Nehemii 4:6 - Cebaara Bible 2010

⁶ Zyefubèle bele si be pye yaà wodɛ́ɛnbéle ní be taana lè, a poro pan n baa wolo sàmi tɔlɔyɔ kɛɛ, níì jo: «Pe i yìrigí be tɛɛkòroyi myɛ ma ni maa.»

Nehemii 4:6 Iomraidhean Croise

1 Cányi kèlē 29:14

Níì cán mii wi nyɛ wìí, ba mii syɛ́ɛnbèle be nyɛ bɛ̀lɛ́, wolo si gbǎn kɔ́ ba kínidɛnɛgɛ yakaanyi naa félege kaan mɔ ma? Níì cán mɔ má yáriri myɛ yìrigí, mɔ kɔ́lɔ yáriraa ni wolo wòlo n níì lúrugo n kaan mɔ ma.

1 Cányi kèlē 29:3

N fàra gee bee na, tɛ́ɛw, ní wálifiiw mii taa lè, wi nyɛ mii tiimaa ma lè, àmɛɛ Kolocɔlɔɔ kpáagi kéele mii dɛ́nɛ lè, mii n wi kaan mii Kolocɔlɔw kpaʔa kéele na, n fàra yáriree myɛ na mii sámaga n yaʔa tɛɛcǎngi kéele na lè.

2 Cányi kèlē 29:36

A Ezekyasi ní syɛ́ɛnbèle myɛ fundaanra kpéʔele, àmɛɛ Kolocɔlɔɔ da ki myɛ kpéʔele syɛ́ɛnbèle ma lè, níì cán ki maa kpéʔele kelekele.

Nehemii 4:5

Wolo nigoobèle maa ni gi nyuu níì jo: «Pe a yarigaa cán í, pe si a wɔ́ɔ yafyɛn nyaa í, bi taa wolo í sa foo jée be níngi ni. Lǎli bee ni wolo a be kpóo, si fáliw sàa kánmi bee na.»

Nehemii 4:7

Koro na mii syɛ́ɛnbèle télege tɛɛmariyi ni, tǒw kàdoʔo ma, ní tɛɛwaayi na. Mii maa be télege nariduluyo nariduluyo, pe ŋɔséebèle, ní be tàbaabèle, ní be sedeyi si i nyɛ be ma.

Nehemii 6:15

Tǒw n faan n kwɔ́ɔ Eluli yégi canya toko ní kagunɔ wógi na, canya togoye siin ní kpɔrigɔ ní siin fúngo ni.

Ŋúnuyi 110:3

Mɔ syɛ́ɛnbèle tɔ̀nɔ́ i cángi sige, gee ni mɔ a mɔ kapɛɛnkpumɔnbèle kpóʔoro lè, fèreri yacanvororo si pye be na nyǐnjerigi na. Mɔ wojáribèle i maa àmɛɛ nyǐnjerige kásaga nyɛ lè!

Ŋúnuyi 122:3

Zyerusalɛmi, mɔ wee wi lè kègaa, gee be faan n gi kàbanyi myɛ sámaga n sogi yiyɛɛ na lè.

Agizye 1:14

Zyuda ye tári kacɔɔnriɔ Zorobabɛli wi lè Syeyalityɛli jáaw, ní sáriga-wòlobèle kàfɔlɔ Zyozuwe wi lè Yehosadaki jáaw, ní syɛɛnsanbèle myɛw, a Yawe poro fúnyi yìrige, a be pan n ba ni báara Nyɛ̀ʔɛni Sùlasiibéle Kafɔlɔ Yawe kpáagi ni wi lè be Kolocɔlɔw,

Filipikaʔa ye 2:13

Níì cán wee wi báara lè yele ni woro wi nyɛ Kolocɔlɔɔ, wi i báara yele ni jàngó yele í fɔ̀lɔ wi kínidɛnɛgi kèlē na, sáā ge kpéʔele.

Heburubèle 13:21

ki n yɛlɛ wi fànʔa kaan yele ma jàngó yele í gbǎn ra kapyejǎngèle féleye myɛ kpéʔele bi yɛlɛ ní wi nyɛnɛ kéeli ní, si wɔ́ɔ wi kanidaanni kpéʔele wolo fúnyi ni Zyezu Kirisi bárigaw ni, woro wee na nìjangbɔɔri yɛlɛ lè làla o làla kwɔ́ɔmɔ fun! Amiina!