Nehemii 2:10 - Cebaara Bible 2010

¹⁰ Sanbala wi lè Horɔn ye wów, ní Amɔn ye Tobiya, wi lè syɛɛnkpɔɔwaa, a poro ga kéeli bee lóʔo, a gi tɔ̀nɔ n be bɛɛn gbanʔama, àmɛɛ nànwaa pan lè n ba ni Isirayɛli yòdaʔayi wòolo nyɔɔmɔ caa.

Nehemii 2:10 Iomraidhean Croise

Nehemii 13:1

Lǎli bee ni a be syɛɛnraa wéle Mowizi sɛ́bɛw ni n joo, a syɛ́ɛnbèle lóʔo, a be gi nyaa a gi sɛ́bɛ yaà n jo Amɔn ye wóo, ní Mowabi ye wóo ga yɛlɛ bi jée Kolocɔlɔɔ syɛɛnkpoʔolomi ni nyáana í.

Nehemii 13:28

Yoyada wi lè sáriga-wòlobèle kàfɔlɔ Eliyasyibi jáaw, woro pìiwaa maa pye Horɔn ye Sanbala pyà nàɔn. Koro na mii wi nɛnɛ n núngo niyɛɛ daana.

Nehemii 13:4

Sáni gee bee i pye lè, sáriga-wòlow wi lè Eliyasyibi, woro wee má wolo Kolocɔlɔw kpaʔa kpaafunyo da kàlifáa lè, wi maa pye Tobiya syɔ́ɔn.

Nehemii 2:19

Sanbala wi lè Horɔn ye wów, ní Amɔn ye Tobiya, wi lè syɛɛnkpɔɔwaa, ní Gesyɛmi wi lè Arabuw, a poro ga kéeli bee lóʔo, a be i peyɛɛ nyɛ́nɛ wolo na ní i wolo faari. Pe n jo: «Nyàʔá ye kpéʔele gee? A yele a fànʔafɔw cée lé wii?»

Nehemii 4:7

Koro na mii syɛ́ɛnbèle télege tɛɛmariyi ni, tǒw kàdoʔo ma, ní tɛɛwaayi na. Mii maa be télege nariduluyo nariduluyo, pe ŋɔséebèle, ní be tàbaabèle, ní be sedeyi si i nyɛ be ma.

Nehemii 6:1

Lǎli ni si Sanbala, ní Tobiya, ní Gesyɛmi wi lè Arabuw, ní wolo nigoobèle bele gi lóʔo lè mii n níì tǒw faan n kwɔ́ɔ, weegaa ga níì kòro wi na sìndɔn ni í, lǎli bee ni mii da kɔ́ɔ̀ kpàánweegèle kɔ̀riyɔ le í,

Nehemii 6:16

Lǎli ni wolo nigoobèle myɛ kéeli bee lóʔo lè, syɛɛnfeleyi myɛ yi wolo màʔa lè, a yi fyáa. A yi tɔ̀nɔ n yiyɛɛ nyaa fɛ̀ɛrɛ wóyo ní, ní wɔ́ɔ̀ gi cán fáliw n kpéʔele n foro n yɛlɛ ní wolo Kolocɔlɔw nyɛ́nɛ kéele ní.

Ɛsitɛri 10:3

Níì cán zyefuw Maridosye wi da kpɔ́ʔɔ n taʔa fànʔafɔw Asyerusi na. Wi maa pye syɛɛnkpɔɔɔ Zyefubèle nínge ni. Wi kéeli maa wi senyɛnnɛʔɛmi dɛ́nɛ. Wi maa ni wi syɛ́ɛnbèle nyɔɔmɔ caa, ní i wi syɛɛnfelegi myɛ kacànna caa.

Ŋúnuyi 112:10

Syɛɛnpeew i gee bee nyaagi níì fúngi tanʔa, wi i gǎngèle kúru, wi a nyan bi kwɔ́ɔ, syɛɛnpeebèle yanidaanmara a kálagi.

Kàseegèle 27:4

Fundanʔagbɔɔri i nyɛ nyinimɛ fun, fundanʔari i nyɛ lòcoologo gee gi kabi ni fóo lè, wìí si wi a gbǎn yére nyabɛɛnni sige?

Kàseegèle 30:22

Pulonàɔn í ba pye fànʔafɔlɔ, ní nilabalaɔ í tín lìíli na,

Syɛɛnjóow 10:7

Mii n pulobèlē nyaa syɔɔnyɔ na, ní si fànʔafɔbiigéle nyaa ke i táanri tɔ́lɔyi na àmɛɛ pulobèlē nyɛ lè.

Ezayi 15:5

Mii fúngi i yakpoli wáa Mowabi kéeli na, woro wee wovan-mí-syɔɔbéle be fé ni syée lè fwɔɔ n sa ni nangi Sowari na, n sa ni nangi fwɔɔ Egilati-Syelisyiya na. Ncan pe i nyaan ni Luyiti dǎndamagi lúru. N be yaʔa Horonayimi kólogi na, pe i sùpiigèle wáa gàlagíw kéele na.

Zyeremii 41:10

Bele myɛ pe da kòro Misipa ni lè, a Isimayɛli be cò ni syée pulobèlē: fànʔafɔw jàala pe lè cébèle, ní syɛ́ɛnbèle wozanbèlē myɛ pe da kòro Misipa ni lè, bele gáridibèle kùndigi Nebuzaradan da kàlifáa Ahikami jáaw Gedaliya ma lè, Netanya jáaw Isimayɛli maa be cò n kári pulobèlē, níì kári bi sa pye ní Amɔn ye ní.

Zyeremii 48:34

Hɛsyibɔn yákpogèle i yìrigí fwɔɔ ni nangi Eleyale na, pe i yákpogèle wáa a ke i nangi Yahasi na, nlaa yaà Sowari na n sáà nan Horonayimi na, n kári n sáà nan Egilati-Syelisyiya na. Níì cán Nimirimi lóyi n wɔ́ɔ̀ waʔa.

Zyeremii 48:5

Níì cán ní nyatinmɛ ní pe lúru Luyiti nyanbelegi na. Bele si be yákpogèle wáa, á pe be tɔ́nʔɔnɔ lè, pe si i poro nígoobèle yákpogéle lúro Horonayimi tìgimi ni.

Kapyegèle 4:2

Pe fúnyi maa tɔ̀nɔ n tanʔa Pyɛri ye kurugo n sɔ̀lɔ, àmɛɛ be syɛ́ɛnbèle tama lè, ní i kúbèle nyán-yirile syɛ́ɛnrɛ nyuu ni fíligi Zyezu kéeli na lè.

Kapyegèle 5:24

A kpɔ̀ʔɔrɔli kpaʔa gáridibéle kafɔlɔ ní sáriga-wòlobèle kàfɔɔlɔ ga syɛ́ɛnri bee lóʔo, a gi be fúnyi wɔ́ɔ àmɛɛ pìitunbèle pye n sɛ́ɛ lè níì yiri, a be i peyɛɛ yíbe àmɛɛ gi kàdogi a ba pye lè.