Nehemii 1:3 - Cebaara Bible 2010

³ A be mii yari: «Bele be kòro púlori wòolo ni lè, pe i yaà tári ni, fɔ̀rɔgi, ní faʔari si tɔ̀nɔ́ i nyɛ be na, a Zyerusalɛmi tǒw wɔ́ɔ̀ wálagi n too, a náagi kpàánweegèle kɔ̀riyɔ sórigo.»

Nehemii 1:3 Iomraidhean Croise

1 Fànʔafɔbèle 9:7

mii a Isirayɛli ye kwɔ́ɔ láʔa tásaligi na mii kaan be ma lè. Kpáagee mii yaʔa kɔlɔ̀ na niyɛɛ mɛ́ɛgi na lè, mii a gee bee núngo niyɛɛ taana bi wáa léelige. Isirayɛli a pye kàseele yáriga, ní yafaʔala,

2 Fànʔafɔbèle 25:10

Kalide ye kapɛɛnkpumɔnbèle myɛ be pye ní gáridibèle kùndigi ní lè, a poro tǒw myɛ cáan, wee wi da Zyerusalɛmi màʔa lè.

2 Cányi kèlē 36:19

A be Kolocɔlɔɔ kpáagi sórigo, níì Zyerusalɛmi tǒw cáan, níì gi kpaakpoloyi myɛ sórigo ní naà ní, níì yacanri myɛ kálagi.

Ɛsidirasi 2:1

Bele Babilɔni fànʔafɔw Nebukadinezari da cò n kári Babilɔni ma lè, bele pe da yiri tári ni púlori ni n lúru n pan Zyerusalɛmi, ní Zyuda ma lè, poro be nyɛ bele naa. Pe myɛ nibin nibin maa baa tɛ́ɛn be kěyi ni.

Ɛsidirasi 5:8

Fànʔafɔw n yɛlɛ bi gi cán wolo n kári Zyuda tári ma n sáà nan Kolocɔlɔɔ wogbɔɔw kpaʔa na. Pe n gi faan ní kadɛnɛgboloyo ní, níì tíiri taʔa gúnbiiyi na, fáliw i yaà ni sámagi ni kpéʔele, wi i syée yɛʔɛ̀ ma be kɔ́yi ni.

Nehemii 11:3

Tári kùndigibéle pe baa tɛ́ɛn Zyerusalɛmi ni lè, poro be nyɛ bele naa. Pe myɛ nibin nibin n sáà tɛ́ɛn Zyuda kěyi ni, be tálɛɛgéle ni, be kèye ni, gee bee n jo Isirayɛli ye, ní sáriga-wòlobèle, ní Levii ye, ní Netinyɛbèle, ní Salomɔn falipyebèle yòdaʔaya.

Nehemii 2:13

A mii foro Jǐnlɔgi kpàánweele ni, yébiligi ni, Diragɔnw Pùnweele zinmɛ na, ní Kábogi kpàánweele kabaan na n Zyerusalɛmi tǒw saanri n wéle, a mii wi nyaa a wi wálagi n too, a náagi wi kpàánweegèle kɔ̀riyɔ sórigo.

Nehemii 2:17

Lǎli bee ni a mii be pye: «Yele n gi nyaa wɔʔɔgee ni wo nyɛ lè! Zyerusalɛmi n kálagi, a náagi gi kpàánweegèle kɔ̀riyɔ sórigo. Yaa maa wo ní wo ba Zyerusalɛmi tǒw faan, jàngó wolo a kɔ́ kòro faʔari ni í.»

Nehemii 2:3

A mii fànʔafɔw yari: «Ki n yɛlɛ fànʔafɔw í kòro beè sìi na! Kěgee ni mii tóolɛɛbèle kɔ̀ɔngēle nyɛ lè, àmɛɛ gi kálagi lè, á náagi gi kɔ̀riyi sórigo mɛ̀ɛ́ mii yɛ́ɛgi a pye ki si a tanʔa í?»

Nehemii 7:6

Bele Babilɔni fànʔafɔw Nebukadinezari da cò n kári lè, bele pe da yiri tári ni, púlori ni n lúru n pan Zyerusalɛmi, ní Zyuda ma lè, poro be nyɛ bele naa, a pe myɛ nibin nibin sáà tɛ́ɛn be kèye ni.

Ɛsitɛri 1:1

Asyerusi lǎli ni gee naa kpéʔele. Asyerusiw bee maa pye fǎngi na n séli Ɛndi na fwɔɔ n sáà nan Etyopii tári na. Tátɛɛyɛ togoye kɔrɔni ní kɔrɔsiin wi da ni kàragí.

Ŋúnuyi 79:4

Wolo n baa pye yafaʔagéle wolo tɛ́ɛnnyɛnbèle ma, bele be wolo màʔa lè, pe i wolo tɛ́ʔɛ ní i wolo kpàná.

Kàseegèle 25:28

Syɔ́ɔnwee wi lè wi ga gbàn ni wiyɛɛ kàragí í, wi i nyɛ àmɛɛ kàʔa nyɛ, gee be jáa lè ki si i nyɛ tò fun.

Ezayi 43:28

Koro na mii tɛɛcǎngi kùndigibéle pye yanɔnʔɔyɔ, mii n Zyakɔbi kaan kálagili ma, n Isirayɛli kaan faʔari ma.

Ezayi 5:5

Koro na, gee mii a kpéʔele mii ɛrɛzɛn ségi na lè, mii a gi tɛ̀ɛn yele na tɔ́ɔliw ni. Mii a gi jásaaw láʔa gi na, yaweeri si gi káa. Mii a gi kàkɔlɔgi wálagi cáan, jàngó pe gi tánʔana ní tɔ́lɔyi ní.

Zyeremii 24:9

Mii a be kàriga fyáara, ní wɔʔɔgɔ yáriga tári fànya myɛ ma, bi be pye faʔara, ní nɛ̀ɛnyɛnɛgɛ, ní kataanra, ní dánga yáriga tɛ́ɛyi myɛ ni, beè mii a be nɛnɛ bi tórigo lè.

Zyeremii 29:18

Mii a be kɔ́ri láa ní ŋɔséew, ní kateekpɔɔgi, ní káfalagi yáama ní, mii a be pye fyáakpɔɔrɔ yáriga tári fànya myɛ ma, ní dánga yáriga, ní funwɔɔrɔ yáriga, ní kataanra yáriga, ní yanɔnʔɔgɔ syɛɛnfeleyi myɛ nínge ni, beè mii a be nɛnɛ tórigo lè,

Zyeremii 39:8

A Kalide syɛ́ɛnbèle naà tɛ́ʔɛ n fànʔafɔw kpaʔa, ní syɛ́ɛnbèle kpaaya sórigo, níì Zyerusalɛmi tǒbèle círi n cáan.

Zyeremii 42:18

Níì cán Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Kánmee na mii fundanʔari ní mii fundanʔagbɔɔri baa too Zyerusalɛmi ye na lè, kánmi bee na mii fundanʔagbɔɔri a wɔ́ɔ too yele na, yele ga tíi níì kári Ezyipiti ma. Yele a pye kàliga yáriga, ní funwɔɔrɔ yáriga, ní dánga yáriga, ní yafaʔaga, yele si a ní tɛ́ɛgi naa nyaa í.›

Zyeremii 5:10

Ye lúgu gi tɛɛsùluyi na, ye kálagila kpéʔele, kàjáa yele a kɔ́ di kálagi bi kwɔ́ɔ í! Ye gi káganyi láʔala, níì cán yi o nyɛ Yawe wóyo í.

Zyeremii 52:14

Kalide ye kapɛɛnkpumɔnbèle myɛ pe da pye ní gáridibèle kùndigi ní lè, a poro tǒw myɛ cáan, wee wi da Zyerusalɛmi màʔa lè.

Kayaagi Nyɛnigɛ 1:7

N Zyerusalɛmi yaʔa wi wɔʔɔgi, ní wi fóomi ní, a wi i sɔ̀ngí ni taagi wi yacanri myɛ kéele na ti da pye wi ma lè booma cányi ni. Lǎli ni wi syɛ́ɛnbèle da ni tuun nigoow kúruyo láara ni lè, dɛ̀ɛmɛfɔlɔ fun ni, wi kàsiitun-nyɛ́nbèle maa ni gee bee nyaagi, ní i wi tooli kéele tɛ́ʔɛ.

Kayaagi Nyɛnigɛ 2:9

Siyɔn kpàánweegèle n jée tári ni. Wi n wi kɔ̀riyi kálagi, n yi yasɔʔɔyi kabagi. Wi fànʔafɔw, ní wi syɛɛnkpolobèle i nyɛ syɛɛnfeleyi nínge ni. Làlwa ní o yaà í. Alí Yawe ní o yanyaʔa tèé wi kanyaajoobèle na í.

Kayaagi Nyɛnigɛ 3:61

Yawe, mɔ n be tɛʔɛlɛyi lóʔo, ní be nyɔɔkuunri myɛ mii kánmi na,

Kayaagi Nyɛnigɛ 5:1

Yawe, gee gi pye wolo na lè sɔ̀ngi mi taa gi na! Wolo faʔari kéele wéle, mí gi sámaga mi nyaa!

Levii ye sáriga-wòlori 26:31

Mii a yele kèkpoloyi kàriga kataya. Mii a yele tɛɛcǎnyi kálagi. Mii a ní fɔ̀lɔ́ ra yele nùndaanni yárira núngo syoo í.

Levii ye sáriga-wòlori 26:33

Mii a yele cariga bi tórigo syɛɛnfeleyi nínge ni, si ŋɔséew kɔ́n bi taʔa yele na. Yele tári a kòro wowaara ní. Yele kèkpoloyi a kòro kataya.