Nehemii 13:2 - Cebaara Bible 2010

² Níì cán pe da pan n baa Isirayɛli ye fàra ní yaliire, ní lɔ̀ʔɔ ní í, ní àmɛɛ pe da Balaami láa lè sàra na níì jo wi ba be dánga. Kàjáa a wolo Kolocɔlɔw dángaw kàriga dùba.

Nehemii 13:2 Iomraidhean Croise

Ŋúnuyi 109:28

Paa syɛ́ɛnbèle dángi, mɔ si na, mɔ a ra dùbaw kpéʔele. Pe ga yìri, fɛ̀ɛrɛ a be taa, mɔ falipyew si a ra fundaanra kpéʔele.

Misye 6:5

Mii syɛ́ɛnbèle, ye sɔ̀ngi ye taa gee na Mowabi fànʔafɔw Balaki da tímana lè, ní syɛɛnlurugori na, dee Beyɔɔri jáaw Balaami da kaan wi ma lè, n séli yaà Syitimi na fwɔɔ n sáà nan Giiligali na, koro ga pye yele í ní Yawe sínni kapyegèlē kéele cán.»

Córolo 23:18

A Balaami wi kpokala-jóomi joo níì jo: «Yìri Balaki, mi lóʔo, Sipɔɔri jáaw, líiyi cáan mii ma.

Matye 25:40

Kàjáa fànʔafɔw a gi joo be ma si be pye: ‹Mii a gi joo yele ma kányɛʔɛ ni, àlí wee wi cɛ́rɛ lè mii senyɛnbèle naa myɛ ni, yele ga gi kpéʔele wee bee ma, mii má yele sèʔê gi kpéʔele.›

Làlwaw Kaanziin 23:3

Pìíwee be see kanɔnʔɔrɔ na lè, wi ga yɛlɛ wi jée Yawe syɛɛnkpoʔolomi ni í, àlí wi yìrigèle kɛɛ wówaa a jée Yawe syɛɛnkpoʔolomi ní í.

Làlwaw Kaanziin 23:4

Amɔn ye wóo wàlá Mowabi ye wóo a jée Yawe syɛɛnkpoʔolomi ni í, àlí pe yìrigèle kɛɛ wówaa a tée jée Yawe syɛɛnkpoʔolomi ni í.

Làlwaw Kaanziin 23:5

Níì cán lǎli ni yele yiri Ezyipiti ni ni maa kólogi na lè, pe ga baa yele fàra ní yaliire, ní lɔ̀ʔɔ ní í, ní àmɛɛ be kári lè Petɔɔri ma gi nyɛ lè Mezopotamii ni n sáà Beyɔɔri jáaw Balaami láa wáli na mɔ kánmi na lè wi ba mɔ dánga.

2 Pyɛri 2:15

Pe n kôzingi yaʔa níì pùuni n taʔa Bozɔri jáaw Balaami kôlaagi na, woro wee kakolobyeri sàra da dɛ́nɛ lè gbanʔama,