Nehemii 4:14 - Cebaara Bible 2010

¹⁴ Yele ga tòmaagi wìimɛ lóʔo tɛ́ɛgee ni lè, ye kpóʔoro yaà beè wolo ma. Wolo Kolocɔlɔw a ra kapɛɛnni kpúmɔn bàā kaangi wolo ma.»

Nehemii 4:14 Iomraidhean Croise

2 Samyɛli 10:12

Gbèé pye, wo nìrimɛ le wolo syɛ́ɛnbèle kéele na ní wolo Kolocɔlɔw kèye kéele na. Gee gi Yawe dɛ́nɛ lè, ki n yɛlɛ wi koro kpéʔele.»

2 Cányi kèlē 32:7

«Ye nìrimɛ le, yé sámaga ye yére. Ye a kɔ́ ra fɛ̀ɛgí í, ye a kɔ́ ra cɛ̀lɛ́ Asirii fànʔafɔw, ní syɛɛnnɛʔɛmi myɛ yɛ́ʔɛ ma, bee bi nyɛ ní wi ní lè í. Níì cán bele be nyɛ ní wolo ní lè pe n nɛʔɛ n sɔ̀lɔ woro wóbèle na.

Nehemii 1:5

A mii jo: «Ee Yawe mɔ wi lè nyɛ̀ʔɛni Kolocɔlɔɔ, Kolocɔlɔɔ, mɔ wee wi kpɔ́ʔɔ lè ní i nyɛ fyáara yáriga, mɔ wee wi joogaanni ní funjǎngi kɔngi lè bele kàbaan na mɔ kéeli dɛ́nɛ lè, á be mɔ kajoodɛɛngèle kɔn,

Zyɔbi 37:22

Tɛɛ̀ nìjanra si i yìrigí solomɔkulo ma. Ee, Kolocɔlɔɔ nìjanri tɔ̀nɔ́ i nyɛ fyáara wóro ní!

Ŋúnuyi 143:5

Mii i sɔ̀ngí ni taagi booma cányi kéele na, mii i mɔ kapyegèle myɛ kéele sɔ̀ngí, mii i sɔ̀ngí mɔ kɔ́yi fáli kéele na.

Ŋúnuyi 20:7

Tɔ́ɔliw ni mii n náà gi cán Yawe i wi wonyɛnɛ-wòlow syoo, bi wi yaʔa wi nyɛ̀ʔɛni kpɔ̀ʔɔrɔlɔ kpaacanga ni, wi a wi nyɛ́ɛrigi lóʔo, si wi kàliigi tɛ́ʔɛ bi wi dɛ̀ɛmɛ.

Ŋúnuyi 27:1

Davidi ŋúnugi. Yawe wi nyɛ mii gbɛ̀ɛ́nmi, ní mii syɔɔli, wìí na mii a ní da fɛ̀ɛgí? Yawe wi nyɛ mii sìíw tɛɛlàraga, wìí na mii a ní fyáa?

Ŋúnuyi 46:11

Wi n jo: «Ye yére, ye gi cán mii wi nyɛ Kolocɔlɔɔ, mii wi nyɛ syɛɛnfeleyi nyúngo na, mii wi nyɛ tári nyúngo na.»

Ŋúnuyi 65:5

Syɔ́ɔnwee mɔ ga nyɛ́nɛ n wòlo lè níì wi yaʔa wi nùuni mɔ na, koro ga pye wi tɛ́ɛn mɔ kacooli ni, syɔ́ɔnw bee i nyɛ dùba pyà! Mɔ kpáagi yacanra a tɔ̀nɔ́ wolo tín, mɔ kpɔʔɔrɔli kpaacanga ni.

Ŋúnuyi 66:3

Yaa gi nyuu Kolocɔlɔɔ ma ye wi pye: «Mɔ kapyegèle i nyɛ bìngaara kele! Mɔ nigoobèle i peyɛɛ gaangi mɔ ma pe nyɔ́ɔyi ni, mɔ séekpɔɔw kapyegèlē báriga ni.

Ŋúnuyi 66:5

Yaa maa ye ba Kolocɔlɔɔ kapyegèle wéle! Wi i nyɛ bìngaara wi kérigèle ni, gele wi kpéʔele syɔɔn ye kéeli na lè.

Yirile 14:14

Yawe a kapɛɛnni kpúmɔn bi kaan yele ma. Yele si na, ki n yɛlɛ ye kòro pyèrio.»

Yirile 14:25

Wi maa be kapɛɛnkpumɔn-wòtorobèle sàkoyo kɔ́nɔgi n táriga, a be tánʔani kéele gbàn. Lǎli bee ni a Ezyipiti ye jo: «Ye tíi waa fé Isirayɛli ye na. Níì cán Yawe i kapɛɛnni kpúmɔn ní wolo Ezyipiti ye ní ni kaangi be ma.»

Syɛɛnjóow 12:1

Da sɔ̀ngí maa taagi mɔ Faanfɔw na mɔ cárimi canya ni, sáni canbeeyi í da maa lè, yɛ́ɛgèle si nan, gele ni mɔ a ra gi nyuu lè si jo: «Mii yanidaanmaga ní o nyɛ ge ni í,»

Danyɛli 11:32

Wi a joogaanni kálagifɔɔlɔ fáana pùuni ní sícilizyɛɛnrɛ ní. Kàjáa syɛ́ɛnbèle bele pe be Kolocɔlɔw cán lè, bele bee a sámaga yére bàā báara.

Zakarii 14:3

Yawe a yiri bi kapɛɛnni kpúmɔn ní syɛɛnfeleyi bee ní, mɔ a jo cángee na wi kapɛɛnnɛ kpúmɔn lè kapɛɛnni canʔa na.

Córolo 14:9

Yele a tɛ́nɛ kɔ́ céemɛ kpéʔele ní Yawe ní í. Yele a kɔ́ fyáa tári bee syɛ̀ɛnnɛ na í, níì cán pe a pye wolo ma lìile. Yatɔngɔ ní o nyɛ be na í. Yawe i nyɛ ní wolo ní. Yele a kɔ́ fyáa be na í.»

Matye 10:28

Bele be céri kúu lè, pe si a gbǎn pǐli kpóo í, yele a kɔ́ ra fɛ̀ɛgí bele bee na í. Kolocɔlɔɔ na yele yɛlɛ bàā fɛ̀ɛgí, woro wee wi a gbǎn pǐli ní céri myɛ pínɛ kálagi lè tɛɛwɔʔɔgi ni.

Làlwaw Kaanziin 1:21

Wéle, Yawe mɔ Kolocɔlɔw n tári tɛ́ʔɛ mɔ yɛ́ʔɛ ma. Lúgu mi sa di syɔɔ mi taa àmɛɛ Yawe mɔ tóolɛɛbèle Kolocɔlɔɔ gi joo mɔ ma lè. Mɔ a kɔ́ fyáa í, zɔ̀nviige a kɔ́ ra mɔ kɔɔn í.›

Làlwaw Kaanziin 10:17

Níì cán Yawe yele Kolocɔlɔw i nyɛ kolocɔlɔbèle myɛ Kolocɔlɔɔ, ní kàfɔbèle myɛ Kàfɔlɔ. Woro wi nyɛ Kolocɔlɔɔ wi lè wogbɔɔw, wee wi nìri lè ní i nyɛ fyáara yáriga, wi o syɔɔnwaa yirigi wàa ni í, wi o námara kpɔ́ʔɔrɔ syoo í.

Heburubèle 13:6

Koro na wolo a gbǎn gi joo ní nànzorodo ní si jo: «Kàfɔw wi nyɛ mii dɛ̀ɛmɛfɔw, mii a tée fyáa í. Nyàʔá syɔɔn a gbǎn kpéʔele mii na?»

Zyozuwe 1:9

Mii ban wi gi joo n gbàn mɔ ma ì níì jo ki n yɛlɛ mi nìrimɛ le, mí lòmaana le ì? Mɔ a kɔ́ ra fɛ̀ɛgí í. Zɔ̀nviige ga yɛlɛ kaa mɔ kɔɔn í, níì cán tɛʔɛ o tɛʔɛ ni mɔ ga kári lè, mii Yawe mɔ Kolocɔlɔw i nyɛ ní mɔ ní.»

Jàbɔbèle 3:27

Wi tɛ́nɛ̀ nan yaà lè a wi tòmaagi wìi Efirayimi nyanbeleyi kúlo ni. A Isirayɛli ye pínɛ n tìgi ní wi ní nyanbelegi na, á wi kíni pe yɛ́ɛgi na.