Nehemii 1:6 - Cebaara Bible 2010

⁶ ki n yɛlɛ mi mɔ líiyi cáan, mí mɔ nyapiigèle múgu mi mɔ falipyew nyɛ́ɛrigɛ lóʔo. Mii i nyɛ nyɛ́ɛrigɛ na mɔ yɛ́ʔɛ ma lǎli naa ni, canʔa ní yébilige, mɔ falipyebèle Isirayɛli ye kéeli na. Mii n yére Isirayɛli ye kapeegèle ni, kapeegèle wolo pye mɔ na lè. Mii ní mii kpáagi wòolo n kapeele pye.

Nehemii 1:6 Iomraidhean Croise

1 Fànʔafɔbèle 8:30

Mɔ falipyew, ní mɔ syɛ́ɛnbèle Isirayɛli ye nyɛ́ɛrigbɔɔgi lóʔo lǎli ni pe ga ni nyɛ́ɛri lè tɛ́ɛgi naa ni. Lóʔo be ma bi mɔ yaʔa wodɛ́ɛɔn ní nyɛ̀ʔɛni na mɔ tɛɛkòrogi ni, lóʔo be ma mí be kùsulugi syɔɔ.

1 Fànʔafɔbèle 8:47

n be yaʔa yaà tári ni, beè pe a pye lè pulobèlē, pe ga baa sɔ̀ngi n taa níì kàdoʔo wáa be kapeeli ma, n be yaʔa yaà be jáafɔbèle tára ni, pe ga yére gi ni n gi joo níì jo: ‹Wolo n kapeele pye, wolo n kolo, wolo n kapeʔe pye,›

2 Cányi kèlē 28:10

Tɔ́ɔliw ni, pìíbèle bee be lè Zyuda ní Zyerusalɛmi wóbèle, yele n jo yele a be kàriga be pye yele pulonànbēle ní yele pulocabala. Kàjáa yele tiimaw ga kolo Yawe yele Kolocɔlɔw ma ì?

2 Cányi kèlē 29:6

Níì cán wolo tóolɛɛbèle n kolo, gee gi pee Yawe wolo Kolocɔlɔw nyɛ́nɛ na lè, pe n koro kpéʔele. Pe n wi yaʔa, pe n be yɛ́ɛyi kàriga n yirige Yawe tɛɛcǎngi ni, níì kàdoʔo wáa wi ma.

2 Cányi kèlē 6:40

Tɔ́ɔliw ni, ee mii Kolocɔlɔw, ki n yɛlɛ mɔ nyapiigèle í pye womúgugéle ní, mí mɔ líiyi cáan maa nyɛ́ɛrigi lúro, gee gi kpéʔele tɛ́ɛgi naa ni lè.

Ɛsidirasi 10:1

N Ɛsidirasi yaʔa wi i nyaan níì tìgi n too Kolocɔlɔɔ kpáagi yɛ́ʔɛ ma, ní i nyɛ́ɛrigi naa nyɛ́ɛri ní i be kapeeli nyuu ni tèé kánmi naa na a Isirayɛli syɛɛnnɛʔɛmɛ piyɛɛ gbóʔoro wi taana nǎnbèle ní cébèle, ní pìíbèle, a syɛ́ɛnmi tɔ̀nɔ n nyatinnɛʔɛmɛ wo.

Ɛsidirasi 10:11

Tɔ́ɔliw ni ki n yɛlɛ ye yére yele kapeegèle ni Yawe yele tóolɛɛbèle Kolocɔlɔɔ yɛ́ʔɛ ma, ye wi nyɛnɛ kéeli kpéʔele. Ye yeyɛɛ wàli ye láʔa tári syɛɛnfeleye, ní syɛɛnfeleyi càbala na.»

Nehemii 1:11

Ee! Kàfɔw, koro na ki n yɛlɛ mi mɔ líiyi cáan mí mɔ falipyew nyɛ́ɛrigɛ lóʔo, ní mɔ falipyebèle bele be caa bàā fɛ̀ɛgí mɔ mɛ́ɛgi na lè, poro nyɛ́ɛrigi. Mii i mɔ nyɛ́ɛri, mɔ falipyew yaʔa wi kataanna taa níjanʔa, mí gi yaʔa nǎnw naa í nyɔɔ wi na.» Mii si maa pye lǎli bee ni fànʔafɔw yagbaʔa kaanfɔlɔ.

Ŋúnuyi 102:17

Yawe a ní tɔ̀nɔ́ Siyɔn faan, wi a ba wiyɛɛ dɛ̀ɛn wi nìjangbɔɔri ni.

Ŋúnuyi 106:6

Wolo n kapeegèlē kpéʔele àmɛɛ wolo tóolɛɛbèle da ge kpéʔele lè, wolo n kolomɔ kele kpéʔele, wolo kapyegèle n pee.

Ŋúnuyi 130:2

Kàfɔw, mii yákpoli lóʔo! Mɔ líiyi cáan mi mii nyɛ́ɛrigboloyi lóʔo.

Ŋúnuyi 32:5

Mii n mii kapeeli joo n tɛ̀ɛn mɔ na, mii ga mii kolomi làriga í. Mii n gi joo níì jo: «Mii a yére mii kolomi ni Yawe yɛ́ʔɛ ma!» A mɔ mii kapeeli kolomɔ kusulugo syɔɔ. Ŋɔ́ndaala

Ŋúnuyi 34:15

Wàli mi lálʔa kapeebyeri na, máā kacǎngèle kpéʔele, da bɛ̀ɛ́li caa sìnlaʔa ni.

Ŋúnuyi 55:17

Mii si na, mii i Kolocɔlɔɔ yiri, Yawe a mii syɔɔ.

Ŋúnuyi 88:1

Ŋúnugo. Kore jáabèle ŋúnugo. Ŋúnuŋùúbèle kùndigi wóʔo, ki lè funbɛɛnrɛ wóʔo. Tamani ŋúnugo Eziraki yòdaʔagi Heman ŋùu lè.

Ezayi 6:5

Lǎli bee ni a mii jo: «Wɔʔɔlɔ i nyɛ mii na! Mii n pùuni, níì cán mii i nyɛ syɔɔnwaa, wee nyɔ́ɔwara di nɔ́nʔɔ lè, mii i nyɛ syɛ́ɛnbèle pèle nínge ni, bele nyɔ́ɔwara di nɔ́nʔɔ lè, á mii nyapiigèle si Fànʔafɔw Yawe nyaa, woro wee wi lè Nyɛ̀ʔɛni Sùlasiibéle Kafɔlɔ.»

Kayaagi Nyɛnigɛ 5:7

Wolo tóolɛɛbèle n kapeele pye, pe si ní o beè í, wolo si wo be kolomi kèlē túgoro tugo.

Danyɛli 9:15

Tɔ́ɔliw ni doò, Kàfɔw, wolo Kolocɔlɔw, mɔ wee wi mɔ syɛ́ɛnbèle yirige lè Ezyipiti tári ni ní mɔ séew kɔ́lɔ ní, níì mɛ́ʔɛ taa fwɔɔ n baa nan níjanʔa na, wolo n kapeele pye, wolo wo kakologi kpéʔele.

Danyɛli 9:20

Mii maa sèʔê pye jooli na, mii maa ni nyɛ́ɛri, mii maa ni mii kapeeli nyuu ni tèé, ní mii syɛ́ɛnbèle Isirayɛli ye kapeeli, ní i mii nyɛ́ɛrigboloyi nyɛ́ɛri Yawe mii Kolocɔlɔw ma, mii Kolocɔlɔw nyanbejànga kéele na.

Danyɛli 9:4

Mii n Yawe, mii Kolocɔlɔw nyɛ́ɛri níì kapeeli joo n tɛ̀ɛn níì jo: «Ee Kàfɔw Kolocɔlɔɔ wogbɔɔw, mɔ wi lè fyáakpɔɔrɔ yáriga, mɔ i mɔ joogaanni forogi, níì kòro ni funjànga kpéʔele ní bele ní be tàmaga lè ní mɔ ní lè níì mɔ kajoodɛɛngèle sámaga n cò.

Danyɛli 9:5

Wolo n kapeele pye, wolo n kakoloyo kpéʔele, wolo n peemɛ ní céemɛ kele kpéʔele, wolo n wàli n láʔa mɔ kajoodɛɛngèle, ní mɔ kajoo-mí-cerigèle na.

Danyɛli 9:8

Ee Kàfɔw, wolo yɛ́ɛyi ni fɛ̀ɛ́ri kòro, ní wolo fànʔafɔbèle, ní wolo kùndigibèle, ní wolo tóolɛɛbèle. Níì cán wolo n kapeele pye mɔ na.

Luki 18:7

Kolocɔlɔɔ syɛɛnnyɛnɛ-wòlobèle si be wi yiri lè canʔa ní yébilige, wi a tɔ̀ʔɔ́ tànʔa kaan bele bee ma ì? A wi a fúngi nyíngi lé be dɛ̀ɛmɛni kurugo?

Luki 2:37

ní náà pye lɔgucaa n taa a wi baa yɛ̀ʔɛlɛ togoye sicɛrɛ ní sicɛrɛ taa, wi da ni fɔ̀ngí kpɔ̀ʔɔrɔli kpaʔa ni í, níì cán wi maa ni Kolocɔlɔɔ kpɔ̀ʔɔrɔ́ ní súnleri, ní nyɛ́ɛriyi ní canʔa ní yébilige.

Efɛzi ye 2:3

Kánmi bee na wolo myɛ da wɔ́ɔ̀ pínɛ ni táanri ní be ní lǎli bee ni wolo céri ki laànitaʔa, ní di nyɛnɛ kérigèle ni, ní i di kasɔngugèle kpéʔele, pe maa wolo see Kolocɔlɔɔ fundanʔari láara ni àmɛɛ wozanbèle wɔ́ɔ̄ nyɛ lè.

1 Timɔte 5:5

Wee wi ga pye lè lɔgucaateleo ní i nyɛ wi nibin, wee bee n wi sɔ̀ngumi taʔa Kolocɔlɔɔ na, níì kòro ni wi nyɛ́ɛri, ní i wi kpɔ̀ʔɔrɔ́ canʔa ní yébilige.

2 Timɔte 1:3

Mii i bariga kaangi Kolocɔlɔɔ ma, woro wee má mii tóolɛɛbèle da ni báara lè, á mii wɔ́ɔ ba ni báara wi ma ní funviire ní, mii i mɔ kéeli nyuu mii làrinyɛɛrigèle ni Kolocɔlɔɔ ma canʔa ní yébilige.

1 Zyan 1:9

Wolo si ga ni yèré wolo kapeegèle ni, wi a ra ge kùsulugi syoo wolo ma sáā wolo jé da mùú bàā wolo sìnzinmi myɛ láari wolo na, wi i nyɛ tágala syɔ́ɔn níì sín.

1 Samyɛli 15:11

«Amɛɛ mii Sawuli kpéʔele lè fànʔafɔlɔ, ki ga níì mii dɛ́nɛ í. Níì cán wi n lúru mii kurugo, wi ga mii syɛ́ɛnri foro í.» A Samyɛli fúngi tanʔa, a wi i yákpoli wáa Yawe kurugo yébiligi myɛ ni.