Nehemii 5:9 - Cebaara Bible 2010

⁹ A mii níì jo: «Gee yele kpéʔele lè, ki ga nyɔɔ í. Wolo Kolocɔlɔw yɛ́ʔɛ fyáara na ban yele yɛlɛ bàā táanri koro ga pye bi syɔɔ syɛɛnfeleyi faʔara ma ì, yi lè wolo nigoobèle ì?

Nehemii 5:9 Iomraidhean Croise

Sélimɛ 20:11

A Abirahami jo: «Mii maa gi tímana n jo Kolocɔlɔɔ yɛ́ɛgi fyáara a pye tɛ́ɛgi naa ni í. Pe a mii kpóo mii céw kéele na.

Sélimɛ 42:18

A ki ga pye candaanri wógi na, a Zyozɛfu be pye: «Ki n yɛlɛ ye gee naa kpéʔele koro ga pye yele í koro sìi na. Níì cán mii i fɛ̀ɛgí Kolocɔlɔɔ na.

2 Samyɛli 12:14

Kàjáa àmɛɛ mɔ gi kaan Yawe nígoobèle í da wi mɛ́ɛgi kálagi lè àmɛɛ mɔ kéeli bee pye lè piiw mɔ see lè, wi a kùu.»

Nehemii 4:4

Lǎli bee ni a Zyuda ye i gi nyuu níì jo: «Tugolaabèle fànʔa i kwóo, á kànyaʔari si nɛʔɛ, wolo a gbǎn ra tǒw faanri í.»

Nehemii 5:10

Mii ní mii senyɛnbèle, ní mii falipye-nìgɔcaribèle ní, wolo n wɔ́ɔ̀ wáli, ní bile fwɔ́ɔgéle le be na. Koro na, ki n yɛlɛ wo fwɔ́ɔgèle bee yaʔa be ma.

Nehemii 5:15

Guvɛrinɛɛri-sélibèle be pye mii yɛ́ʔɛ ma lè, poro maa gi gbàn syɛ́ɛnbèle na, ni yaliiri, ní dùvɛɛnw syoo be ma n fàra wálifiio támabéle togoye siin-ziin na. Alí be falipye-nìgɔcaribèle maa ni fǎngi kpéʔele syɛ́ɛnbèle na. Mii si ga koro kàa kpéʔele í, àmɛɛ mii fɛ̀ɛgí Kolocɔlɔɔ na lè.

Ŋúnuyi 90:11

Wìí syɔ́ɔn wi mɔ fundanʔari fànʔa cán? Ba wìí wi mɔ fundanʔagbɔɔri cán n yɛlɛ ní mɔ yɛ́ɛgi fyáara ní?

Kàseegèle 16:29

Syɛɛntanʔaɔ i wi syɛɛnnyɛnnɛ lɛ́ɛlɛ ni pùuní, níì wi kɔ́ri wi i táanri kobeʔe ni.

Kàseegèle 17:26

Ki ga nyɔɔ be syɛɛnsiɔn kɔ́ri wi lámani sàra í, wàlá bi mɛ́ɛyɛ fɔɔlɔ kpúmɔn be sínni kéele na í.

Kàseegèle 18:5

Bi syɛɛnpeeo yɛ́ɛgi wéle, si kolomɔ kaan syɛɛnsinw ma wi tàángi na, koro ga nyɔɔ í.

Kàseegèle 19:2

Bi lòmaana le keele kpéʔelele ni cánna fun ni, koro ga nyɔɔ syɔɔn faala ma í, wee tɔ́lɔyɔ yi wári lè, wi i tuun kapeele ni.

Kàseegèle 24:23

Dee naa wɔ́ɔ i nyɛ sícilibèle syɛ́ɛnraa. Bi syɔɔnwaa yirige wàa ni kútiiw ni, gee bee ga nyɔɔ í.

Ezekyɛli 36:20

Pe n nan syɛɛnfeleyi tɛ́ʔɛ na, beè pe da ni syée lè, a be mii mɛ́ɛcǎngi nɔ́nʔɔ, a gi pye pe i gi nyuu be kéeli na níì jo: ‹Yawe syɛ́ɛnbèle bɛɛ, woro tári ni be yiri yaà.›

Levii ye sáriga-wòlori 25:36

Mɔ a kɔ́ ra tɔ̀nɔ yirigi wi ni í n náa kɔ́ɔ̀ yére tɔ̀nɔpeeo í. Kàjáa ki n yɛlɛ mɔ í fyáa mɔ Kolocɔlɔw na, mɔ senyɛnw si tɛ́ɛn ní mɔ ní.

Kapyegèle 9:31

Lǎli bee ni a Egiliziw yɛɛ̀nyinge taa Zyude tári, ní Galile tári, ní Samarii tári tɛ́ɛyɛ myɛ ni. A kàa i taari be tágali na, a be i táanri Kàfɔw yɛ́ʔɛ fyáara na, ní i nɛʔɛgi gbanʔama Pìicǎnni dɛ̀ɛmɛnɛ báriga ni.

Wɔrɔmi ye 2:24

Níì cán ki i nyuu Kolocɔlɔɔ syɛɛnsɛbɛri ni níì jo: «Yele Zyefubèle i nyɛ sábabu á syɛɛnfeleyi wozanya si i Kolocɔlɔɔ mɛ́ɛgi kálagi.»

1 Timɔte 5:14

Koro na lɔgucebèle be nyɛ lè pe ga kɔ́ɔ̀ lɛɛ í, mii i caa poro í da cèpɔrigi kpéʔele, koro ga pye paa pìibēle sii, sáā be kpáayi kèlē sámagi da cɔɔnri, jàngó pe a kɔ́ tɛɛ̀jeʔe kaan wolo nigoobèle ma paa syɛɛnpeeri nyuu poro kéeli na í.

Tiiti 2:5

si pye yákirifɔɔlɔ, ki ga yɛlɛ be pye kanɔnʔɔbyebèlē í, ki n yɛlɛ paa be kpáayi fáli kpéʔele, si wɔ́ɔ pye funjànya fɔ̀ɔlɔ sáā lúro be tiimaa nǎnbèle ma, koro ga pye Kolocɔlɔɔ syɛ́ɛnri mɛ́ʔɛ a kɔ́ kálagi í.

1 Pyɛri 2:12

Ki n yɛlɛ yele í da nàʔajànma náari syɛɛnfeleyi nínge ni, koro ga pye, àmɛɛ be yele mɛ́ɛpɛɛnyi yiri lè níì jo yele i nyɛ kapeebyebèlē, pe ga ni yele kapyejǎngèle nyaagi, pe a nìjangbɔɔri taʔa Kolocɔlɔɔ na wi canbangi na.

1 Samyɛli 2:24

Eʔe dɛ, ni pìibēle, gee be nyuu a mii i lúro lè, ki ga nyɔɔ í. Yele i Yawe syɛ́ɛnbèle ŋɔrɔgi ni légi céemi ni.