

Ezekyɛli 13:19

Yele i mii mɛ́ɛgi kálagi mii syɛ́ɛnbèle yɛ́ʔɛ ma orizye kɔbonyɛ̀nnɛ kéele na, ní búruceriye kéele na, ní i syɛ́ɛnbèle kúu, bele be lè pe ga yɛlɛ ní kùu ní í, ní i bele yaari sìi na, bele be lè pe ga yɛlɛ bi kòro sìi na í, ní i finɛ mii syɛ́ɛnbèle ma, poro bele be fɔ̀lɔ́ jànvaaw lóʔolo na lè.

Ezekyɛli 13:22

Ncan yele i syɛɛnsinw fúngo nyáʔami wi na ní jànvaaw ní, bi gi taa mii tiimaa o gi kálagi wi na í, ní àmɛɛ yele fànʔa nii syɛɛnpeew ni jàngó wi a kɔ́ láʔa wi kobeegi na si kòro sìi na lè í.

Ezekyɛli 13:7

Yanyaayi yele nyaagi lè, yi o nyɛ gbanzan ì? Ba nyɛ̀ʔɛna kérigèle yele nyuu ni tèé lè, ke o nyɛ jànvaa ì? Yele i gi nyuu níì jo: ‹Yawe n jo!› Bi gi taa mii ga joo í.

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Kapyegèle 20:33

Mii da ni nyabɛɛnnɛ kpéʔele syɔɔn faala yáriga na í, wáli yoo, tɛɛ̀ yoo, buroyo yoo.

1 Korɛnti ye 12:10

Pìicǎnni bee li wɔ́ɔ̀ kakpoloyi kpéʔelele fanʔa kaan wàa ma, níì séew kaan wàa ma waa kérigèle nyaagi waa nyuu, níì pìígèle sɛʔɛwelele kaan wàa ma. Loro wonijanni li syɛɛnfeleraa kaan wàa ma waa nyuu, níì syɛɛnfeleraa kɔ́rɔ joolo kaan wàa ma.

1 Korɛnti ye 2:15

Syɔ́ɔnwee má Pìicǎnni nyɛ lè, wee bee i kérigèle myɛ cángi ni láʔala, kàjáa syɔɔn a gbǎn woro kérigèle cán bi láʔala í.

1 Timɔte 3:3

ki ga yɛlɛ wi wiyɛɛ gaan sínmi ma í, wi a kɔ́ pye syɛɛntanʔaɔ í, fwɔɔ wi pye fûnnyingefɔlɔ, wi a kɔ́ pye kàsiikuuɔn í, wi si a wɔ́ɔ kɔ́ wiyɛɛ daʔa wáliw na í.

Tiiti 1:7

Níì cán àmɛɛ yɛɛ̀kiniw nyɛ lè Kolocɔlɔɔ fáliw kacɔɔnriɔ, fwɔɔ wi pye kajoolo fun, ki ga yɛlɛ wi pye nyùnwaʔafɔlɔ í, wàlá wi fúngi í tanʔama dɛ́nɛ í, wàlá wi wiyɛɛ gaan sínmi ma í, wàlá wi pye kàsiikuuɔn í, wàlá wi pye tɔ̀nɔpeew caafɔlɔ í.

1 Pyɛri 5:2

Kolocɔlɔɔ bàtogi gi nyɛ yele níngi ni lè, yaa gee bee nàʔá. Ki si ga yɛlɛ gi pye mɔ a jo a be yele kpɛ̀ɛn wii í, fwɔɔ ki yiri yele tiimaa fúnyi ni n yɛlɛ ní Kolocɔlɔɔ nyɛ́nɛ kéeli ní. Ki ga wɔ́ɔ̀ yɛlɛ gi pye wálicaari kéele na í, fwɔɔ gi pye kínidɛnɛgi kéele na.

2 Pyɛri 2:3

Pe a jànvaa syɛ́ɛnri tɛ́ʔɛ bi yele kpéʔele be jàgi-yárira be nyabɛɛnni kéele na. Kútiiw Kolocɔlɔɔ ceri be na lè nlaa yaà làridɔɔnnɔ ni, wee bee i nyɛ kólogi na n kwɔ́ɔ, pe kálagili si wɔ́ɔ i nyɛ̀nɛ na ni be sige.

1 Zyan 4:1

Mii syɛɛn-nidaanmabèle, ki ga yɛlɛ yele í da tági pìígèle myɛ syɛ́ɛnrɛ na í. Ki n yɛlɛ yaa pìígèle sɛʔɛ yaa wéle jàngó bi gi cán kapye Kolocɔlɔɔ má ge yìri, níì cán kanyaajoo-fáanabéle saʔa n cariga dulunyanw ni.

Tɛ̀ɛnnɛ 18:13

ní nùndaanni yasuuro be yiri lè kanɛli, ní episi, n fàra nùndaanni míige, ní miiri, ní làtikɔliw na, ní dùvɛɛnw, ní sǐnmi, ní búrumiigi, ní yaliiri, ní nǐyi, ní bǎbèle, ní syɔ́ɔnyi, ní wòtorobèle, ní púlobèle ní, àlí n fàra syɛ́ɛnbèle sìi na.