Nehemii 2:18 - Cebaara Bible 2010

¹⁸ Kánmee na mii Kolocɔlɔw kɔjànga da pye mii na lè, ní syɛ́ɛnree fànʔafɔw joo mii ma lè, a mii gee bee joo n tɛ̀ɛn be na. A be jo: «Ye yìri waa faanri!» A be fànʔa le peyɛɛ ni falicanw bee pyele na.

Nehemii 2:18 Iomraidhean Croise

2 Samyɛli 2:7

Ki n yɛlɛ ye nìrimɛ le, ye pye sànbalipɔɔlɔ, níì cán yele kàfɔw Sawuli n kùu, á Zyuda kpáagi wòolo si baa sǐnmi wo mii na n mii kpéʔele fànʔafɔlɔ peyɛɛ nyúngi na.»

1 Cányi kèlē 11:10

Davidi sànbalipɔbèle kùndigibéle be nyɛ bele naa, poro bele pe da fàra wi na lè lǎli ni wi da ni fǎngi caa lè, poro ní Isirayɛli ye myɛw ní, jàngó bi wi télege fǎngi na bi yɛlɛ ní syɛ́ɛnri ní, dee Yawe da joo lè Isirayɛli kéeli na.

1 Cányi kèlē 19:13

Gbèé pye, wo nìrimɛ le wolo syɛ́ɛnbèle kéele na, ní wolo Kolocɔlɔw kèye kéele na. Gee gi Yawe dɛ́nɛ lè ki n yɛlɛ wi koro kpéʔele.»

2 Cányi kèlē 32:5

A Ezekyasi lòmaana le, tǒw tɛ́ɛyee yi da too lè, a wi níì yoro faan n yìrige n sáà nan kpaataʔa-tɔ́nɔyi na. Ní níì tòwaa faan wee kàdoʔo ma, ní níì Milo sámaga Davidi kěgi ni, níì kapɛɛnkpumɔn-yárira ní tunmɔzige-yariya saʔa sámaga.

Ɛsidirasi 6:22

A be Levé fun búruw séri kpéʔele canya kɔrɔsiin fúngo ni ní fundaanra ní. Níì cán Yawe maa fundaanra kaan be ma àmɛɛ wi Asirii fànʔafɔw fúngo kàriga pe kàbangi na lè, bi fànʔa le be kɔ́yi ni Kolocɔlɔɔ kpáagi faanna fáli pyele ni wi lè Isirayɛli Kolocɔlɔw.

Nehemii 2:8

Sɛ́bɛwaa si kaan Azafi wóo, wi lè fànʔafɔw kɔ́ligɔ kɔrɔsiifɔlɔ, koro ga pye wi tiire kaan mii ma kpɔ̀ʔɔrɔli kpaʔa taana kpaataʔa-tɔ́nɔgɔ kɔriyɔ kéele na, ní kěgi tò, ní kpáagi kéele na beè mii a sa pye lè.» A fànʔafɔw fɔ̀lɔ gi na mii ma, níì cán mii Kolocɔlɔw kɔjànga maa pye mii na.

Efɛzi ye 6:10

Gee gi syɛɛnsanri kwɔ́ɔ lè, àmɛɛ yele nyɛ lè Kàfɔw ni, ki n yɛlɛ ye nìrimɛ le yeyɛɛ ni wi séekpɔɔw fànʔa báriga ni.

Filipikaʔa ye 2:13

Níì cán wee wi báara lè yele ni woro wi nyɛ Kolocɔlɔɔ, wi i báara yele ni jàngó yele í fɔ̀lɔ wi kínidɛnɛgi kèlē na, sáā ge kpéʔele.

1 Samyɛli 23:16

A Sawuli jáaw Zyonatan yìri n kári Davidi ma Horisya ma, bi sa kàa fàra wi lòmaani na jàngó wi tan Kolocɔlɔɔ na.