Nehemii 5:4 - Cebaara Bible 2010

⁴ Pèle si i gi nyuu níì jo: «Wáli fwɔ́ɔgèle wolo kúun lè jàngó bi nyǔnyi lɔ́rɔ kaan fànʔafɔw ma, wolo séyi, ní wolo ɛrɛzɛn séyi n jée gele bee lariga ni.

Nehemii 5:4 Iomraidhean Croise

1 Fànʔafɔbèle 9:21

poro bele yòdaʔaya yi da kòro lè tári ni pe kàdoʔo ma, níì cán Isirayɛli da gbàn n be kálagi n kwɔ́ɔ péw í, a Salomɔn bele bee pèle kɔ́ri, a be pye pɔrɔtɔɔri fáli púlobéle fwɔɔ n baa nan níjanʔa na.

Ɛsidirasi 4:13

Fànʔafɔw si n yɛlɛ bi gi cán, kěgi naa ga níì faan, a gi tǒw níì sámaga pe a ní da nyǔnyi lɔ́rɔ, ní fǎngi wáli, ní céwologi kaangi í. Ki kàdogi si a ba pye fànʔafɔbèle bɔ̀nɔ kéele.

Ɛsidirasi 4:20

Séekpɔɔɔ fanʔafɔɔlɔ n tɛ́ɛn n sɔ̀lɔ fǎngi na Zyerusalɛmi ni, pe maa cábigi jelige tátɛɛyɛ myɛ kùru. A pe i nyǔnyi lɔ́rɔ, ní fǎngi wáli, ní céwologi kaangi be ma.

Ɛsidirasi 7:24

Wolo a wɔ́ɔ ní gi joo yele ma si yele pye, nyǔnyi lɔ́rɔ, wàlá fǎngi wáli, wàlá céwologo ga yɛlɛ kaa syoo sáriga-wòlobèle, ní Levii ye, ní ŋùuvɔbèle, ní kpàánweegèle kɔ̀rɔsiifɔɔlɔ, ní Netinyɛbèle, ní Kolocɔlɔɔ kpáagi bee falipyebèlē ma í.

Nehemii 5:3

Pe pèle si i gi nyuu níì jo: «Wolo i wolo séyi, ní wolo ɛrɛzɛn séyi, ní wolo kpáayi nii fwɔɔgèle lariga ni, jàngó bàā bilew taagi kateekpɔɔgi làla ni.»

Nehemii 9:37

Fànʔafɔbèle bele kɔ́yɔ ni mɔ wolo le lè wolo kapeebyeri kéele na, ti yasannɛʔɛri n baa pye poro wóro. Gee gi be dɛ́nɛ lè, a be i koro kpéʔele wolo céri, ní wolo yaweeri na. Wolo tɔ̀nɔ́ i nyɛ wɔʔɔgbɔʔɔ ni.»

Kàseegèle 22:7

Lɔrɔfɔw i tɛ̀ɛ́n foomɔfɔbèle nyúngo na, fwɔɔkuunw si i nyɛ fwɔɔlew púlo.

Zyozuwe 16:10

Kanaan ye be pye wodɛ́ɛnbéle ní Gezɛɛri ni lè, pe ga bele bee nɛnɛ n yirige yaà í. Kanaan ye sèʔé i nyɛ wodɛ́ɛnbéle ní Efirayimi ye níngi ni àlí n baa nan níjanʔa na. Kàjáa pe n be kɔ́ri pe i pɔrɔtɔɔri fáli kpéʔele.