Nehemii 5:10 - Cebaara Bible 2010

¹⁰ Mii ní mii senyɛnbèle, ní mii falipye-nìgɔcaribèle ní, wolo n wɔ́ɔ̀ wáli, ní bile fwɔ́ɔgéle le be na. Koro na, ki n yɛlɛ wo fwɔ́ɔgèle bee yaʔa be ma.

Nehemii 5:10 Iomraidhean Croise

Nehemii 10:32

Tári bee syɛɛnfeleye ga pan ní jàgi yáriraa wàlá ní yapáraga o yapáraga ní cândɛnɛgi ni bi ba pára, wolo a tée yafyɛn syɔɔ be ma cândɛnɛgɛ ni wàlá séri canya ni í. Yɛ̀ʔɛlɛ kɔrɔsiin-ziinw myɛ ni wolo a tári yaʔa ti ŋɔ́ndaa, wolo a tée wàa kɔ́ri wi fwɔɔlɔ tɔ́n í.

Nehemii 5:11

Ye be séyi, ní be ɛrɛzɛn séyi, ní be olivye tíiri, ní be kpáayi lúrugo be ma níjanʔa n fàra wáliw, ní bilew, ní dùvɛɛnfɔnw, ní sǐnmi na yele syɔɔ be ma lè tɔ̀nɔw.»

Nehemii 5:7

A mii gi kɔ̀rirɔ n tímana bi fúlo mɛ́ɛkpoloyi fɔ̀ɔlɔ, ní kútiijoobèle na, mii n be pye: «Yele í da fwɔ́ɔgèle nii lé yele senyɛnbèle na tɔ̀nɔ kéele na!» A mii be yeri kpóʔorogbɔɔlɔ na.

Nehemii 5:9

A mii níì jo: «Gee yele kpéʔele lè, ki ga nyɔɔ í. Wolo Kolocɔlɔw yɛ́ʔɛ fyáara na ban yele yɛlɛ bàā táanri koro ga pye bi syɔɔ syɛɛnfeleyi faʔara ma ì, yi lè wolo nigoobèle ì?

Ŋúnuyi 15:5

Wi o wi wáliw fwɔ́ɔlɔ nii syɔɔn na tɔ̀nɔ kánma na í, wi o wáli syoo ní i sɔ́ɔn kolomɔ funvɔlɔ na í. Syɔ́ɔnwee wi táanri kánmi bee na lè, yafyɛn a tée gbǎn wi cúngo í.

Ezayi 58:6

Súnleganmee bi mii dɛ́nɛ lè, poro bi nyɛ bee naa: Bi péemi nyɔ̀ʔɔdiriye cɛnɛ, bi zúuw yapwɔɔrɔ sánʔana, bele na wɔʔɔgi gbàn lè, bi bele bee yirige yaʔa wɔ́rɔbéle, bi zúubèle féleye myɛ cɛnɛ.

Ezekyɛli 18:13

ní i fwɔɔlɔ nii tɔ̀nɔ kéele na, ní i tɔ̀nɔpeew syoo, jaafɔw bee félege si kòro lé sìi na? Wi a kòro sìi na í àmɛɛ wi kapeeyi bee myɛ kpéʔele lè. Pe a tɔ̀nɔ́ wi kpóo wii! Wi sìsyaanw wolo kapeele a kòro wi tiimaw na!

Ezekyɛli 18:7

wi si o syɔɔn nɔ̀ʔɔrɔ́ ni líi í, ní i gi lúrugu ni kaangi, gee wi syɔɔ fwɔɔlɔ fɔ́lɔ ma fwɔɔlɔ nyɔ́ɔ ni lè, wi si o yúu í, ní si i wi lìilaa kaangi kateèjaaɔ ma, ní i burogo nii wee na wi nyɛ lè cepyá,

Ezekyɛli 18:8

wi si o fwɔɔlɔ nii tɔ̀nɔ kéele na í, wi o tɔ̀nɔpeeo syoo í, wi si o wi kɔ́gi nii sìnzinmi ni í, ní i kútiiw nyuu kányɛɛgi na syɛ̀ɛnnɛ siin nínge ni,

Misye 2:1

Wɔʔɔlɔ a pye bele na be sìnzinmi pyeganma sɔ̀ngí lè, ní i kapeegi kpéʔeleganma tímana ni yaari n be yaʔa pe yasinɛyi na! Nyǐngi ga tali, lǎli ni gi kpéʔeleli fànʔa ga pye be ma lè pe n gi foro.

2 Korɛnti ye 5:11

Wolo n gi cán àmɛɛ gi yɛlɛ wolo í da fɛ̀ɛgí Kàfɔw na lè, gee bee na wolo ŋàʔaná syɛ́ɛnbèle na koro ga pye wolo í be fúnyi kàriga. Kolocɔlɔɔ n wolo fúnyi cán, mii sɔ̀nguri i nyɛ gi na n jo yele n wɔ́ɔ̀ wolo cán yele fúnyi ni.

2 Korɛnti ye 5:20

Koro na wolo nyɛ Kirisi tundunbéle, á Kolocɔlɔɔ si i syɛ́ɛnbèle yiri wolo jooli báriga ni. Wolo si i yele nyɛ́ɛri Kirisi mɛ́ɛgi na níì jo ye bɛ̀ɛ ní Kolocɔlɔɔ ní!

2 Korɛnti ye 6:1

Amɛɛ wolo nyɛ lè Kolocɔlɔɔ falipyenyɛ̀nnɛ, wolo i yele nyɛ́ɛri níì jo kpɔ́ʔɔri yele taa wi ma lè, yele a kɔ́ dee bee yaʔa di pye yele ma gbanzan í.

Làlwaw Kaanziin 15:2

Fwɔɔyaʔari pyeganma bi nyɛ bee naa: Syɔɔn o syɔɔn wi da fwɔɔlɔ le wi syɛɛnnyɛnnɛ na lè, wi a ní kɔ́ wi syɛɛnnyɛnw, wàlá wi senyɛnw kɔ́ri wi li tɔ́n í àmɛɛ fwɔɔyaʔari kéele jáari n kwɔ́ɔ lè Yawe kéeli na.