Nehemii 1:9 - Cebaara Bible 2010

⁹ Kàjáa yele ga lúru n pan mii ma níì mii kajoodɛɛngèle kɔn ní i ge kpéʔele, lǎli bee ni àlí yele ga nɛnɛ n tórigo yaà nyɛ̀ʔɛni láʔala ma, mii a yele kpóʔoro yaà beè bi lúrugo pan tɛ́ɛgi ma, gee mii nyɛ́nɛ n wòlo lè, bi mii mɛ́ɛgi yaʔa gi pye yaà beè.

Nehemii 1:9 Iomraidhean Croise

1 Fànʔafɔbèle 8:48

níì kàri mɔ ma ní be zɔ̌nbèle myɛ, ní be fúnyi myɛ ní, n be yaʔa be nigoobèle tára ni, dee má pe be cò n kári lè pulobèlē, pe ga nyɛ́ɛri mɔ ma níì yɛ́ɛyi wáa tári ma, dee mɔ kaan be toolɛɛbèle ma lè, ní kěgi ma, gee mɔ nyɛ́nɛ n wòlo lè, ní kpáagi ma, gee mii faan mɔ mɛ́ɛgi na lè,

1 Fànʔafɔbèle 9:3

A Yawe wi pye: «Mii n mɔ nyɛ́ɛrigi ní mɔ nyɛ́ɛrigbɔɔgi lóʔo. Kpáagi naa mɔ faan lè, mii n gi yaʔa kɔlɔ̀ na niyɛɛ ma, koro gee na mɔ mii mɛ́ɛgi taʔa lè gi kòro gi na làla o làla. Mii nyɛ́nɛ ní mii fúngi a pye gi na làla o làla.

1 Cányi kèlē 16:35

Yaa gi nyuu ye jo: «Wolo syɔɔ, mɔ wi lè wolo syɔɔli Kolocɔlɔɔ. Wolo kpóʔoro, mí wolo yirige syɛɛnfeleyi nínge ní, koro ga pye wolo í ba ra mɔ mɛ́ɛcǎngi kpɔ̀ʔɔrɔ́, wolo si wolo nìjanri le mɔ soololi ni.»

Ɛsidirasi 6:12

Fànʔafɔlɔ o fànʔafɔlɔ, ní syɛɛnfelege o syɛɛnfelege ga kɔlɔ̀ sánʔa bi kajooli naa kálagi bi Kolocɔlɔɔ kpáagi bee cáan ki nyɛ lè Zyerusalɛmi ni, Kolocɔlɔwee wi wi mɛ́ɛgi yaʔa a gi pye tɛ́ɛgi bee ni lè, ki n yɛlɛ wi bele bee cáan. Mii Dariyusi wi kéeli naa joo n gbàn, ki n yɛlɛ li kpéʔele kelekele.› »

Ŋúnuyi 106:47

Wolo syɔɔ, Yawe mɔ wi lè wolo Kolocɔlɔw! Wolo kpóʔoro mi yirige syɛɛnfeleyi nínge ni, koro ga pye wolo í ba ra mɔ mɛ́ɛcǎngi kpɔ̀ʔɔrɔ́, wolo si wolo nìjanri le mɔ soololi ni.

Ŋúnuyi 107:3

n be kpóʔoro n yirige yaà tátɛɛyi myɛ ni n be yirige yaà canʔafolomɔ, ní canʔajeemɛ ma, ní solomɔkulo ní wòrogulo kàbangi na!

Ŋúnuyi 147:2

Yawe ní i Zyerusalɛmi faanri, wi i Isirayɛli wóbèle kpóʔoro, bele pe da kɔ́ri n kári lè.

Ezayi 11:12

Wi a dìrapo yìrige syɛɛnfeleyi ma, wi a Isirayɛli wovanbèle kpóʔoro peyɛɛ na bi Zyuda wojarigabèle yìrige tári kàbanya sicɛrɛ ma bi kpóʔoro.

Ezayi 27:12

Cángi bee na Yawe a tíiyi nyàʔara bi séli cábigi nyɔ́ɔ na bi sa nan Ezyipiti lòcoologi na. Isirayɛli jáabèle, pe a yele jóo nibin nibin!

Ezayi 56:8

Kàfɔw Yawe, woro wee wi Isirayɛli wojarigabèle kpóʔoro lè, wi n jo: «Mii a pèle nikwɔɔlɔ kpóʔoro bi fàra mii syɛ́ɛnbèle bele na be kpóʔoro n kwɔ́ɔ lè.»

Zyeremii 12:15

Lǎlee ni si mii ga be kíle n yirige yaà lè, mii a ní nyinimɛ taa be na, si ní be lúrugo be pan pe myɛ nibin nibin be kɔriyɔ ma, pe myɛ nibin nibin be tára ma.

Zyeremii 3:14

Ye lúru yaa maa jaafɔ-niceeye, Yawe wi jo nya. Níì cán mii wi nyɛ yele Kàfɔw. Mii a yele láa nibin nibin kěyi ni, bi yele láa siin-ziin nariyi ni, bi yele lúrugo pan Siyɔn ma.

Zyeremii 31:10

Syɛɛnfeleyi, ye Yawe syɛ́ɛnri lóʔo, yáā di jáari lǒgi nínge tátɛɛgéle ni ke lè léelige! Yaa gi nyuu yé jo: Wee wi Isirayɛli ye cariga lè, wi a ní be kpóʔoro, sáā be kpáaw wéle àmɛɛ bànaʔaɔ nyɛ, wee wi wi yaweeri kpáa wéle lè.

Zyeremii 32:37

wéle, mii a be yirige yaà tátɛɛyi myɛ ni bi ba kpóʔoro peyɛɛ na, beè mii be nɛnɛ n tórigo lè n mii yaʔa mii fundanʔari, ní mii fundanʔagbɔɔri, ní mii fúngi yìrile ni. Mii a ní be lúrugo pan ba lége tɛ́ɛgi naa ni si be yaʔa be tɛ́ɛn gi ni yɛɛ̀nyinge na.

Zyeremii 6:22

Yawe wi syɛ́ɛnri naa joo níì jo: «Syɛɛnfelegaa wéle, gee gi yìri solomɔkulo tári ma ni maa lè, syɛɛnfele-nɛʔɛgɛ, gee gi yìri yaà tári láʔagéle ma lè.

Ezekyɛli 14:6

Koro na ki joo Isirayɛli kpáagi wòolo ma mí be pye: ‹Kàfɔw Yawe wi syɛ́ɛnri naa joo níì jo: Ye kàri, ye láʔa yele yasunyi na, ye kàdoʔo wáa yele yanɔnʔɔyi myɛ ma.›

Ezekyɛli 36:24

Mii a yele kíle bi yirige syɛɛnfeleyi nínge ni, mii a yele kpóʔoro bi yirige tátɛɛyi myɛ ni, mii a yele lúrugo pan yele tiimaa tásaligi ma.

Levii ye sáriga-wòlori 26:3

« ‹Yele ga ni táanri mii làlwaw kèlē na, níì mii tundunri sámaga n cò ní i di kpéʔele,

Zakarii 8:7

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Wéle, mii a mii syɛ́ɛnbèle syɔɔ bi yirige canʔafolomɔ tári, ní canʔajeemɛ tári ni.

Matye 24:31

Lǎli bee ni wi a wi tundunbèle tun ní búruw wìimɛ yákpogbɔɔlɔ ní, pe a sa wi syɛɛnnyɛnɛ-wòlobèle kpóʔoro bi yìri dulunyanw kàbanya myɛ sicɛrɛ na, beè nyɛ̀ʔɛni ní tári tiyɛɛ vàra lè.

Làlwaw Kaanziin 12:21

Tɛ́ɛgee Yawe mɔ Kolocɔlɔw ga nyɛ́nɛ n wòlo lè n wi mɛ́ɛgi yaʔa gi kòro beè, ki ga léeli mɔ na, mɔ a gbǎn ra mɔ yaweekpologèle ní mɔ yaweeyiligèle kúu, gele Yawe mɔ Kolocɔlɔw kaan mɔ ma lè, àmɛɛ mii gi joo n gbàn mɔ ma lè, mɔ a gbǎn ra di tàa káa mɔ tɛɛkòrogi ni, dee myɛ láa ti ga pye mɔ na lè.

Làlwaw Kaanziin 12:5

Kàjáa tɛ́ɛgee Yawe yele Kolocɔlɔw ga nyɛ́nɛ n wòlo lè n pye wi tɛɛkòrogi yele syɛɛnfeleyi myɛ nínge ni, n wi mɛ́ɛgi yaʔa gi kòro beè, nɛɛ bee mɔ a ra syée.

Làlwaw Kaanziin 30:1

«Lǎli ni syɛ́ɛnri bee myɛ ga baa foro mɔ na lè, ti lè dùbaw, ní dángaw kèlē mii tɛ́ʔɛ mɔ yɛ́ʔɛ ma lè, mɔ ga sɔ̀ngi n taa ge na n mɔ yaʔa syɛɛnfeleyi myɛ nínge ni, yoro yee ma Yawe mɔ Kolocɔlɔw a mɔ nɛnɛ bi tórigo lè,