Nehemii 4:1 - Cebaara Bible 2010

¹ Kàjáa lǎli ni Sanbala, ní Tobiya, ní Arabubèle, ní Amɔn ye, ní Asidɔdi ye gi lóʔo lè Zyerusalɛmi tǒw fáli i syée yɛʔɛ̀ ma, ncan pe n séli ni wi tɛɛ̀walagiyi tɔ́ngi, a be fúnyi tanʔa gbanʔama.

Nehemii 4:1 Iomraidhean Croise

Nehemii 13:28

Yoyada wi lè sáriga-wòlobèle kàfɔlɔ Eliyasyibi jáaw, woro pìiwaa maa pye Horɔn ye Sanbala pyà nàɔn. Koro na mii wi nɛnɛ n núngo niyɛɛ daana.

Nehemii 2:10

Sanbala wi lè Horɔn ye wów, ní Amɔn ye Tobiya, wi lè syɛɛnkpɔɔwaa, a poro ga kéeli bee lóʔo, a gi tɔ̀nɔ n be bɛɛn gbanʔama, àmɛɛ nànwaa pan lè n ba ni Isirayɛli yòdaʔayi wòolo nyɔɔmɔ caa.

Nehemii 2:19

Sanbala wi lè Horɔn ye wów, ní Amɔn ye Tobiya, wi lè syɛɛnkpɔɔwaa, ní Gesyɛmi wi lè Arabuw, a poro ga kéeli bee lóʔo, a be i peyɛɛ nyɛ́nɛ wolo na ní i wolo faari. Pe n jo: «Nyàʔá ye kpéʔele gee? A yele a fànʔafɔw cée lé wii?»

Nehemii 6:15

Tǒw n faan n kwɔ́ɔ Eluli yégi canya toko ní kagunɔ wógi na, canya togoye siin ní kpɔrigɔ ní siin fúngo ni.

Nehemii 6:16

Lǎli ni wolo nigoobèle myɛ kéeli bee lóʔo lè, syɛɛnfeleyi myɛ yi wolo màʔa lè, a yi fyáa. A yi tɔ̀nɔ n yiyɛɛ nyaa fɛ̀ɛrɛ wóyo ní, ní wɔ́ɔ̀ gi cán fáliw n kpéʔele n foro n yɛlɛ ní wolo Kolocɔlɔw nyɛ́nɛ kéele ní.

Zyeremii 38:19

A fànʔafɔw Sedesyasi Zyeremii pye: «Mii i fɛ̀ɛgí zyefubèle bele na pe sáà peyɛɛ gaan Kalide ye ma lè, mii i fɛ̀ɛgí níì jo pe a sa mii le be kɔ́yi ni paa peyɛɛ nyɛ́nɛ mii na.»

Matye 2:16

A Herodi ga gi nyaa sícilibèle n woro fáana, a wi fúngi tɔ̀nɔ n tanʔa gbanʔama. A wi tun níì jo pe sa Bɛtilehɛmi kěgi nànbiigéle ní gi tɛ́nɛmi wòʔolo myɛ kpóo, gele ge nyɛ lè ke ga kɔ́ɔ̀ sɔ̀lɔ yɛ̀ʔɛlɛ siin-ziin na í, bi yɛlɛ ní lǎli ní lee wi sámaga n yíbe lè sícilibèle ma.

Matye 27:29

níì wúuro mígele fànʔafɔ-ǹdɔnnɔ n tɔ́n wi nyúngi ni, níì kàgbeele le wi kàliige kɔ́gi ni. A be fala ni kpùmɔnɔ wi yɛʔɛ̀ ma ní i peyɛɛ nyɛ́nɛ wi na, níì jo: «Mɔ o faana, Zyefubèle fànʔafɔlɔ!»

Kapyegèle 5:17

Lǎli bee ni a sáriga-wòlobèle kàfɔgbɔɔɔ yìri n fàra bele myɛ na be pye lè ní wi ní, gee bee n jo Sadusebèle, a nyabɛɛnni cée be na,

Heburubèle 11:36

Pèle nikwɔɔlɔ maa faʔara taa ní wɔ́ɔ̀ sapiigèle kpúmɔnrɔ syɔɔ, á be pèle nikwɔɔlɔ pwɔɔ níì be le kàsow ni.