Nehemii 13:7 - Cebaara Bible 2010

⁷ a mii lúru n pan Zyerusalɛmi ma, á pe baa kapeegi kéele joo mii ma, gee Eliyasyibi kpéʔele lè Tobiya kéeli na, àmɛɛ wi kpaafungo sámaga wi ma lè Kolocɔlɔɔ kpáagi kadàala ni.

Nehemii 13:7 Iomraidhean Croise

1 Cányi kèlē 3:24

Eliyoyenayi jáabèle be nyɛ: Hodavya, ní Eliyasyibi, ní Pelaya, ní Akubi, ní Yohanan, ní Delaya, ní Ananii, a poro pye kɔrɔsiin.

Ɛsidirasi 9:1

Gee bee cɔɔnrigwɔɔlɔ kadoʔo ma, a kùndigibèle pan mii ma n baa jo: «Isirayɛli syɛ́ɛnbèle, ní sáriga-wòlobèle, ní Levii ye ga wàli n láʔa tátɛɛyi syɛ̀ɛnnɛ, ní be yanɔnʔɔri na í, ti lè Kanaan ye, ní Hɛti ye, ní Perezi ye, ní Yebusi ye, ní Amɔn ye, ní Mowabi ye, ní Ezyipiti ye, ní Amɔri ye wóri.

Nehemii 13:1

Lǎli bee ni a be syɛɛnraa wéle Mowizi sɛ́bɛw ni n joo, a syɛ́ɛnbèle lóʔo, a be gi nyaa a gi sɛ́bɛ yaà n jo Amɔn ye wóo, ní Mowabi ye wóo ga yɛlɛ bi jée Kolocɔlɔɔ syɛɛnkpoʔolomi ni nyáana í.

Nehemii 13:5

Wi maa kpaafungbɔɔgaa sámaga wi ma, gee ni yakaanyi, ní nùndaanni yáriga, ní yayigeleri, ní bilew yáʔa, ní dùvɛɛnfɔnw, ní sǐnmi yáʔa da ni téeri lè, dee di pye lè Levii ye, ní ŋùuvɔbèle, ní kpàánweegèle kɔ̀rɔsiifɔɔlɔ lɛɛgéle, ní sáriga-yirigew wi pye lè sáriga-wòlobèle kéele na.

Kayaagi Nyɛnigɛ 1:10

Kàsiitun-nyɛ́nw n kɔlɔ̀ taʔa wi lɔ́ri myɛ na. Syɛɛnfeleyee mɔ da jo lè yi a kɔ́ jée mɔ syɛɛnkpoʔolomi ni í wi n yee bee nyaa a yi i jǐn mɔ tɛɛcǎngi ni.

1 Korɛnti ye 1:11

Níì cán ni senyɛ̀nnɛ, mii n yele kéeli lóʔo Kulowe kpáagi wòolo ma, a be jo kàsii i yaà yele níngi ni.