Nehemii 4:9 - Cebaara Bible 2010

⁹ Lǎli ni wolo nigoobèle gi lóʔo lè ncan pe n wolo sàmi, á Kolocɔlɔɔ be katimanani kálagi, a wolo myɛ lúru tǒw fáli ma, a wo myɛ nibin nibin fala wo fali tɛ́ɛyɛ ma.

Nehemii 4:9 Iomraidhean Croise

Sélimɛ 32:28

A nǎnw wi pye: «Mɛ̀ɛ́ pe mɔ yiri?» A wi jo: «Pe i mii yiri Zyakɔbi.»

Nehemii 4:10

Nlaa cángi bee na, mii falipyebèle tíla maa pye fáliw na, á tílagee si i nyɛ ní tàbaabèle, ní tunmɔzige-yáriyi, ní sedeyi ní, n fàra túnmɔri búroyo na. Kùndigibèle maa pye Zyuda syɛ́ɛnbèle myɛ na.

Nehemii 4:11

Bele pe da ni tǒw faanri lè, ní bele pe da ni túgori lée lè, ní be tugofɔbèle maa ni báara ní kɔyɔ nibin nibin ní, kapɛɛnkpumɔn-yáriri si i nyɛ kɔ́yee ni.

Zyɔbi 5:12

Wi i námarafɔbèle katimanagéle kálagi. Pe katimanagèle i kálagi be kɔ́yi ni.

Ŋúnuyi 33:10

Yawe i tári syɛɛnfeleye kakɔrirɔgēle kálagi, wi i syɛɛnfeleyi katimanagéle kàragí gbanzan kèlē.

Ŋúnuyi 50:15

Ki n yɛlɛ mi mii mɛ́ɛgi yeri wɔʔɔgi canʔa na, mii a mɔ syɔɔ mɔ sáā mii kpɔ̀ʔɔrɔ́.»

Kàseegèle 22:12

Yawe nyapiigèle i cánni kpáa wéle, kàjáa wi i námarafɔw syɛ́ɛnrɛ cáan tári na.

Matye 26:41

Ki n yɛlɛ ye kòro nyɛ̀nɛ na yáā nyɛ́ɛri koro ga pye yarigaa a kɔ́ yele kárima bi lége kapeele ni í. Ki láagi i nyɛ syɔɔn pili na, kàjáa wi céri fànʔa n cɛ́rɛ.»

Luki 21:36

Ye kòro nyɛ̀nɛ na làrigèle myɛ ni, yáā Kolocɔlɔɔ nyɛ́ɛri, koro ga pye yele í ba fànʔa taa bi syɔɔ kérigèle bee myɛ ma ge maa lè, si taa bi yére Syɔɔn-pya yɛ́ʔɛ ma.»

1 Pyɛri 5:8

Ki n yɛlɛ ye yeyɛɛ cǒmi cán, yé kòro nyɛ̀nɛ na! Níì cán yele kàsiitun-nyɛ́nw wi lè Dàzɔɔnw, wi i nyaari ni máari àmɛɛ càaraɔ nyɛ, wee wi kaana lè, syɔ́ɔnwee wi a taa káa lè, wee bee wi caa.