Nehemii 2:16 - Cebaara Bible 2010

¹⁶ Beè mii da kári lè, ní gee mii sáà kpéʔele lè kútiijoobèle da gi cán í. Nlaa n baa nan lǎli bee na, mii da kɔ́ɔ̀ yafyɛn joo n tɛ̀ɛn Zyefubèle na í, wàlá sáriga-wòlobèle, ní mɛ́ɛyi fɔ̀ɔlɔ, ní kútiijoobèle, n fàra wozanbèle bele na pe da ni faliwaa faala kpéʔele lè í.

Nehemii 2:16 Iomraidhean Croise

Nehemii 2:15

A mii sɔ̀lɔ yébiligi ni gòrógoroweegi ma n tǒw saanri n wéle, níì lúru n baa foro Jǐnlɔgi kpàánweele ni. Kánmi bee na mii lúru n pan.

Nehemii 2:17

Lǎli bee ni a mii be pye: «Yele n gi nyaa wɔʔɔgee ni wo nyɛ lè! Zyerusalɛmi n kálagi, a náagi gi kpàánweegèle kɔ̀riyɔ sórigo. Yaa maa wo ní wo ba Zyerusalɛmi tǒw faan, jàngó wolo a kɔ́ kòro faʔari ni í.»

Yirile 24:11

Wi ga kɔlɔ̀ sánʔa n taʔa Isirayɛli wonyɛnɛ-wòlobèle na í. Pe maa Kolocɔlɔɔ nyaa, níì lìi níì gbaa.

Kàseegèle 12:23

Syɔ́ɔnwee wi cìlige lè, wi i wi cánni làragí, nilabalabèle zɔ̀nbēle si i be labalami jáari.