Nehemii 11:1 - Cebaara Bible 2010

¹ A syɛ́ɛnbèle kùndigibéle tɛ́ɛn Zyerusalɛmi ni, á syɛɛnsanbèle gɔ̌nw wáa bi syɛ̀ɛnnɛ nibin nibin wòlo kɛɛ-gɛɛw ni, poro í pan ba tɛ́ɛn Zyerusalɛmi ni, ki lè kècǎngi, wozanbèle kpanjɛrɛ-jɛrɛ si sa tɛ́ɛn kěyee wozanya ni.

Nehemii 11:1 Iomraidhean Croise

1 Cányi kèlē 26:13

A be gɔ̌nw wáa kpàánweegèle myɛ nibin nibin kéele na, wobiigèle ní wogbolobèle kéele na n yɛlɛ ní be narigbaayi ní.

1 Cányi kèlē 8:28

Bele bee n pye narigbaaya kundigibéle, pe n pye kùndigibéle n yɛlɛ ní be nariduluyi ní. A be tɛ́ɛn Zyerusalɛmi ni.

1 Cányi kèlē 9:1

Pe maa Isirayɛli ye myɛw córo, níì be sɛ́bɛ Isirayɛli fànʔafɔbèle sɛ́bɛ ni. Zyuda ye maa cò n kári Babilɔni ma pe sìnzinmi kapyere kéele na.

1 Cányi kèlē 9:2

Syɛ́ɛnbèle bele pe baa tɛ́ɛn lè wozelibèle be kɔ́riyi ni, be kěyi ni, poro be pye Isirayɛli wóbèle pe lè sáriga-wòlobèle, ní Levii ye, ní Netinyɛbèle.

1 Cányi kèlē 9:3

A Zyuda yòdaʔayaa, ní Bɛnzyamɛ yòdaʔayaa, ní Efirayimi yòdaʔayaa, ní Manase yòdaʔayaa baa tɛ́ɛn Zyerusalɛmi ni.

Nehemii 10:34

Wi a pye búruw kéele na be taani lè, ní canʔa o canʔa míimi sáriga, ní canʔa o canʔa sáriga-sórigow, ní cândɛnɛyi, ní yevɔnyi, ní kpóʔorojǎngèle, ní yáriri ti a yaʔa kɔlɔ̀ na Kolocɔlɔɔ ma lè, ní sárigasanw kéele na wi a ra wóo Isirayɛli ye kapeegèle kùsulugo fáli kpéʔelele kéele na lè, n fàra gee myɛ na gi kpéʔele wolo Kolocɔlɔw kpaʔa ni lè.

Nehemii 11:18

Levii ye be pye lè kècǎngi ni, pe nyɔ́ɔgi maa pye sirakele ní togoye sicɛrɛ ní sicɛrɛ.

Ŋúnuyi 122:5

Níì cán fàngorigèle n tɛ́ʔɛ yaà kútiiw cerile kánma na, ge lè Davidi yòdaʔayi fàngorigēle.

Ŋúnuyi 122:6

Yaa yɛɛ̀nyinge nyɛ́ɛri yaa kaangi Zyerusalɛmi ma ye jo: «Bele be tàmaga le ní mɔ ní lè, yɛɛ̀nyingi í pye be ma!

Kàseegèle 16:33

Pe i gɔ̌nw wáa búrogi na, kàjáa Yawe wi nyɛ syɛɛnsanri joofɔlɔ.

Ezayi 48:2

Níì cán pe i kècǎngi mɛ́ʔɛ yiri peyɛɛ na, níì télege Isirayɛli Kolocɔlɔw na, wee mɛ́ʔɛ gi nyɛ lè Nyɛ̀ʔɛni Sùlasiibéle Kafɔlɔ Yawe.

Ezayi 52:1

Yìri ŋúnɔmi na! Yìri ŋúnɔmi na! Mɔ fangi le burogo, Siyɔn! Kècǎngi Zyerusalɛmi, mɔ burojǎnyi le! Níì cán sìngɛ́nɛɔ wàlá syɛɛnnɔnʔɔɔ a ní jée mɔ ni í.

Matye 27:53

A pe ga yiri nyányi ni Zyezu nyán-yirili kàdoʔo ma, a be jée kècǎngi ni n peyɛɛ dɛ̀ɛn syɛ̀ɛnnɛ saʔa na.

Matye 4:5

A Dàzɔɔnw fala n wi tórigo kècǎngi ma n sáà wi lúrugo kpɔ̀ʔɔrɔli kpaʔa tɛɛtɔnɔgɔ njoʔo ni,

Kapyegèle 1:24

A be nyɛ́ɛri be kéeli na níì jo: «Kàfɔw, mɔ wi nyɛ lè syɛ́ɛnbèle myɛ fúnyo cánvɔlɔ, wee mɔ nyɛ́nɛ n wòlo lè syɛ́ɛnbèle naa siin ni, mi wee bee tɛ̀ɛn wolo na,

Kapyegèle 1:26

A be gɔ̌nw wáa be kéeli na a gɔ̌nw Matyasi tɛ̀ɛn, a be wi fàra pìitunbèle kɛɛ ní nibin na.

Zyozuwe 18:10

A Zyozuwe gɔ̌nw wáa be ma Silo ni, Yawe yɛ́ʔɛ ma, níì tári lɛɛ lɛɛ Isirayɛli ye na yaà beè n yɛlɛ ní be tílaganmi ní.