Nehemii 1:11 - Cebaara Bible 2010

¹¹ Ee! Kàfɔw, koro na ki n yɛlɛ mi mɔ líiyi cáan mí mɔ falipyew nyɛ́ɛrigɛ lóʔo, ní mɔ falipyebèle bele be caa bàā fɛ̀ɛgí mɔ mɛ́ɛgi na lè, poro nyɛ́ɛrigi. Mii i mɔ nyɛ́ɛri, mɔ falipyew yaʔa wi kataanna taa níjanʔa, mí gi yaʔa nǎnw naa í nyɔɔ wi na.» Mii si maa pye lǎli bee ni fànʔafɔw yagbaʔa kaanfɔlɔ.

Nehemii 1:11 Iomraidhean Croise

Sélimɛ 24:42

Lǎli ni si mii baa nan lè kɔ̀lɔ́w na níjanʔa, a mii nyɛ́ɛrigi naa nyɛ́ɛri níì jo: ‹Yawe, mɔ wi lè mii kàfɔw Abirahami Kolocɔlɔw, kapye mɔ a mii tánʔani yaʔa li tɛ́nɛ,

Sélimɛ 32:11

Kacǎnyee ní funviiw kèlē mɔ kpéʔele mii ma lè, mii wi lè mɔ falipyew, mii da nyɔɔ n yɛlɛ ní li làa wobile ní í. Níì cán kàgbeeli nibin ní mii Zyuridɛnw naa jeli. Tɔ́ɔliw ni mii si n kàri n pye kabiya siin.

Sélimɛ 32:28

A nǎnw wi pye: «Mɛ̀ɛ́ pe mɔ yiri?» A wi jo: «Pe i mii yiri Zyakɔbi.»

Sélimɛ 40:1

Kérigèle bee kpéʔelele kadoʔo ma, wee wi pye lè Ezyipiti fànʔafɔw yagbaʔa kaanna nyúngo na, ní wee wi pye lè wi búruw sámagala nyúngo na, a bele bee baa kapeele pye be kàfɔw na, wi lè Ezyipiti ye fànʔafɔw.

Sélimɛ 40:2

A Faraɔnw fúngo tanʔa wi kpáagi falipyebèlē siin kurugo, gee bee n jo, wee wi pye lè wi yagbaagi sámagala nyúngo na, ní wee wi pye lè wi búruw sámagala nyúngo na.

Sélimɛ 40:21

Wee wi pye wi yagbaagi fáli nyúngo na lè, a wi woro lúrugo n télege wi fáliw na, a woro i Faraɔnw yagbaala nii wi kɔ́gi ni.

Sélimɛ 40:23

Koro ní ki myɛ ní, wee wi pye fànʔafɔw yagbaʔa sámagala fáli nyúngo na lè, wee bee ga sɔ̀ngi n taa Zyozɛfu kéeli na í, a wi fɛ̀ʔɛ wi na.

Sélimɛ 41:9

Lǎli bee ni wee wi pye lè Faraɔnw yagbaʔa sámagala fáli nyúngo na, a woro gi joo Faraɔnw ma níì wi pye: «Mii a mii kolomi kèlē joo yirige níjanʔa.

Sélimɛ 43:14

Kolocɔlɔɔ wi lè Séew Myɛ Kàfɔlɔ, ki n yɛlɛ wi sa gi yaʔa nǎnw bee í nyinimɛ taa yele na si yele senyɛnwee ní Bɛnzyamɛ yaʔa be lúru pan ní yele ní. Mii si na, mii ga níì bɔ̀nɔ mii pìíbèle pèle ni, a mii bɔ̀nɔ wii.»

2 Cányi kèlē 6:40

Tɔ́ɔliw ni, ee mii Kolocɔlɔw, ki n yɛlɛ mɔ nyapiigèle í pye womúgugéle ní, mí mɔ líiyi cáan maa nyɛ́ɛrigi lúro, gee gi kpéʔele tɛ́ɛgi naa ni lè.

Ɛsidirasi 1:1

Pɛrisi fànʔafɔw Sirusi fǎngi yɛɛzelile na, a Yawe sɔ̀ngurɔ lége Pɛrisi fànʔafɔw Sirusi ni, koro ga pye Yawe syɛ́ɛnri ti da yiri Zyeremii nyɔ́ɔgi ni lè di foro. A Sirusi be pye a be kéeli naa jáari nyɔɔ, ní sɛ́bɛ ni wi fǎngi tɛ́ɛyɛ myɛ ni n gi joo níì jo:

Ɛsidirasi 7:6

Ɛsidirasiw bee n yìri Babilɔni ma n pan, làlwaw sɛ́bɛkanwaa wi pye, wee wi da tɔ̀nɔ n Mowizi làlwaw kɔ́rɔ sámaga n cán lè, wee Yawe Isirayɛli Kolocɔlɔw kaan lè. A fànʔafɔw wi yanyɛɛriyi myɛ kaan wi ma àmɛɛ wi Kolocɔlɔw kɔ́lɔ da pye wi na lè.

Nehemii 1:6

ki n yɛlɛ mi mɔ líiyi cáan, mí mɔ nyapiigèle múgu mi mɔ falipyew nyɛ́ɛrigɛ lóʔo. Mii i nyɛ nyɛ́ɛrigɛ na mɔ yɛ́ʔɛ ma lǎli naa ni, canʔa ní yébilige, mɔ falipyebèle Isirayɛli ye kéeli na. Mii n yére Isirayɛli ye kapeegèle ni, kapeegèle wolo pye mɔ na lè. Mii ní mii kpáagi wòolo n kapeele pye.

Nehemii 2:1

Nisan yégi ni, fànʔafɔw Aritakisɛrikisɛsi fǎngi yɛ̀ʔɛlɛ toko wólo na, àmɛɛ dùvɛɛnw pye fànʔafɔw yɛ́ʔɛ ma lè, a mii dùvɛɛnw láa n kaan wi ma. Mii yɛ́ɛgi si da tàli n kɔ́ɔ̀ tanʔa wi yɛʔɛ̀ ma nyáana í.

Nehemii 2:8

Sɛ́bɛwaa si kaan Azafi wóo, wi lè fànʔafɔw kɔ́ligɔ kɔrɔsiifɔlɔ, koro ga pye wi tiire kaan mii ma kpɔ̀ʔɔrɔli kpaʔa taana kpaataʔa-tɔ́nɔgɔ kɔriyɔ kéele na, ní kěgi tò, ní kpáagi kéele na beè mii a sa pye lè.» A fànʔafɔw fɔ̀lɔ gi na mii ma, níì cán mii Kolocɔlɔw kɔjànga maa pye mii na.

Ŋúnuyi 106:46

níì gi yaʔa bele pe be cò n kári púlori na lè, a poro myɛ nyinimɛ taa be na.

Ŋúnuyi 130:2

Kàfɔw, mii yákpoli lóʔo! Mɔ líiyi cáan mi mii nyɛ́ɛrigboloyi lóʔo.

Ŋúnuyi 61:5

Mii i caa bi kòro mɔ fanikpaagi ni làla o làla, bi làra mɔ fókaanyi láara ni. Ŋɔ́ndaala

Ŋúnuyi 86:6

Ee Yawe, líiyi cáan mi mii nyɛ́ɛrigi lóʔo. Yákirii yaʔa mii nyɛ́ɛrigbɔɔgi yákpolo na!

Kàseegèle 1:29

Níì cán cánni n be bɛɛn. Pe ga mii Yawe yɛ́ɛgi fyáara nyɛ́nɛ n wòlo í.

Kàseegèle 21:1

Fànʔafɔw fúngo i nyɛ Yawe kɔ́gi ni àmɛɛ lɔ̀ʔɔ nyɛ, gee gi fóo lè, wi i gi kàragí ni tórogi kàbangee ma ki wi dɛ́nɛ lè.

Zyeremii 42:12

Mii a yele nyínimi lége wi ni, wi a nyinimɛ taa yele na si gi yaʔa yele í lúru pan yele tásaligi ma.›

Malasyii 3:16

Lǎli bee ni bele be fɛ̀ɛgí Yawe na lè, a poro i nyuu ní peyɛɛ ní. A Yawe líiyi cáan n lóʔo be ma, a sɔ̀ngudaara sɛ́bɛ sɛ́bɛ wi yɛʔɛ̀ ma, jàngó bàā wi sɔ̀ngumi tìrigí bele kéele na be fɛ̀ɛgí Yawe na lè, ní i wi mɛ́ɛgi kpɔ́ʔɔgi.

Heburubèle 13:18

Ki n yɛlɛ yaa nyɛ́ɛri wolo kéeli na, níì cán wolo n tága gi na ncan wolo fúnyi n fílige, wolo i caa wolo tánʔaganmi í nyɔɔ kàbanyi myɛ na.