Nehemii 4:10 - Cebaara Bible 2010

¹⁰ Nlaa cángi bee na, mii falipyebèle tíla maa pye fáliw na, á tílagee si i nyɛ ní tàbaabèle, ní tunmɔzige-yáriyi, ní sedeyi ní, n fàra túnmɔri búroyo na. Kùndigibèle maa pye Zyuda syɛ́ɛnbèle myɛ na.

Nehemii 4:10 Iomraidhean Croise

2 Cányi kèlē 34:13

Pe maa wɔ́ɔ̀ pye túgori kèlē nyúngo na. Bele myɛ pe da pye fáliw na n màʔa lè pe maa pye bele bee kɔ̀rɔsiifɔɔlɔ. Levii wóbèle pèle maa wɔ́ɔ̀ pye sɛ́bɛkanbéle, pèle si i nyɛ kakarigabēle, á pèle pye kpàánweegèle kɔ̀rɔsiifɔɔlɔ.

Nehemii 4:11

Bele pe da ni tǒw faanri lè, ní bele pe da ni túgori lée lè, ní be tugofɔbèle maa ni báara ní kɔyɔ nibin nibin ní, kapɛɛnkpumɔn-yáriri si i nyɛ kɔ́yee ni.

Nehemii 4:2

A be myɛ pínɛ n bɛ̀ɛ nibin na bi ba too Zyerusalɛmi na bi wi nyáʔami.

Nehemii 4:9

Lǎli ni wolo nigoobèle gi lóʔo lè ncan pe n wolo sàmi, á Kolocɔlɔɔ be katimanani kálagi, a wolo myɛ lúru tǒw fáli ma, a wo myɛ nibin nibin fala wo fali tɛ́ɛyɛ ma.

Ezekyɛli 29:18

«Syɔɔn-pya, Nebukadinezari wi lè Babilɔni fànʔafɔw, wi n wi kapɛɛnkpumɔnbèle wáa faligbaɔn na Tiiri kánmi na. Nyǔnyi myɛ n folo, fókaannyunyi myɛ n fórogi, wi si ga tɔ̀nɔ faala taa Tiiri ni í, woro yoo, wi kapɛɛnkpumɔnbèle yoo, fáliw kéele na wi kpéʔele wi kánmi na lè.

Agizye 1:2

«Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: ‹Syɛ́ɛnbèle naa i gi nyuu níì jo: Lǎli ga kɔ́ɔ̀ nan í, lee ni Yawe kpáagi yɛlɛ bi ní lúru faan lè í.› »

Córolo 13:31

Kàjáa nǎnbèle pe da pínɛ n kári ní wi ní lè, a poro jo: «Wolo a gbǎn kári sa tún ní syɛ́ɛnbèle bee ní í, níì cán pe fǎngi n nɛʔɛ wolo wógi na.»

Córolo 32:9

Pe maa kári fwɔɔ n sáà nan Ɛsyikɔli jǐnlɔgi na, a pe ga tári saanri n kwɔ́ɔ, a pe baa Isirayɛli ye bárigaw kwɔ́ɔ, koro ga pye táree Yawe kaan be ma lè, pe a kɔ́ kári sa jée di ni í.