Nehemii 6:10 - Cebaara Bible 2010

¹⁰ Cangaa mii maa kári Syemayeya kpaʔa ma, wi lè Delaya jáaw, Delaya wi lè Mehetabeyɛli jáaw. Wi maa kpáagi tɔ́n wiyɛɛ na. A wi sáà mii pye: «Wo pínɛ wo kári Kolocɔlɔɔ kpáagi ma, wo sa jée kpɔ̀ʔɔrɔli kpaʔa fúngo ni, wó kpɔ̀ʔɔrɔli kpaʔa kɔ̀riyɔ tɔ́n. Níì cán pe i maa ba mɔ kpóo, yébiligi si ni pe a pan bi ba mɔ kpóo.»

Nehemii 6:10 Iomraidhean Croise

Sélimɛ 36:39

A Akibɔɔri jáaw Baali-Hanan ga kùu, a Hadaari tɛ́ɛn fǎngi na wi sìndɛɛgi ni. Wi kěgi mɛ́ʔɛ pe da ni yiri Pawu. Pe maa ni wi céw yiri Mehetabeyɛli. Céw bee nɔ́ɔ wi da pye Matiredi, wi pye lè Mezahabi pyà.

1 Fànʔafɔbèle 6:5

A wi kpaataʔaya faan kpáagi lɛʔɛlɛ ni n táriga gúngi na, Yoro yee yi da kpɔ̀ʔɔrɔli kpaʔa ní tɛɛcǎngi gúnyo màʔa lè, níì funyaa pye n gi màʔa n kpàra.

2 Fànʔafɔbèle 11:3

A wi kòro yaà wolarigaɔ ní ní wi gbóofɔw ní Yawe kpáagi ni n baa taa yɛ̀ʔɛlɛ kɔrɔni. Atalii si i nyɛ wodɛ́ɛɔn ní fǎngi na tári nyúngo na.

2 Fànʔafɔbèle 9:8

Akabi kpáagi wòolo myɛ a kùu. Mii a Akabi kpáagi nànbēle myɛ kwɔ́ɔ yirige yaà Isirayɛli ni, n púlobèle pínɛ wɔ́rɔbèle ni.

2 Cányi kèlē 28:24

A Akazi Kolocɔlɔɔ kpáagi yárira kpóʔoro níì di cɛnɛ cɛnɛ. A wi Yawe kpáagi kɔ̀riyɔ tɔ́n, níì sáriga-wòlo-yafaanyaa sámaga wiyɛɛ ma Zyerusalɛmi kàbanyi myɛ na.

2 Cányi kèlē 29:3

Woro wi Yawe kpáagi kɔ̀riyɔ múgu wi fǎngi yɛɛzelile yezelige na, níì yi sámaga.

2 Cányi kèlē 29:7

Alí pe n nìkpaangi kɔ̀riyɔ tɔ́n, níì fètingèle fígi. Pe ga nùndaanni yáriga ní sáriga-sórigoo wòlo Isirayɛli ye Kolocɔlɔw ma tɛɛcǎngi ni í.

Ɛsidirasi 10:31

Harimi yòdaʔayi wòolo si i nyɛ: Eliyezɛɛri, ní Yisyiya, ní Malikiya, ní Syemayeya, ní Simeyɔn,

Ɛsidirasi 8:16

Lǎli bee ni a mii tun a be sáà kùndigibèle yeri pe lè Eliyezɛɛri, ní Ariyɛli, ní Syemayeya, ní Elinatan, ní Yaribi, ní Natan, ní Zakarii, ní Mesyulami, n fàra Yoyaribi, ní Elinatan na be pye lè tamafɔɔlɔ.

Nehemii 6:12

A mii gi cán ncan Kolocɔlɔɔ ban wi wi tun í. Kàjáa wi maa kérigèle nyaa n joo n tɛ̀ɛn kánmi bee na, mii kéeli na, níì cán Tobiya ní Sanbala ye pe da wi syɔɔ wáli na.

Ŋúnuyi 12:2

Ee Yawe, ki n yɛlɛ mi wo syɔɔ, níì cán Kolocɔlɔɔ yɛ́ɛgi fyáafɔɔlɔ i kwóo ni syée. Tágala syɛɛnnɛ ní o beè syɔɔn ye níngi ni í.

Ŋúnuyi 37:12

Syɛɛnpeew i kanbeemɛ tímana syɛɛnsinw kánma na, wi i gǎngèle kúru wi kánmi na.

Kàseegèle 11:9

Kolocɔlɔɔ téefɔw i wi tɛ́ɛnnyɛnw kálagi ní wi nyɔ́ɔgi ní, syɛɛnsinbèle si a syɔɔ cánni báriga ni.

Zyeremii 36:5

A Zyeremii syɛ́ɛnri naa joo n gbàn Baruki ma níì wi pye: «Pe n mii cò n yérige nɛɛ naa, mii a gbǎn kári Yawe kpáagi ma í.

Ezekyɛli 3:24

A Pǐli jée mii ni n mii yérige mii tɔ́lɔyi na. A Yawe joo ní mii ní, níì mii pye: «Da syée mi sa jée mɔ kpáagi ni, mí gi tɔ́n mi wáa miyɛɛ na.

Malasyii 1:10

«Koro na wìí wi nyɛ yele ni, wee wi a kɔ̀riyi tɔ́n lè jàngó yele a kɔ́ ra náagi nii mii sáriga-wòlo-yafaangi na gbanzan í? Yele kéeli ga tɔ̀nɔ n mii dɛ́nɛ í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya. «Mii a yakanʔa syɔɔ yele kɔ́yi ni í!

Matye 7:15

«Ki n yɛlɛ yaa yeyɛɛ kɔ̀rɔsíi kanyaajoo-fáanabèle na, bele be bàsaliyi nii lè ni maa yele ma, bi gi taa be fúnyi i nyɛ àmɛɛ solomikaara fúnyo nyɛ lè, dee kateegi sámaga n jáa lè.

Zyan 3:20

Syɔɔn o syɔɔn wi kapeegèle kpéʔele lè, gbɛ̀ɛ́nmi ga wee bee dɛ́nɛ nyáana í, wi o yirigi gbɛ̀ɛ́nmi na jàngó syɛ́ɛnbèle í kɔ́ woro kapyegèle nyaa í.

Kapyegèle 21:30

A kěgi syɛ̀ɛnnɛ myɛ fúnyo nyáʔami be na, a syɛ́ɛnbèle i yìrigí tɛ́ɛyi myɛ ma ni fé ni maa n baa Pɔli cò, níì wi fulolo n yirige kpɔ̀ʔɔrɔli kpaʔa ni, á be fala n kɔ̀riyi tɔ́n.