Nehemii 2:3 - Cebaara Bible 2010

³ A mii fànʔafɔw yari: «Ki n yɛlɛ fànʔafɔw í kòro beè sìi na! Kěgee ni mii tóolɛɛbèle kɔ̀ɔngēle nyɛ lè, àmɛɛ gi kálagi lè, á náagi gi kɔ̀riyi sórigo mɛ̀ɛ́ mii yɛ́ɛgi a pye ki si a tanʔa í?»

Nehemii 2:3 Iomraidhean Croise

1 Fànʔafɔbèle 1:31

A Bati-Syeba tìgi n too n yɛ́ɛgi cíbele tári na fànʔafɔw yɛ́ʔɛ ma níì jo: «Mii kàfɔw fànʔafɔw Davidi n yɛlɛ bi kòro sìi na làla o làla.»

2 Fànʔafɔbèle 25:8

Yɛ́ɛli yeye kagunɔ wóʔo, canya kɔrɔsiin wóʔo na, koro n pye Babilɔni fànʔafɔw Nebukadinezari fǎngi yɛ̀ʔɛlɛ kɛɛ ní kpanjɛrɛ wólo, Nebuzaradan wi pye lè gáridibèle kùndigi, ní i nyɛ Babilɔni fànʔafɔw falipyewaa, a woro pan Zyerusalɛmi ma.

2 Cányi kèlē 21:20

Lǎli ni wi baa pye lè fànʔafɔlɔ, yɛ̀ʔɛlɛ toko ní kpɔrigɔ ní siin wi da taa. Yɛ̀ʔɛlɛ kɔrɔtaanri wi pye fǎngi na Zyerusalɛmi ni. Wi n kári syɔɔn faala ga gi yáa í. Pe n wi tɔ́n Davidi kěgi ni, kàjáa pe ga wi tɔ́n fànʔafɔbèle nyánya ni í.

2 Cányi kèlē 28:27

A Akazi kùu n fàra wi toolɛɛbèle na, a be wi tɔ́n Zyerusalɛmi kěgi ni, pe si da wi tɔ́n Isirayɛli fànʔafɔbèle nyánya ni í. A wi jáaw Ezekyasi tɛ́ɛn fǎngi na wi sìndɛɛgi ni.

2 Cányi kèlē 32:33

A Ezekyasi kùu n fàra wi toolɛɛbèle na, a be wi tɔ́n Davidi jáabèle nyánya njoʔo ma tɛ́ʔɛ ni. Zyuda ye myɛw, ní Zyerusalɛmi ye n tɔ̀nɔ n kpɔʔɔrɔ taʔa wi na wi kùúw ni. A wi jáaw Manase tɛ́ɛn fǎngi na wi sìndɛɛgi ni.

2 Cányi kèlē 36:19

A be Kolocɔlɔɔ kpáagi sórigo, níì Zyerusalɛmi tǒw cáan, níì gi kpaakpoloyi myɛ sórigo ní naà ní, níì yacanri myɛ kálagi.

Nehemii 1:3

A be mii yari: «Bele be kòro púlori wòolo ni lè, pe i yaà tári ni, fɔ̀rɔgi, ní faʔari si tɔ̀nɔ́ i nyɛ be na, a Zyerusalɛmi tǒw wɔ́ɔ̀ wálagi n too, a náagi kpàánweegèle kɔ̀riyɔ sórigo.»

Nehemii 2:13

A mii foro Jǐnlɔgi kpàánweele ni, yébiligi ni, Diragɔnw Pùnweele zinmɛ na, ní Kábogi kpàánweele kabaan na n Zyerusalɛmi tǒw saanri n wéle, a mii wi nyaa a wi wálagi n too, a náagi wi kpàánweegèle kɔ̀riyɔ sórigo.

Ɛsitɛri 8:6

Wɔʔɔgi ki a too mii syɛ́ɛnbèle na lè, mɛ̀ɛ́ mii a gbǎn gi nyaa si gi kpàraco? Ba mɛ̀ɛ́ mii a gbǎn mii naridulugi wòolo kwɔ́ɔ-mí-yirigele nyaa si pyèri bi sɛ́ɛ?»

Ŋúnuyi 102:14

Mɔ a ba yìri si nyinimɛ taa Siyɔn na. Níì cán lǎli n nan, lee ni mɔ a nyinimɛ taa wi na lè, lǎli n tɔ̀nɔ n nan.

Ŋúnuyi 102:15

Níì cán wi kàdɛnɛyi kéele n mɔ falipyebèle dɛ́nɛ, pe i nyinimɛ taagi wi támiigi na.

Ŋúnuyi 137:6

Mii nyínni í tára mii gbǎdanw na, kapye mii ga sɔ̀ngi n taa mɔ na í, kapye mii ga Zyerusalɛmi kínige mii fundaanri yárira myɛ yɛ́ʔɛ ma í.

Ŋúnuyi 38:7

Mii n lɛ̀ɛlɛ níì kùru niyɛɛ na fwɔɔ gbanʔama. Mii i nyaari ni cángi kwóo ní nyatinmɛ ní.

Zyeremii 52:12

Yɛ́ɛli yeye kagunɔ wóʔo, ki canya kɛɛ wógi na, koro n pye Babilɔni fànʔafɔw Nebukadinezari fǎngi yɛ̀ʔɛlɛ kɛɛ ní kpanjɛrɛ wólo, Nebuzaradan wi pye lè gáridibèle kùndigi, ní i nyɛ Babilɔni fànʔafɔw fáli ni, a woro pan Zyerusalɛmi ma.

Kayaagi Nyɛnigɛ 2:9

Siyɔn kpàánweegèle n jée tári ni. Wi n wi kɔ̀riyi kálagi, n yi yasɔʔɔyi kabagi. Wi fànʔafɔw, ní wi syɛɛnkpolobèle i nyɛ syɛɛnfeleyi nínge ni. Làlwa ní o yaà í. Alí Yawe ní o yanyaʔa tèé wi kanyaajoobèle na í.

Danyɛli 2:4

A Kalide ye joo ní fànʔafɔw ní Arameyɛnri ni níì wi yari: «Ee fànʔafɔw, ki n yɛlɛ mɔ í kòro sìi na làla o làla. Ŋúnɔgi joo wolo ma wo nyɛ lè mɔ falipyebèle, wolo si a gi kɔ́rɔw joo mɔ ma.»

Danyɛli 3:9

Pe n baa gi joo fànʔafɔw Nebukadinezari ma níì jo: «Ee fànʔafɔw, ki n yɛlɛ mɔ í kòro sìi na làla o làla!

Danyɛli 5:10

A fànʔafɔjew sáà jée lìíli kpaʔa ni, fànʔafɔw, ní wi syɛɛnkpolobèle syɛɛnjóoro báriga ni, ní sáà gi joo níì jo: «Ee fànʔafɔw, ki n yɛlɛ mɔ í kòro sìi na làla o làla! Mɔ sɔnguri a kɔ́ curugo í, mɔ césaligi ga yɛlɛ bi fàli í!

Danyɛli 6:21

A wi ga sáà nùuni wéegi na, a wi Danyɛli yeri ní funbɛɛnrɛ yákpolo ní. Fànʔafɔw n syɛ́ɛnri láa n gi joo Danyɛli ma níì jo: «Danyɛli, mɔ wi lè Kolocɔlɔɔ woweew falipyeo, mɔ kolocɔlɔwee má mɔ kòro ni báara lè, a wi gbàn lé n mɔ syɔɔ càarabèle ma?»

Danyɛli 6:6

Lǎli bee ni a nǎnbèle bee jo: «Wolo a tée kolomɔ kéelaa taa Danyɛliw bee na í, fwɔɔ wo ga làa caa wi Kolocɔlɔw làlwa kàbaan na.»

Levii ye sáriga-wòlori 26:31

Mii a yele kèkpoloyi kàriga kataya. Mii a yele tɛɛcǎnyi kálagi. Mii a ní fɔ̀lɔ́ ra yele nùndaanni yárira núngo syoo í.