Nehemii 4:16 - Cebaara Bible 2010

¹⁶ Lǎli bee wonijanna ni a mii wɔ́ɔ̀ gi joo syɛ́ɛnbèle ma níì jo: «Syɔɔn o syɔɔn n yɛlɛ waa syɔ̀ɔ́n Zyerusalɛmi ni ní wi falipye-nìgɔcariɔ ní, jàngó wo pye kɔ̀rɔsiifɔɔlɔ yébiligi ni, wáā fáliw kpéʔele cángi làla ni.»

Nehemii 4:16 Iomraidhean Croise

Nehemii 4:15

A wolo i fáliw kpéʔele kánmi bee na ni sélegi nyǐnjerigi na fwɔɔ n ba ni nangi ŋɔripiigèle làriyirile na, wolo tílagee n si pye ní tàbaabèle ní kɔ́yi ni.

Nehemii 4:17

Wolo si da ni wolo búroyi wóo í, mii ní mii senyɛnbèle, ní mii falipye-nìgɔcaribèle, ní kɔ̀rɔsiifɔbèle bele pe da taʔa mii na lè. Syɔɔn o syɔɔn maa pye ní wi kapɛɛnkpumɔn-yáriga ní, àlí lǒgi ma.

Ŋúnuyi 101:6

Mii nyɛ́nɛ a pye tágala syɛ́ɛnbèle na be nyɛ lè tári ni, koro ga pye be tɛ́ɛn mii taana. Wee wi táanri kajoolo fun syɛ́ɛnbèle kólogi ni lè, wee bee fɔ́lɔ a ra báara mii ma.

Yirile 28:32

Ki yátiigi kúun níngi ni, mí gi taʔala cama ni mi gi màʔa àmɛɛ saliga búrogo nyɛ lè, koro ga pye ki a kɔ́ sulu í.

Ŋúnudaangi 3:8

Pe myɛ i nyɛ ní ŋɔséebéle ní, níì gbàn kapɛɛnni kpúmɔnganma na. Pe myɛ nibin nibin ŋɔséebéle i nyɛ be cèsiinyunyi na, yébiligi fyáara yanyaaya kéele na.

Zyeremii 46:4

Ye syɔ́ɔnyi pwɔɔ, ye lúgu, syɔɔnfǎnbèle! Ye sa yeyɛɛ dɛ̀ɛn ní yele túnmɔri nyùndɔnyɔ ní, ye yele tàbaabèle sámaga ye kurugo, ye túnmɔri búroyo lè.