Nehemii 4:15 - Cebaara Bible 2010

¹⁵ A wolo i fáliw kpéʔele kánmi bee na ni sélegi nyǐnjerigi na fwɔɔ n ba ni nangi ŋɔripiigèle làriyirile na, wolo tílagee n si pye ní tàbaabèle ní kɔ́yi ni.

Nehemii 4:15 Iomraidhean Croise

2 Samyɛli 15:31

A pe baa Davidi pye: «Nyɔɔkuunri Abisalɔmi kpéʔele lè, bele be nyɛ ní wi ní lè, Ahitofɛli i nyɛ poro wàa.» A Davidi jo: «Ee Yawe, ki yaʔa Ahitofɛli yarili syɛ́ɛnrɛ í pye nyungo fun.»

2 Samyɛli 17:14

A Abisalɔmi ní Isirayɛli syɛ́ɛnbèle myɛ jo: «Ariki ye Husyayi yarili syɛ́ɛnrɛ di pɔ́rɔ n sɔ̀lɔ Ahitofɛli wóri na.» Yawe si wi da gi kɔ̀rirɔ bi Ahitofɛli yarili syɛɛncanra kálagi, koro ga pye woro Yawe í kapeʔe yaʔa gi nan Abisalɔmi na.

Nehemii 4:16

Lǎli bee wonijanna ni a mii wɔ́ɔ̀ gi joo syɛ́ɛnbèle ma níì jo: «Syɔɔn o syɔɔn n yɛlɛ waa syɔ̀ɔ́n Zyerusalɛmi ni ní wi falipye-nìgɔcariɔ ní, jàngó wo pye kɔ̀rɔsiifɔɔlɔ yébiligi ni, wáā fáliw kpéʔele cángi làla ni.»

Kàseegèle 21:30

Sícilimɛ yoo, cánna yoo, lálii yoo, gee bee kàa faala o córo Yawe yɛ́ʔɛ ma í.

Ezayi 44:25

Mii wi jànvaa kanyaajoobèle fɛ̀ɛbēle kálagi, ní wɔ́ɔ i kanyaabèle kàragí nilabalabéle. Mii i sícilibèle lúrugu kàdoʔo ma, ní i be cánni kàragí labalama.

Ezayi 8:10

Ye bɛ̀ɛ kàa na ki a kálagi! Ye syɛɛnraa joo, ti a foro í! Níì cán Kolocɔlɔɔ i nyɛ ní wolo ní.

Mariki 13:34

Ki i nyɛ àmɛɛ syɔɔn gáā syée kùlo ni lè, níì wi kpáagi ní wi yáriri myɛ kàlifáa wi falipyebèle ma, níì fáliw tɛ̀ɛn be na nibin nibin, níì kpàánweeli tɛ́ɛnfɔlɔ pye wi kòro nyɛ̀nɛ na.

Wɔrɔmi ye 12:11

Ye lòmaana le, yele a kɔ́ pye sàlagafɔɔlɔ í. Ki n yɛlɛ yaa báara Kàfɔw ma ní fun-yaʔa ní.

1 Tesaloniki ye 4:11

yé wɔ́ɔ ŋàʔana ye kòro fûnnyinge na, yáā yele tiimaa kérigèle kɔ̀rɔsíi, yáā báara ní yele kɔ́yi ní àmɛɛ wolo da gi joo n gbàn yele ma lè.