Nehemii 2:8 - Cebaara Bible 2010

⁸ Sɛ́bɛwaa si kaan Azafi wóo, wi lè fànʔafɔw kɔ́ligɔ kɔrɔsiifɔlɔ, koro ga pye wi tiire kaan mii ma kpɔ̀ʔɔrɔli kpaʔa taana kpaataʔa-tɔ́nɔgɔ kɔriyɔ kéele na, ní kěgi tò, ní kpáagi kéele na beè mii a sa pye lè.» A fànʔafɔw fɔ̀lɔ gi na mii ma, níì cán mii Kolocɔlɔw kɔjànga maa pye mii na.

Nehemii 2:8 Iomraidhean Croise

Sélimɛ 32:28

A nǎnw wi pye: «Mɛ̀ɛ́ pe mɔ yiri?» A wi jo: «Pe i mii yiri Zyakɔbi.»

Ɛsidirasi 5:5

Kolocɔlɔɔ nyɛ́nɛ si maa pye Zyefubèle wólɛɛbéle na. Pe ga be yérige fáliw pyele na í fwɔɔ bi taa poro í kéeli bee tun tórigo Dariyusi ma, sɛ́bɛ si wɔ́ɔ taa kéeli bee na.

Ɛsidirasi 6:22

A be Levé fun búruw séri kpéʔele canya kɔrɔsiin fúngo ni ní fundaanra ní. Níì cán Yawe maa fundaanra kaan be ma àmɛɛ wi Asirii fànʔafɔw fúngo kàriga pe kàbangi na lè, bi fànʔa le be kɔ́yi ni Kolocɔlɔɔ kpáagi faanna fáli pyele ni wi lè Isirayɛli Kolocɔlɔw.

Ɛsidirasi 6:8

Gee yele a kpéʔele bi Zyefubèle wólɛɛbèle bee dɛ̀ɛmɛ lè Kolocɔlɔɔ kpáagi bee faanna na, gee naa mii a joo gbàn kéeli bee na: Wáli n yɛlɛ bàā wóo fànʔafɔw lɔ́rɔ ni, cábigi jelige woolo nyúnyo lɔ́rɔ ni bàā kaangi nǎnbèle bee ma làla o làla koro ga pye fáliw a kɔ́ yére í.

Ɛsidirasi 7:6

Ɛsidirasiw bee n yìri Babilɔni ma n pan, làlwaw sɛ́bɛkanwaa wi pye, wee wi da tɔ̀nɔ n Mowizi làlwaw kɔ́rɔ sámaga n cán lè, wee Yawe Isirayɛli Kolocɔlɔw kaan lè. A fànʔafɔw wi yanyɛɛriyi myɛ kaan wi ma àmɛɛ wi Kolocɔlɔw kɔ́lɔ da pye wi na lè.

Ɛsidirasi 7:9

wi maa tánʔani séli n yiri Babilɔni ni yezeligi cânzelige na, a ki ga pye yeye kagunɔ wógi cânzelige na, a wi nan Zyerusalɛmi na àmɛɛ wi Kolocɔlɔw kɔjànga da pye wi na lè.

Nehemii 7:2

níì Zyerusalɛmi kakarigari kàlifáa mii senyɛnw Hananii, ní Zyerusalɛmi kpaataʔa-tɔ́nɔgi kùndigi Hananya ma, wi pye lè tágala syɔ́ɔn, wee wi da ni fɛ̀ɛgí lè Kolocɔlɔɔ na n sɔ̀lɔ syɛ̀ɛnnɛ saʔa na.

Kàseegèle 21:1

Fànʔafɔw fúngo i nyɛ Yawe kɔ́gi ni àmɛɛ lɔ̀ʔɔ nyɛ, gee gi fóo lè, wi i gi kàragí ni tórogi kàbangee ma ki wi dɛ́nɛ lè.

Syɛɛnjóow 2:5

Mii n nángwɔɔbéle fála n yaʔa niyɛɛ ma n fàra tiire séye na, níì tiisanri féleye myɛ cɔ́rɔ yi ni.

Syɛɛnjóow 2:6

A mii lɔ̀ʔɔ wéeye túgu n yaʔa niyɛɛ ma bàā tiiyiliri fɔɔnri ní yi lǒgi ní.

Ezayi 66:14

Yele a gee bee nyaa, yele fúnyi si pye fundaanra na, yele kacelelɛɛyi a ní báriga àmɛɛ nyàā nyɛ lè.» Yawe kɔ́gi a kiyɛɛ dɛ̀ɛn wi falipyebèle na, wi fundanʔagbɔɔri si pye wi nigoobèle na.

Danyɛli 1:9

A Kolocɔlɔɔ si Danyɛli kéeli yaʔa a li falipyenǎnbèle kùndigi dɛ́nɛ, a woro nyinimɛ taa wi na.

Kapyegèle 26:22

Kolocɔlɔɔ si i mii syoo àlí n baa nan níjanʔa na, a mii i séeraw kpéʔele syɛ́ɛnbèle myɛ ma, syɛɛn-yilibèle yoo, syɛɛnkpolobèle yoo, mii o tàa faala taari kanyaajoobèle syɛ́ɛnrɛ ní Mowizi wóri na í, dee pe da joo lè níì jo ti a kɔ́ ba foro.

Kapyegèle 7:10

ni wi yirigi wi wɔʔɔyi myɛ ni, níì kpɔ́ʔɔri, ní sícilimi kaan wi ma, a wi kéeli Faraɔnw dɛ́nɛ, wi pye lè Ezyipiti fànʔafɔw, a Faraɔn wi télege Ezyipiti tári, ní woro tiimaa kpáagi myɛ nyúngo na.

2 Korɛnti ye 8:16

Wolo i bariga kaangi Kolocɔlɔɔ ma àmɛɛ wi wolo lòmaani wonijanna lége lè Tiiti ni yele kéeli na.