Nehemii 5:7 - Cebaara Bible 2010

⁷ A mii gi kɔ̀rirɔ n tímana bi fúlo mɛ́ɛkpoloyi fɔ̀ɔlɔ, ní kútiijoobèle na, mii n be pye: «Yele í da fwɔ́ɔgèle nii lé yele senyɛnbèle na tɔ̀nɔ kéele na!» A mii be yeri kpóʔorogbɔɔlɔ na.

Nehemii 5:7 Iomraidhean Croise

Ŋúnuyi 109:11

Ki n yɛlɛ fwɔɔjáariɔ í wi kɔlɔ̀ yáriri myɛ koli, nibɔɔnnɔ si wi fáliw fɔ̀rɔgɔ tɔ̀nɔ láa!

Ŋúnuyi 15:1

Davidi ŋúnugi. Yawe, wìí wi a tìrige bi kòro mɔ fanikpaagi ni? Ba wìí wi a tɛ́ɛn mɔ nyanbe-nyunjǎngi na?

Ŋúnuyi 15:5

Wi o wi wáliw fwɔ́ɔlɔ nii syɔɔn na tɔ̀nɔ kánma na í, wi o wáli syoo ní i sɔ́ɔn kolomɔ funvɔlɔ na í. Syɔ́ɔnwee wi táanri kánmi bee na lè, yafyɛn a tée gbǎn wi cúngo í.

Ŋúnuyi 27:8

Mii i sɔ̀ngí syɛ́ɛnri na, dee mɔ joo lè níì jo: «Yaa mii yɛ́ɛgi caa!» Yawe, mii i mɔ caa!

Ŋúnuyi 4:4

Ki n yɛlɛ ye gi cán Yawe n tágala syɔ́ɔn nyɛ́nɛ n wòlo n yaʔa wiyɛɛ ma. Mii ga yákpoli wáa Yawe kurugo lǎli ni lè, wi n lóʔo mii ma.

Ŋúnuyi 94:16

Wìí wi a yìri mii ma syɛɛnpeebèle kurugo? Wìí wi a yìrí yére mii ma syɛɛnnaa-sìnzinbèle kánma na?

Yirile 22:24

Mii syɛ́ɛnbèle bele be nyɛ lè yele ni fɔ̌ngi fɔ̀ɔlɔ, mɔ ga wáli fwɔ́ɔlɔ le pe wàa na, mɔ a kɔ́ gi pye àmɛɛ fwɔɔlebèle bele gi kpéʔele lè í. Mɔ a kɔ́ wi kɔ́ri wi tɔ̀nɔ taʔa mɔ ma í.

Yirile 22:25

Mɔ ga mɔ syɛɛnnyɛnnɛ búrogbɔʔɔ syɔɔ n tɛ́ʔɛ yarigaa sìndɛʔɛ ni, ki n yɛlɛ mɔ í gi lúrugo kaan wi ma sáni cángi í jée lè.

Kàseegèle 27:5

Bi fúlo syɔɔn na kàfugi na, koro n pɔ́rɔ n sɔ̀lɔ tàmalaragi na.

Kàseegèle 28:4

Làlwaw céefɔɔlɔ i syɛɛnpeew sòoló, kàjáa làlwaw kèlē kpéʔelefɔɔlɔ fúnyo i taanri wi kurugo.

Ezekyɛli 22:12

Pe i námara kpɔ́ʔɔrɔ syoo mɔ ni jàngó bàā sìsyaanw ŋuu. Mɔ i tɔ̀nɔw, ní tɔ̀nɔpeew caa, mɔ i mɔ syɛɛnnyɛnnɛ fuguri gbánama ni ni miyɛɛ gbéʔele lɔrɔfɔlɔ, mii si na, mɔ n fɛ̀ʔɛ mii na, Kàfɔw Yawe wi jo nya.

Ezekyɛli 45:9

«Kàfɔw Yawe wi syɛ́ɛnri naa joo níì jo: ‹Wobyegwɔɔgi n yɛlɛ nya, Isirayɛli fànʔafɔbiigèle! Ye yele péemi ní yele yanɛnɛ-mí-syɔɔri kéele yérige nya, yáā táanri kányɛɛgi ní sínni na, ye láʔa nya mii syɛ́ɛnbèle nɔ̀ʔɔrɔlɔ na. Kàfɔw Yawe wi jo nya.

Levii ye sáriga-wòlori 19:15

Yele a kɔ́ ra sìnzinmɛ kpéʔele kútiiw kèlē ni í. Mɔ a kɔ́ syɔɔnwaa córo si pwɔɔ wi fɔ̌ngi kéele na í. Mɔ a wɔ́ɔ kɔ́ syɔɔnwaa kpɔ́ʔɔ wi kpɔ́ɔmi kéele na í. Kàjáa ki n yɛlɛ maa mɔ felegefɔ-nyɛ́nw kútii nyuu ní sínnɛ ní.

Levii ye sáriga-wòlori 25:36

Mɔ a kɔ́ ra tɔ̀nɔ yirigi wi ni í n náa kɔ́ɔ̀ yére tɔ̀nɔpeeo í. Kàjáa ki n yɛlɛ mɔ í fyáa mɔ Kolocɔlɔw na, mɔ senyɛnw si tɛ́ɛn ní mɔ ní.

Matye 18:17

Wi ga sáà poro wóri cée, mi sa gi joo Egiliziw ma. Wi ga sèʔê Egiliziw wóro cée, mi wi córo syɛɛnfelegaa ní wálisyɔɔɔ.

2 Korɛnti ye 5:16

Koro na tɔ́ɔliw ni wolo ní o syɔɔnwaa faala tímana céri kàbaan na ni yɛlɛgi ní dulunyanw syɛ̀ɛnnɛ tímanaganma ní í. Alí wolo da wíre ni Kirisi tímana lè dulunyanw syɛ̀ɛnnɛ tímanaganma na, wolo ní o wi tímana kánmi bee na í.

Galasi ye 2:11

Lǎli ni si Sefasi pan lè Antyɔsyi ma, mii maa wi kábala syɛ́ɛnbèle nyɛ́nɛ na níì cán wi maa kolo.

1 Timɔte 5:20

Bele si be kapeegèle kpéʔele lè, ki n yɛlɛ mɔ í da fúlo be na syɛ́ɛnbèle myɛ nyɛ́nɛ na, koro ga pye wozanbèle í wɔ́ɔ fyáa.

Tiiti 2:15

Da kérigèle bee nyuu kánmi bee na syɛ́ɛnbèle ma, máā be kɛɛlɛ, mí wɔ́ɔ maa be kapeegèle tèé be na bi yɛlɛ ní fǎngi myɛ ní mɔ taa lè. Mɔ a kɔ́ syɔɔnwaa faala yaʔa wi mɔ faʔa í.