Nehemii 10:31 - Cebaara Bible 2010

³¹ A wolo nyɔ́ɔyi fàli níì jo wolo a ra wolo pìíbèle kaangi tári bee nànbēle ma í, wolo a wɔ́ɔ ra be pìíbèle pɔri bàā kaangi wolo jáabèle ma í.

Nehemii 10:31 Iomraidhean Croise

2 Cányi kèlē 36:21

Koro ga pye Yawe syɛ́ɛnri í foro, dee di yiri Zyeremii nyɔ́ɔgi ni lè, fwɔɔ bi taa tári í di cândɛnɛyi pye. Lǎlee myɛ ni di pye lè wowaara ní a di ŋɔ́n n daa, fwɔɔ n taa a yɛ̀ʔɛlɛ togoye taanri ní kpɔrigɔ baa foro.

Nehemii 13:23

Lǎli bee wonijanna ni, a mii Zyefubèle pèle nyaa, bele pe da Asidɔdi ye, ní Amɔn ye, ní Mowabi ye càbala pɔri lè.

Nehemii 13:27

A gi si yɛlɛ lé bi lóʔo pe jo yele n wɔ́ɔ̀ kapeekpɔɔgi naa félege kpéʔele, n táraa nikwɔɔ càbala pɔri n kapeele pye wolo Kolocɔlɔw na?»

Yirile 12:16

Cânzeligi na yele a yeyɛɛ gbóʔoro kpóʔorojànna na. Canya kɔrɔsiin wógi na bi wɔ́ɔ yeyɛɛ gbóʔoro kpóʔorojànna na. Faliwaa faala ga yɛlɛ bi kpéʔele cányi bee ni í, fwɔɔ syɔɔn o syɔɔn yaliire sámagala fáli yagana kéele.

Yirile 20:10

Kàjáa canya kɔrɔsiin wógi i nyɛ mii Yawe mɔ Kolocɔlɔw cândɛnɛgɛ. Mɔ a kɔ́ fali faala kpéʔele gi ni í. Mɔ ní mɔ piiwee wi lè nàɔn wàlá cɔlɔɔ, n fàra mɔ falipyenǎnw, ní mɔ falipyecew, ní mɔ yaweeri, ní nibɔnbèle bele na be nyɛ mɔ kpáagi ni lè.

Yirile 34:16

Mɔ a wɔ́ɔ gi nyaa mɔ í da be pìíbèle lée bàā kaangi mɔ jáabèle ma pe càbala. Cébèle bee ga pye kanɔnʔɔri na ní be yasunyi ní, pe a wɔ́ɔ ra mɔ jáabèle kàragí paa kanɔnʔɔri kpéʔele ní poro yasunyi ní.

Ezayi 58:6

Súnleganmee bi mii dɛ́nɛ lè, poro bi nyɛ bee naa: Bi péemi nyɔ̀ʔɔdiriye cɛnɛ, bi zúuw yapwɔɔrɔ sánʔana, bele na wɔʔɔgi gbàn lè, bi bele bee yirige yaʔa wɔ́rɔbéle, bi zúubèle féleye myɛ cɛnɛ.

Levii ye sáriga-wòlori 16:29

Bàngwɔɔ làlwa kéele si li nyɛ lee naa yele ma, loro li nyɛ: Yɛ́ɛli yeye kɔrɔsiin wóʔo, ki canya kɛɛ wógi na, yele a yeyɛɛ jɛ́rɛ yele pìígèle ni. Yele a fali faala kpéʔele cángi bee í, yele kànanbèle yoo, nibɔnbèle pe baa tɛ́ɛn ní yele ní lè yoo.

Levii ye sáriga-wòlori 23:21

Cángi bee na yele a kpóʔorojànna kéele jáari. Yele a kɔ́ canʔa o canʔa fáliwaa faala kpéʔele í. Gee bee i nyɛ bàngwɔɔ làlwa kéele yele yòdaʔayi ma yele tɛɛ̀tɛ́nɛyi myɛ ni.

Levii ye sáriga-wòlori 23:3

Yele a ra báara canya kɔrɔni fúngo ni, kàjáa kɔrɔsiin wógi a pye cândɛnɛgɛ, ki a pye ŋɔ́ndaala canʔa, bi pye kpóʔorojànna, yele a fali faala kpéʔele í. Yawe cândɛnɛgi gii yele tɛɛkòroyi myɛ ni.

Matye 6:12

Mi wolo kapeegèle kùsulugo syɔɔ àmɛɛ wolo bele wòʔolo syoo lè.

Kɔlɔsi ye 2:16

Gee bee na yele a kɔ́ syɔɔnwaa faala yaʔa wi kolomɔ kaan yele ma yele lìíli ní yele gbaali kéele na í, koro ga jáa fɛ́tii, wàlá yevɔngɔ, wàlá cândɛnɛgɛ kéele na í.

Zyaki 2:13

níì cán syɔ́ɔnwee wi nyɛ lè wi o nyinimɛ taagi wi syɛɛnnyɛnbèle na í, Kolocɔlɔɔ a wɔ́ɔ ba nyinimɛ taa wee bee na wi kútiiw làrijoolo ni í. Wee wi nyinimɛ taagi syɛ́ɛnbèle na lè, wee bee a ní da fɛ̀ɛgí Kolocɔlɔɔ kútiiw kéele na í.