Nehemii 1:7 - Cebaara Bible 2010

⁷ Wolo n tɔ̀nɔ n kapeʔe pye mɔ na. Kajoodɛɛngèle, ní làlwaw kèlē, ní làlwaw kajoogéle mɔ kaan mɔ falipyew Mowizi ma lè, wolo ga di cò í.

Nehemii 1:7 Iomraidhean Croise

1 Fànʔafɔbèle 2:3

Gee Yawe mɔ Kolocɔlɔw joo n gbàn mɔ ma lè, ki sámaga mi cò, máā táanri maa yɛlɛgi ní wi kólogi kèlē ní, mí wi làlwaw kèlē, ní wi kajoodɛ̀ɛ́ngèle, ní wi tundunri, ní wi kajoogèle cò bi yɛlɛ ní gi ní àmɛɛ gi sɛ́bɛ lè Mowizi làlwaw sɛ́bɛ ni, koro ga pye mɔ ga fíige kàbanga o kàbanga na, mɔ kérigèle myɛ í da nyɔɔgi.

2 Cányi kèlē 25:4

Kàjáa wi ga be jáabèle kpóo í. Níì cán wi maa gi kpéʔele n yɛlɛ ní gi ní àmɛɛ gi sɛ́bɛ làlwaw ni lè, Mowizi sɛ́bɛw ni, beè Yawe syɛ́ɛnri naa joo n gbàn lè níì jo: «Tofɔbèle a ra kúu pe jáabèle kéele na í, jaafɔbèle a wɔ́ɔ ra kúu pe tóobèle kéele na í, kàjáa syɔɔn o syɔɔn a kùu wi kapeeli kéele na.»

2 Cányi kèlē 27:2

A wi i gi kpéʔele gee gi sín Yawe nyɛ́nɛ na lè n yɛlɛ ní wi tóow Ozyasi wógi pyeganma ní téw. Kàjáa wi ga jée Yawe kpɔ̀ʔɔrɔli kpaʔa ni í. Syɛ́ɛnbèle si maa sèʔê kòro ni kapeeyi kpéʔele ni syée yɛʔɛ̀ ma.

Ɛsidirasi 7:6

Ɛsidirasiw bee n yìri Babilɔni ma n pan, làlwaw sɛ́bɛkanwaa wi pye, wee wi da tɔ̀nɔ n Mowizi làlwaw kɔ́rɔ sámaga n cán lè, wee Yawe Isirayɛli Kolocɔlɔw kaan lè. A fànʔafɔw wi yanyɛɛriyi myɛ kaan wi ma àmɛɛ wi Kolocɔlɔw kɔ́lɔ da pye wi na lè.

Ŋúnuyi 106:6

Wolo n kapeegèlē kpéʔele àmɛɛ wolo tóolɛɛbèle da ge kpéʔele lè, wolo n kolomɔ kele kpéʔele, wolo kapyegèle n pee.

Ŋúnuyi 89:31

Wi pìíbèle ga mii làlwaw yaʔa, kapye pe o táanri ni yɛlɛgi ní mii kajoogèle ní í,

Ŋúnuyi 89:32

làlwaw mii sɛ́bɛ n kaan lè, pe ga wi kálagi, níì mii kajoodɛɛngèle cée,

Ezayi 1:4

Wɔʔɔlɔ i nyɛ kapeebye-syɛɛnfelegi na, syɛ́ɛnbèle bele na poro bele na kolomi kèlē túgoro nyɛ lè, kaŋágabye-syɛɛnfelege, pìikálagiya! Pe n Yawe yaʔa, pe n Isirayɛli Wojanw faʔa, pe n lúru wi kurugo.

Danyɛli 9:11

Isirayɛli ye myɛ n mɔ lalwaw kálagi, níì kólogi yaʔa, pe ga mɔ jóomi lóʔo í. Lǎli bee ni dángaw kèlē ní kàligi kèlē ge sɛ́bɛ Kolocɔlɔɔ falipyew Mowizi làlwaw ni lè, a koro si wolo tɔ́n, níì cán wolo n kapeele pye mɔ na.

Danyɛli 9:13

Ki n pye n yɛlɛ ní gi ní àmɛɛ gi sɛ́bɛ Mowizi làlwaw ni lè, a wɔʔɔgi bee myɛ too wolo na. Kàjáa wolo ga Yawe wolo Kolocɔlɔw funjànga nyɛ́ɛri í, wolo ga wàli n láʔa wolo kolomi kèlē na í, níì mɔ kányɛɛgi lóʔo í.

Oze sɛ́bɛw 9:9

Pe n jée n cùru kálagimi ni, mɔ a jo àmɛɛ gi pye lè Gibeya cányi na. Yawe a sɔ̀ngí taa be kolomi na, wi a keele tɛ́ʔɛ be na kapeegèle kéele na.

Levii ye sáriga-wòlori 27:34

Tundunri Yawe joo Mowizi ma lè, Isirayɛli ye kéeli na Sinayii nyanbelegi na, toro di pye dee bee.

Sofonii 3:7

Mii maa ni gi nyuu níì jo: Mɔ mi tɛ́nɛ maa fɛ̀ɛgí mii na, mí fɔ̀lɔ kpúmɔn-mí-kàrigali na! Kánmi bee na kérigèle myɛ mii tɛ́ʔɛ n wi sàmi lè, mii màko a dée pye bi wi kálagi í. Kàjáa a be sèʔê tɔlɔyɔ wári be kálagimi kapyere kurugo.

Làlwaw Kaanziin 4:1

«Tɔ́ɔliw ni, Isirayɛli, làlwaw kèlē ní kajoodɛɛngèle lóʔo, gele na mii a mɔ tama lè, máā ge kpéʔele, jàngó yele í kòro sìi na si jée tári ni bi di syɔɔ taa, dee Yawe yele tóolɛɛbèle Kolocɔlɔɔ kaan yele ma lè.

Làlwaw Kaanziin 4:5

Ye wéle, mii n yele tama làlwaw kèlē, ní kajoodɛɛngèle na, àmɛɛ Yawe mii Kolocɔlɔw gi joo n gbàn mii ma lè, koro ga pye táree ni yele a jée lè bi di pye yele wóro, yele í da kérigèle bee kpéʔele di ni.

Làlwaw Kaanziin 5:1

A Mowizi Isirayɛli ye myɛ yeri ní baa be pye: «Isirayɛli ye, làlwaw kèlē ní tundunri mii nyuu ni nii yele líiweegèle ni lè níjanʔa, ye di tama, ye di sámaga ye cò, yáā di kpéʔele.

Làlwaw Kaanziin 6:1

«Kajoodɛɛngèle ní làlwaw kèlē ní tundunri di nyɛ dee naa, dee Yawe yele Kolocɔlɔw joo n gbàn níì jo mii í yele tama di na lè, koro ga pye táree ma yele syée bi sa di syɔɔ di pye yele wóro lè, yele í da di kpéʔele tári bee ni.

Tɛ̀ɛnnɛ 19:2

níì cán wi kútiijoori di nyɛ kányɛɛgi wóro, níì sín. Wi n nànjaa-cepeew kútii ceri, woro wee wi da tári myɛ nyìn ní wi kanɔnʔɔri ní lè, níì wi púlobèle sìsyaan wolo gɔlɔ́ wòlo ní wi kɔ́gi ní.»