Nehemii 6:1 - Cebaara Bible 2010

¹ Lǎli ni si Sanbala, ní Tobiya, ní Gesyɛmi wi lè Arabuw, ní wolo nigoobèle bele gi lóʔo lè mii n níì tǒw faan n kwɔ́ɔ, weegaa ga níì kòro wi na sìndɔn ni í, lǎli bee ni mii da kɔ́ɔ̀ kpàánweegèle kɔ̀riyɔ le í,

Nehemii 6:1 Iomraidhean Croise

Nehemii 13:4

Sáni gee bee i pye lè, sáriga-wòlow wi lè Eliyasyibi, woro wee má wolo Kolocɔlɔw kpaʔa kpaafunyo da kàlifáa lè, wi maa pye Tobiya syɔ́ɔn.

Nehemii 2:10

Sanbala wi lè Horɔn ye wów, ní Amɔn ye Tobiya, wi lè syɛɛnkpɔɔwaa, a poro ga kéeli bee lóʔo, a gi tɔ̀nɔ n be bɛɛn gbanʔama, àmɛɛ nànwaa pan lè n ba ni Isirayɛli yòdaʔayi wòolo nyɔɔmɔ caa.

Nehemii 2:19

Sanbala wi lè Horɔn ye wów, ní Amɔn ye Tobiya, wi lè syɛɛnkpɔɔwaa, ní Gesyɛmi wi lè Arabuw, a poro ga kéeli bee lóʔo, a be i peyɛɛ nyɛ́nɛ wolo na ní i wolo faari. Pe n jo: «Nyàʔá ye kpéʔele gee? A yele a fànʔafɔw cée lé wii?»

Nehemii 3:1

Eliyasyibi wi lè sáriga-wòlobèle kàfɔlɔ, woro ní wi senyɛnbèle be lè sáriga-wòlobèle, a poro yìri n Bǎbèle kpàánweele faan. A be li yaʔa kɔlɔ̀ na Kolocɔlɔɔ ma, níì li kɔ̀riyi le. Pe n li yaʔa kɔlɔ̀ na Kolocɔlɔɔ ma n séli yaà Dabataw kpaataʔa-tɔ́nɔgɔ na fwɔɔ n sáà nan Hananeyɛli kpaataʔa-tɔ́nɔgi na.

Nehemii 3:3

A Senaa yòdaʔayi Fábèle kpàánweele faan. A be li pari níì li kɔ̀riyi le, níì li gbóʔoroyi, ní li yasɔʔɔyi le.

Nehemii 3:6

Yoyada wi lè Paseya jáaw, ní Mesyulami wi lè Besodya jáaw, a poro Kpàánweelɛɛli sámaga. A be li parili tíiye taʔa, níì li kɔ̀riyi le li na, níì gbóʔoroyi ní yasɔʔɔyi le.

Nehemii 4:1

Kàjáa lǎli ni Sanbala, ní Tobiya, ní Arabubèle, ní Amɔn ye, ní Asidɔdi ye gi lóʔo lè Zyerusalɛmi tǒw fáli i syée yɛʔɛ̀ ma, ncan pe n séli ni wi tɛɛ̀walagiyi tɔ́ngi, a be fúnyi tanʔa gbanʔama.

Nehemii 7:1

Lǎli ni tǒw níì faan n kwɔ́ɔ lè, á mii kpàánweegèle kɔ̀riyɔ le n kwɔ́ɔ, a mii kpàánweegèle kɔ̀rɔsiifɔɔlɔ, ní ŋùuvɔbèle, ní Levii ye télege be fáliw tɛ́ɛyɛ ni,

Danyɛli 9:25

Koro na ki n yɛlɛ mɔ í gi cán bi gi kɔ́rɔw cán bi cán nlaa lǎli ni syɛ́ɛnri joo lè níì jo pe ní Zyerusalɛmi télege, bi wi faan kavɔn bi taa ba nan Kùndigi Wonyɛnɛ-wòlow làribanna na, koro a pye cégboʔolo kɔrɔsiin. Zyerusalɛmi kadàlayi, ní wi wéeyi a ní sámaga télege bi ní faan kavɔn cégboʔolo togoye taanri ní siin fúngo ni. Kàjáa ki a pye funjurugogbɔɔrɔ larigéle ni.