Nehemii 13:16 - Cebaara Bible 2010

¹⁶ Tiiri wóbèle pèle maa wɔ́ɔ̀ pye naa wodɛ́ɛnbéle ní, a poro ba ni fábèle, ní jàgi yáriri féleye myɛ pára cândɛnɛgi canʔa ni, Zyuda ye, ní Zyerusalɛmi ye ma.

Nehemii 13:16 Iomraidhean Croise

Nehemii 13:15

Lǎli bee ni a mii nǎnbèle pèle nyaa Zyuda ni a be i ɛrɛzɛn fórogi ɛrɛzɛn lógi tɛɛnùgugo ni, cândɛnɛgi canʔa ni. Pèle maa wɔ́ɔ ni bilepwɔɔgèle tugu jòfanibèle na ni légi Zyerusalɛmi ni, n fàra dùvɛɛnw, ní ɛrɛzɛnw, ní děsyaangi, ní túgori féleye myɛ na, cândɛnɛgi canʔa ni. Cángee na pe da ni be yaliiri pára lè, a mii be sàmi.

Nehemii 13:17

A mii fúlo Zyuda wogbolobèle na níì be pye: «Nyàʔá gi nyɛ kapeegi naa nyúngo, gee yele kpéʔele lè ni cândɛnɛgi kálagi kánmi naa na?

Yirile 20:10

Kàjáa canya kɔrɔsiin wógi i nyɛ mii Yawe mɔ Kolocɔlɔw cândɛnɛgɛ. Mɔ a kɔ́ fali faala kpéʔele gi ni í. Mɔ ní mɔ piiwee wi lè nàɔn wàlá cɔlɔɔ, n fàra mɔ falipyenǎnw, ní mɔ falipyecew, ní mɔ yaweeri, ní nibɔnbèle bele na be nyɛ mɔ kpáagi ni lè.

Yirile 23:12

Mɔ a mɔ fáliw kpéʔele canya kɔrɔni fúngo ni, kàjáa can-kɔrɔsiin wógi na, mɔ a mɔ fáliw yaʔa koro ga pye mɔ niyi, ní mɔ jofanibèle í ŋɔ́n daa. Mɔ púlocew pyà, ní mɔ nibɔnw n yɛlɛ bi ŋɔ́n daa.

Làlwaw Kaanziin 5:14

Kàjáa canya kɔrɔsiin wógi i nyɛ mii Yawe mɔ Kolocɔlɔw cândɛnɛgɛ. Mɔ a kɔ́ fali faala kpéʔele gi ni í. Mɔ ní mɔ piiwee wi lè nàɔn wàlá cɔlɔɔ, n fàra mɔ falipyenǎnw, ní mɔ falipyecew, ní mɔ nifalagi, ní mɔ jofaniw, ní mɔ yaweeri myɛ, ní nibɔnwee na wi baa tɛ́ɛn ní mɔ ní lè, koro ga pye mɔ falipyenǎnw ní mɔ falipyecew í ŋɔ́ndaa àmɛɛ mɔ ŋɔ́n n daa lè.