Nehemii 10:35 - Cebaara Bible 2010

³⁵ Wolo sáriga-wòlobèle, ní Levii ye, ní syɛɛnsanbèle, a wolo gɔ̌nw wáa jàngó bi gi cán lǎli ni gi yɛlɛ waa maa ní kàjeri ní lè yɛɛlɛ o yɛɛlɛ wolo Kolocɔlɔw kpaʔa ma, di pye yakanʔa n yɛlɛ ní wolo narigbaayi ní, làrigèle ni ge tɛ́ʔɛ lè, paa di sórogi Yawe wolo Kolocɔlɔw sáriga-wòlo-yafanʔa na àmɛɛ gi sɛ́bɛ làlwaw sɛ́bɛ ni lè.

Nehemii 10:35 Iomraidhean Croise

Nehemii 13:31

A mii kàjeri yakanʔa kéele cɔɔnri n yɛlɛ ní làrigèle ní ge kɔ̀rirɔ n tímana di kaanni kéele na lè, n wɔ́ɔ̀ fàra yaliiseliri kéele na. Ee mii Kolocɔlɔw, sɔ̀ngi mi taa mii na, mí kacànna kpéʔele mii na.

Yirile 23:19

Ki n yɛlɛ maa maa ní mɔ ségi yaliifɔnrɔ yaliiselire ní mii kpáagi ma, mii wee wi lè Yawe mɔ Kolocɔlɔw. Mɔ a kɔ́ kapiige sɔʔɔ ki nɔɔ̀ yíremɛ ní í.

Yirile 34:26

Ki n yɛlɛ maa maa ní mɔ ségi yaliifɔnrɔ yaliiselire ní mii Yawe mɔ Kolocɔlɔw kpaʔa ma. Mɔ a kɔ́ kapiige sɔʔɔ ki nɔɔ̀ yíremɛ ni í.»

Ezekyɛli 44:30

Yaliifɔnri yaliiselire myɛ, ní yele sáriga-yirigew myɛ, cɔɔnrimɔ fun ni, dee bee a pye sáriga-wòlobèle wóro. Yele a ra yele búrumii-pírigegi wozelige kaangi sáriga-wòlobèle ma, koro ga pye dùbaw í kòro yele kpáayi na.

Levii ye sáriga-wòlori 6:5

Náagi a ra nyín sáriga-wòlo-yafaangi na sìnvigi ni. Sáriga-wòlow a ra kàjeri nii yaà nyɛ̀ʔɛ nyɔ́ɔ o nyɛ̀ʔɛ nyɔ́ɔ, sáā sáriga-sórigow taani gi na, sáā pínɛnyɛnnɛgi sáriga kaasìnmɛ sórogi.

Levii ye sáriga-wòlori 6:6

Náagi n yɛlɛ bi kòro bàā nyín sáriga-wòlo-yafaangi na sìnvigi ni.

Córolo 18:12

Bee myɛ bi nyɛ lè sìnjǎnmi, ní wee myɛ wi nyɛ lè dùvɛɛnfɔnw wojaɔn, ní bilew wojaɔn, yaliiseliri bee pe ba ni kaangi Yawe ma lè, mii n toro myɛ kaan mɔ ma.

Córolo 18:2

Mí wɔ́ɔ pan ní mɔ senyɛnbèle ní, pe lè Levii syɛɛnfelegi wòolo, pe lè mɔ tofɔdulugi wòolo, koro ga pye be pínɛ ní mɔ ní bàā báara mɔ ma, lǎli ni mɔ ní mɔ jáabèle ga pye lè fáliw na séeraw fànikpaʔa yɛ́ʔɛ ma.

Làlwaw Kaanziin 26:2

mɔ a tásaligi yaliiselire myɛ yasanraa láa, dee mɔ a taa lè tári ni, dee Yawe mɔ Kolocɔlɔw a kaan mɔ ma lè bi le sɛ̀ʔɛlɛ ni bi kári tɛ́ɛgi ma, gee Yawe mɔ Kolocɔlɔw a nyɛ́nɛ wòlo lè bi wi mɛ́ɛgi pye yaà beè.