Nehemii 4:2 - Cebaara Bible 2010

² A be myɛ pínɛ n bɛ̀ɛ nibin na bi ba too Zyerusalɛmi na bi wi nyáʔami.

Nehemii 4:2 Iomraidhean Croise

Ɛsidirasi 4:4

A tári syɛ̀ɛnnɛ fala ni sàlaga légi Zyuda syɛ́ɛnbèle ni, ní i be fígiri pe láʔa faanni na.

Nehemii 12:27

Zyerusalɛmi tǒw kàlifaala lala ni, pe maa kári n sáà Levii ye caa tɛ́ɛyi myɛ ni pe da pye lè wodɛ́ɛnbéle ní, n pan ní be ní Zyerusalɛmi ma, koro ga pye pe ba tǒw kàlifaala séri kpéʔele fundaanra na, ní sòololi, ní ŋúnuyi ní, yee yi a ra ŋúu lè ní kanyɛɛnri kadaforo yáriya, ní dǎngbogèle ní n fàra kɔ̀ríbèle na.

Nehemii 12:43

A syɛ́ɛnbèle sáriganɛʔɛɔ wòlo cángi bee, ní tɔ̀nɔ́ i fundaanra kpéʔele, níì cán Kolocɔlɔɔ maa fundaangbɔɔrɔ kéele pye be ma. A cébèle ní pìíbèle wɔ́ɔ i fundaanra kpéʔele, a pe i Zyerusalɛmi fundaanri yákpowáara lúro tɛɛ̀leelige ni.

Nehemii 4:10

Nlaa cángi bee na, mii falipyebèle tíla maa pye fáliw na, á tílagee si i nyɛ ní tàbaabèle, ní tunmɔzige-yáriyi, ní sedeyi ní, n fàra túnmɔri búroyo na. Kùndigibèle maa pye Zyuda syɛ́ɛnbèle myɛ na.

Nehemii 6:15

Tǒw n faan n kwɔ́ɔ Eluli yégi canya toko ní kagunɔ wógi na, canya togoye siin ní kpɔrigɔ ní siin fúngo ni.

Ŋúnuyi 83:4

Pe i bɛ̀ɛgí jànvaawaa na mɔ syɛ́ɛnbèle kánma na, ní i peyɛɛ nyaagi ni nyuu be kánmi na, bele kpáa mɔ wéle lè.

Zyeremii 26:18

«Mika wi pye lè Moresyɛti ye wów, wi maa ni kérigèle nyaagi ni nyuu Zyuda fànʔafɔw Ezekyasi lǎli ni, ní i gi nyuu Zyuda syɛ́ɛnbèle myɛ ma, níì jo: ‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Siyɔn a fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.›

Zyeremii 33:24

«Mɔ ga gi nyaa gee syɛ́ɛnbèle naa nyuu lè ì? Pe i gi nyuu níì jo: ‹Narigbaayi siin Yawe da nyɛ́nɛ n wòlo lè, wi n yi cée.› Kánmi bee na pe mii syɛ́ɛnbèle faari, pe nyɛnɛ na pe ní caa o nyɛ syɛɛnfelege í.

Danyɛli 9:25

Koro na ki n yɛlɛ mɔ í gi cán bi gi kɔ́rɔw cán bi cán nlaa lǎli ni syɛ́ɛnri joo lè níì jo pe ní Zyerusalɛmi télege, bi wi faan kavɔn bi taa ba nan Kùndigi Wonyɛnɛ-wòlow làribanna na, koro a pye cégboʔolo kɔrɔsiin. Zyerusalɛmi kadàlayi, ní wi wéeyi a ní sámaga télege bi ní faan kavɔn cégboʔolo togoye taanri ní siin fúngo ni. Kàjáa ki a pye funjurugogbɔɔrɔ larigéle ni.

Habakuki 3:2

Yawe, mii n mɔ kapyegèle kéele lóʔo, fyáara n mii cò, Yawe, mɔ kapyeli yɛ́ʔɛ ma, li foro yɛ́ɛgèle fúngo ni! Li yaʔa li cán yɛ́ɛgèle fúngo ni! Kàjáa n mɔ yaʔa mɔ fundanʔari fúngo ni, sɔ̀ngi mi taa mɔ nyinidaari kéele na.

Zakarii 12:8

Cángi bee na Yawe a Zyerusalɛmi ye tɔ́n. Wàa ga ni fági be ni, woro a pye cángi bee na mɔ a jo Davidi wii. Davidi kpáagi si pye mɔ a jo Kolocɔlɔɔ wii, bi pye mɔ a jo Yawe nyɛ̀ʔɛni tunduɔn wii pe yɛʔɛ̀ ma.

Zakarii 4:10

Koro na wìí wi yapiigèle sélimɛ canʔa faʔa? Syɔɔn ga gûnzin-yárigi nyaa Zorobabɛli kɔ́gi ni, wi a ra fundaanra kpéʔele. Kɔrɔsiinw bee i nyɛ Yawe nyapiigèle, gele ge tári myɛ wéle ni forogi lè.»

1 Korɛnti ye 1:27

Syɛ́ɛnbèle bele dulunyanw syɛ̀ɛnnɛ córo lè nilabalabéle, bele bee si Kolocɔlɔɔ nyɛ́nɛ n wòlo, koro ga pye bi fɛ̀ɛrɛ wáa sícilibèle na. Níì cán syɛ́ɛnbèle bele dulunyanw syɛ̀ɛnnɛ córo lè fànʔa-fùnvɔɔlɔ, Kolocɔlɔɔ n bele bee nyɛ́nɛ n wòlo koro ga pye bi fɛ̀ɛrɛ wáa fǎngi fɔ̀ɔlɔ na.