Nehemii 1:5 - Cebaara Bible 2010

⁵ A mii jo: «Ee Yawe mɔ wi lè nyɛ̀ʔɛni Kolocɔlɔɔ, Kolocɔlɔɔ, mɔ wee wi kpɔ́ʔɔ lè ní i nyɛ fyáara yáriga, mɔ wee wi joogaanni ní funjǎngi kɔngi lè bele kàbaan na mɔ kéeli dɛ́nɛ lè, á be mɔ kajoodɛɛngèle kɔn,

Nehemii 1:5 Iomraidhean Croise

1 Fànʔafɔbèle 8:23

níì jo: «Yawe Isirayɛli ye Kolocɔlɔw, kolocɔlɔwaa o nyɛ mɔ félege nyɛ̀ʔɛgèle ni yaà ǹjogi ni í wàlá naa táàma tári na í, mɔ wee wi joogaanni ní funjǎngi kéele sámaga n cò lè mɔ falipyebèle kàbaan na, poro bele be táanri mɔ yɛ́ʔɛ ma lè ní be fúnyi myɛ ní.

1 Cányi kèlē 17:21

A syɛɛnfelegaa nibin i lé beè tári na, gee gi nyɛ àmɛɛ mɔ syɛ́ɛnbèle Isirayɛli ye nyɛ lè, a gi kolocɔlɔw kári n sáà gi syɔɔ bi pye wi syɛɛnfelege? Mɔ mɛ́ɛkpɔɔgi kéele na, mɔ n kakpoloyo kpéʔele, kakpolo-bìngaaya, mɔ n syɛɛnfeleye nɛnɛ mɔ syɛ́ɛnbèle yɛ́ʔɛ ma poro bele mɔ yirige Ezyipiti ni lè.

Ɛsidirasi 1:2

«Pɛrisi fànʔafɔw Sirusi n jo: ‹Yawe wi lè nyɛ̀ʔɛni Kolocɔlɔɔ, wi n tári fànya myɛ kaan mii ma, níì mii pye mii í kpaʔa faan woro ma Zyerusalɛmi ni, ki nyɛ lè Zyuda ni.

Nehemii 2:4

A fànʔafɔw mii pye: «Ki si i lè nya nyàʔá mɔ caa?» A mii nyɛ̀ʔɛni Kolocɔlɔɔ nyɛ́ɛri,

Nehemii 4:14

Yele ga tòmaagi wìimɛ lóʔo tɛ́ɛgee ni lè, ye kpóʔoro yaà beè wolo ma. Wolo Kolocɔlɔw a ra kapɛɛnni kpúmɔn bàā kaangi wolo ma.»

Nehemii 4:8

A mii ga gee bee wéle, a mii yìri n gi joo mɛ́ɛyi fɔ̀ɔlɔ, ní kútiijoobèle, ní syɛɛnsanbèle ma níì jo: «Yele a kɔ́ ra fɛ̀ɛgí be na í, ye sɔ̀ngi ye taa Kàfɔw kéele na, woro wee wi kpɔ́ʔɔ lè ní i nyɛ fyáara yáriga, yáā kapɛɛnni kpúmɔn yele senyɛnbèle, ní yele nànbiigèle, ní yele calipiigèle ní yele cébèle ní yele kpáayi kéele na.»

Nehemii 9:32

Tɔ́ɔliw ni doò, ee wolo Kolocɔlɔw, mɔ wi lè Kolocɔlɔɔ wogbɔɔw, ní séew fɔ́lɔ, ní fyáara yáriga, mɔ wee wi joogaanni, ní funjǎngi sámaga n cò lè, fɔ̀rɔgbɔɔgee gi nan lè mɔ syɛ́ɛnbèle myɛ na, pe nyɛ lè wolo ní wolo fànʔafɔbèle, ní wolo syɛɛnkpolobèle, ní wolo sáriga-wòlobèle, ní wolo kanyaajoobèle, ní wolo tóolɛɛbèle, nlaa yaà Asirii fànʔafɔbèle làla ni fwɔɔ n baa nan níjanʔa na, mɔ a kɔ́ gi córo kapiipiile í.

Ŋúnuyi 47:2

Yele syɛɛnfeleyi myɛ, yaa kadaagèle kóri! Yaa fundaanra yákpogéle wáa Kolocɔlɔɔ ma!

Ŋúnuyi 76:8

Mɔ tɔ̀nɔ́ wi nyɛ fyáakpɔɔri yáriga! Wìí syɔ́ɔn wi a gbǎn yére mɔ yɛ́ʔɛ ma mɔ fundanʔari làla ni?

Ŋúnuyi 89:2

Mii a ra Yawe funjǎngi kapyegèlē kéele ŋúu canʔa o canʔa. Mii nyɔ́ɔgi a ra mɔ kányɛɛgi kéele tèé làrigèle myɛ syɛ̀ɛnnɛ na.

Ŋúnuyi 89:3

Níì cán mii n jo: «Mɔ funjǎngi n báriga n kòro beè làla o làla. Mɔ n mɔ kányɛɛgi sámaga n cɔ́rɔ nyɛ̀ʔɛni na.»

Ŋúnuyi 89:8

Kolocɔlɔɔ tɔ̀nɔ́ i nyɛ fyáakpɔɔrɔ yáriga syɛɛncanbèle syɛɛnkpoʔolomɔ ni. Wi i nyɛ bìngaataa-yariga n sɔ̀lɔ bele myɛ na pe wi màʔa lè.

Yirile 20:6

Bele si be tàmaga le ní mii ní lè, níì mii tundunri kɔn ní i di kpéʔele, mii i funjànga kpéʔele ní bele bee ní bi taa sa nan pe yòdaʔayi yìrigēle saala kagunɔ na.

Làlwaw Kaanziin 7:12

Kérigèle wi joo n gbàn lè yele ga tɛ́nɛ̀ ge lóʔo níì ge cò, ní i ge kpéʔele, Yawe mɔ Kolocɔlɔw a joogaanni ní funjǎngi kɔn mɔ kabangi na bi yɛlɛ ní kàligi ní wi kpéʔele mɔ tofɔlɛɛyi ma lè.

Làlwaw Kaanziin 7:21

Mɔ a kɔ́ ra fɛ̀ɛgí be kéeli na í, níì cán Yawe mɔ Kolocɔlɔw i nyɛ yele níngi ni, woro wi nyɛ Kolocɔlɔɔ wi lè wogbɔɔw, ní i nyɛ fyáara yáriga.

Làlwaw Kaanziin 7:9

Koro na gi cán mi cán Yawe mɔ Kolocɔlɔw wi nyɛ Kolocɔlɔɔ Wodelew. Kolocɔlɔw bee wi nyɛ lè tágala syɔ́ɔn, wi i wi joogaanni, ní wi funjǎngi kɔngi fwɔɔ ni nangi bele be tàmaga le ní wi ní, ní i wi kajoodɛɛngèle kɔngi lè, poro yòdaʔayi yìrigēle saala kagunɔw na.