Nehemii 1:4 - Cebaara Bible 2010

⁴ Lǎli ni mii syɛ́ɛnri bee lóʔo lè, a mii tɛ́ɛn n nyɛni, a gi pye mii ma kùu káyaʔa n canya saʔa kwɔ́ɔ. A mii súnw le ní i nyɛ́ɛri nyɛ̀ʔɛni Kolocɔlɔɔ yɛ́ʔɛ ma.

Nehemii 1:4 Iomraidhean Croise

2 Samyɛli 12:16

A Davidi Kolocɔlɔɔ nyɛ́ɛri gbanʔama pìíw kéele na níì súnw le. A wi ga jée, a wi sínɛ n syɔ́ɔn tári na.

2 Fànʔafɔbèle 22:19

Gee mii joo lè tɛ́ɛgi naa, ní gi syɛ́ɛnbèle kéele na, níì jo pe a pye yakalagira, ní yafaʔara àmɛɛ mɔ gee bee lóʔo lè, a gi mɔ círi mɔ fúngi ni, a mɔ miyɛɛ jɛ́rɛ níì mɔ búroyi sulugu, ní i nyɛni mii yɛ́ʔɛ ma, mii n wɔ́ɔ̀ gi lóʔo. Yawe wi jo nya.

2 Cányi kèlē 6:13

Ncan Salomɔn maa tɛɛ̀yérege sámaga kanyɛɛnrɛ wóʔo, ki tɔnɔganmi maa pye mɛ́tiribéle siin ní tíla, a gi yɛ́ɛgi kpɔ́ʔɔganma wɔ́ɔ i nyɛ mɛ́tiribéle siin ní tíla, ki ǹjogi tɔnɔganma si i nyɛ mɛ́tiri nibin ní tíla. Wi maa gi yérige kàcooli nínge ni. A wi lúgu gi na níì tìgi n yégunri cáan Isirayɛli syɛɛnkpoʔolomi myɛ nyɛ́nɛ na níì wi kɔ́yi yìrige n wáa nyɛ̀ʔɛni ma, níì jo:

Ɛsidirasi 1:2

«Pɛrisi fànʔafɔw Sirusi n jo: ‹Yawe wi lè nyɛ̀ʔɛni Kolocɔlɔɔ, wi n tári fànya myɛ kaan mii ma, níì mii pye mii í kpaʔa faan woro ma Zyerusalɛmi ni, ki nyɛ lè Zyuda ni.

Ɛsidirasi 10:1

N Ɛsidirasi yaʔa wi i nyaan níì tìgi n too Kolocɔlɔɔ kpáagi yɛ́ʔɛ ma, ní i nyɛ́ɛrigi naa nyɛ́ɛri ní i be kapeeli nyuu ni tèé kánmi naa na a Isirayɛli syɛɛnnɛʔɛmɛ piyɛɛ gbóʔoro wi taana nǎnbèle ní cébèle, ní pìíbèle, a syɛ́ɛnmi tɔ̀nɔ n nyatinnɛʔɛmɛ wo.

Ɛsidirasi 9:3

Lǎli ni mii kéeli bee lóʔo lè, a mii mii búrogi ní mii burogbɔɔgi cò n sulugu, níì mii ǹjooraa, ní mii bàʔajɔɔwaa cò n kíle n kɔ́nɔgi, níì tɛ́ɛn funbɛɛnrɛ na.

Ɛsidirasi 9:5

A ki ga pye cângwɔɔgi nyɔ́ɔ sáriga làriwololo ni, a mii yìri mii nɛ̀ɛjɛrɛgi tɛɛ̀tɛ́ɛnnɛ ni, ní mii búrogi, ní mii burogbɔɔgi ní wozuluguyo ní, a mii tìgi n too n yégunri cáan níì kɔ́yi yìrige Yawe mii Kolocɔlɔw ma,

Nehemii 2:20

A mii syɛɛnlurugori naa kaan be ma, níì jo: «Nyɛ̀ʔɛni Kolocɔlɔɔ wi a wolo yaʔa wo fànʔa taa. Wolo wo nyɛ lè wi falipyebèle, wolo a yìri bàā faanri. Yele si na, lɛɛlɛ, ní tànʔa, ní sɔ̀ngudaara kéele o nyɛ yele ma Zyerusalɛmi ni í.»

Nehemii 2:4

A fànʔafɔw mii pye: «Ki si i lè nya nyàʔá mɔ caa?» A mii nyɛ̀ʔɛni Kolocɔlɔɔ nyɛ́ɛri,

Ŋúnuyi 102:15

Níì cán wi kàdɛnɛyi kéele n mɔ falipyebèle dɛ́nɛ, pe i nyinimɛ taagi wi támiigi na.

Ŋúnuyi 136:26

Yaa nyɛ̀ʔɛni Kolocɔlɔɔ kpɔ̀ʔɔrɔ́, níì cán wi funjǎngi a tée kwɔ́ɔ í!

Ŋúnuyi 137:1

Babilɔni cábiyi nyɔ́ɔ na wolo da tɛ́ɛn ní i nyaan, àmɛɛ wolo sɔ̀ngi n taa Siyɔn kéeli na lè.

Danyɛli 10:2

Cányi bee ni, mii Danyɛli, mii maa pye kùu káyaʔa na cégboʔolo taanri fúngo ni.

Danyɛli 2:18

jàngó pe nyɛ̀ʔɛni Kolocɔlɔɔ nyɛ́ɛri gbanʔama wi nyinidaari na, kalarali bee kéele na, koro ga pye woro Danyɛli ní woro pínɛnyɛnbèle a kɔ́ kùu ní Babilɔni sícilizanbèle ní í.

Danyɛli 9:3

A mii mii yɛ́ɛgi wáa Kàfɔw Kolocɔlɔɔ ma bi nyɛ́ɛrigɛ, ní nyɛ́ɛrigboloyo kpéʔele, si súnw le, si gɔ̀nvaʔaga le burogo, si cɔnʔɔ wo niyɛɛ na.

Zyonasi 1:9

A wi be yari: «Mii i nyɛ Heburuo, Yawe mii kpɔ̀ʔɔrɔ́, wi lè nyɛ̀ʔɛni Kolocɔlɔɔ, woro wee wi sólomi lɔ̀ʔɔ ní tári kpéʔele lè.»

Sofonii 3:18

«Bele be fɔ̀n kpóʔorojǎngèle ni, àmɛɛ be léeli mɔ na lè, mii a be kpóʔoro, poro bele na fɛ̀ɛ́ri líbe lè.

Wɔrɔmi ye 12:15

Yaa fundaanra kpéʔele ní fundaanri fɔ̀ɔlɔ ní, yáā nyaan ní nyɛnifɔbèle ní.