Nehemii 2:12 - Cebaara Bible 2010

¹² Koro kàdoʔo ma a mii yìri yébiligi ni n nǎnbèle pèle pínɛ ní niyɛɛ ní. Gee si mii Kolocɔlɔw lége mii fúngi ni bi kpéʔele Zyerusalɛmi kéeli na lè, mii ga gi joo n tɛ̀ɛn syɔɔn faala na í. Yaweeyee na be lúru lè ki kàa da níì pye ní mii ní í, kapye mii nibin wógi ban í.

Nehemii 2:12 Iomraidhean Croise

Ɛsidirasi 7:27

Yawe n yɛlɛ waa wi kpɔ̀ʔɔrɔ́, wi lè wolo tóolɛɛbèle Kolocɔlɔɔ, àmɛɛ wi gi lége fànʔafɔw fúngo ni lè wi Yawe kpáagi sámaga ki nyɔɔ kánmi bee na lè, ki lè Zyerusalɛmi ni,

Nehemii 2:11

A mii sáà nan Zyerusalɛmi na níì canya taanri kwɔ́ɔ yaà.

Nehemii 2:13

A mii foro Jǐnlɔgi kpàánweele ni, yébiligi ni, Diragɔnw Pùnweele zinmɛ na, ní Kábogi kpàánweele kabaan na n Zyerusalɛmi tǒw saanri n wéle, a mii wi nyaa a wi wálagi n too, a náagi wi kpàánweegèle kɔ̀riyɔ sórigo.

Ŋúnuyi 122:6

Yaa yɛɛ̀nyinge nyɛ́ɛri yaa kaangi Zyerusalɛmi ma ye jo: «Bele be tàmaga le ní mɔ ní lè, yɛɛ̀nyingi í pye be ma!

Ŋúnuyi 51:18

Níì cán mɔ o fundaanra kpéʔele sáriga kéele na í, kapye koro ban í, mii a dée wàa wòlo. Sáriga-sórigoo o fundaanra kaangi mɔ ma í.

Kàseegèle 12:23

Syɔ́ɔnwee wi cìlige lè, wi i wi cánni làragí, nilabalabèle zɔ̀nbēle si i be labalami jáari.

Syɛɛnjóow 3:7

Suluguli làla i yaà, a jɔlili làla i yaà. Pyèrigi làla i yaà, a jooli làla i yaà.

Zyeremii 31:33

«Kàjáa joogaanni mii a kpéʔele ní Isirayɛli kpáagi wòolo ní lè cányi bee kàdoʔo ma, loro li nyɛ lee naa,» Yawe wi jo nya, «mii a mii làlwaw lége be fúnyi ni, mii a wi sɛ́bɛ pe zɔ̌nbèle na, ki a ní pye kàdɛnɛgɛ kàlagorigēle na í. Mii a pye be Kolocɔlɔw, pé pye mii syɛ́ɛnbèle.

Zyeremii 32:40

Mii a bàngwɔɔ joogaanna kpéʔele ní be ní, mii a ní wàli bi láʔa be na í, mii a kacànga kpéʔele be na, mii a mii yɛ́ɛgi fyáara lége be fúnyi ni, koro ga pye pe a ní kɔ́ wàli bi láʔa mii na í.

Amɔsi 5:13

Koro na syɔ́ɔnwee wi cìlige lè, wi i pyèrí làrigèle naa ni, níì cán làribeegéle gɛɛ.

Misye 7:5

Yele a kɔ́ tága kètɛ́ɛnnyɛnnɛ na í, yele a kɔ́ yeyɛɛ daʔa tàannyɛnnɛ na í. Céwee wi sìnɛ́ mɔ taana lè, fàan mɔ nyɔ́ɔgi na wi kàbangi na.

Matye 10:16

«Ye wéle, mii i yele tórogi solomikaari nínge ni àmɛɛ bàala nyɛ lè. Koro na gi yɛlɛ yele í cìlige àmɛɛ wàbiyi nyɛ lè, si pye kajoolo fun àmɛɛ kàtogèle nyɛ lè.

Matye 2:14

A Zyozɛfu yìri n pìíw láa ní wi nɔ́ɔw ní yébiligi ni n kári Ezyipiti ma

2 Korɛnti ye 8:16

Wolo i bariga kaangi Kolocɔlɔɔ ma àmɛɛ wi wolo lòmaani wonijanna lége lè Tiiti ni yele kéeli na.

Zyozuwe 10:9

A Zyozuwe baa pàla n nan be na, níì cán wi maa yìri Giiligali ma n yébiligi myɛ pye tánʔani na.

Tɛ̀ɛnnɛ 17:17

Níì cán Kolocɔlɔɔ wi wi nyɛnɛ kéeli lége pe fúnyi ni jàngó pe bɛ̀ɛ nibin na, si be fǎngi kaan yaweegi ma fwɔɔ bi taa Kolocɔlɔɔ syɛ́ɛnri í ba foro.

Jàbɔbèle 6:27

A Zyedeyɔn wi falipyenǎnbèle pèle kɛɛ nyɛ́nɛ n wòlo. Gee Yawe da joo lè, a wi gi kpéʔele. Kàjáa àmɛɛ wi da ni fɛ̀ɛgí wi tóow kpaʔa wòolo, ní kěgi syɛ̀ɛnnɛ na lè, wi ga gi kpéʔele cángi làla ni í fwɔɔ yébiligi làla ni wi gi kpéʔele.

Jàbɔbèle 9:32

Koro na yìri tɔ́ɔliw ni yébiligi ni ní syɛ́ɛnbèle bele ní pe yaà ní mɔ ní lè, ye ba làra ye sige sìnbirigi ni.