Nehemii 5:5 - Cebaara Bible 2010

⁵ Bi gi taa wolo ní wolo senyɛnbèle cére i nyɛ wonijanra, a wolo pìíbèle ní be wóbèle wɔ́ɔ i nyɛ wonijanbéle. Kàjáa wolo i wolo nànbiigèle, ní wolo calipiigèle nii púlori ni. Alí wolo calipiigèle kèle saʔa n jée n kwɔ́ɔ yaà. Wolo fánʔa si a ní taa yafyɛn na í, níì cán wolo séyi ní wolo ɛrɛzɛn séyi i nyɛ n kwɔ́ɔ pèle ma.»

Nehemii 5:5 Iomraidhean Croise

Sélimɛ 29:14

A Laban jo: «Mɔ tɔ̀nɔ́ i nyɛ mii kacelegaa, ní mii céri tɛ́ɛgaa.» A Zyakɔbi yebogo nibin kwɔ́ɔ Laban tɛ́ɛgi ni.

Sélimɛ 37:27

Ye tíi wo wi pára Isimayɛli ye ma. Wolo a kɔ́ kɔlɔ̀ taʔa wi na í, níì cán wolo senyɛnnɛ wii. Wi ní wolo i nyɛ cenijanra.» A Zyuda senyɛnzanbèle wi syɛ́ɛnri lóʔo.

2 Fànʔafɔbèle 4:1

A kanyaajoobele gboolo woolo céwaa kɔ́ ba ni nyaan Elize na níì jo: «Mii nǎnw wi pye lè mɔ falipyewaa, wi n kùu. Mɔ si n gi cán mɔ falipyew maa ni fɛ̀ɛgí Yawe na, á fwɔɔlɔ fɔ́lɔ si pan ba mii pìíbèle siin cò bi sa pye wi pulobèlē.»

Kàseegèle 22:7

Lɔrɔfɔw i tɛ̀ɛ́n foomɔfɔbèle nyúngo na, fwɔɔkuunw si i nyɛ fwɔɔlew púlo.

Ezayi 50:1

Yawe n syɛ́ɛnri naa joo níì jo: «Sán ceyaʔa-sɛ́bɛw nyɛ, wee mii tɛ́ʔɛ n yele nɔ́ɔw yaʔa lè? Wàlá mii fwɔɔlɔfɔwìí má mii yele pára? Ye wéle, yele n pára yele kolomi kéele na. Yele sìnzinmi kéele na yele nɔ́ɔw yaʔa.

Ezayi 58:7

Mɔ liilaa kaan kateèjaaw ma, máā foomɔfɔbèle tìrigí maa légi mɔ kpáagi ni, bele be nyɛ lè tɛɛkòrogo fun ni. Mí burogo le wee na mɔ ga nyaa lè cepyá, mɔ si a kɔ́ kàdoʔo wáa wee ma wi nyɛ lè mɔ tiimaa céri tɛ́ɛgaa í.

Matye 18:25

Yafyɛn si da pye wi ma bi fwɔ́ɔli bee tɔ́n í. A wi kàfɔw be pye be sa wi pára ní wi céw, ní wi pìíbèle, ní wi kɔlɔ̀ yáriri myɛ ní jàngó woro fwɔ́ɔli í tɔ́n.