Nehemii 1:10 - Cebaara Bible 2010

¹⁰ Pe i nyɛ mɔ falipyebèlē, ní mɔ syɛɛnfelege, gee mɔ syɔɔ n yaʔa lè ní mɔ fangbɔɔgi, ní mɔ séekpɔɔw kɔ́lɔ báriga ní.

Nehemii 1:10 Iomraidhean Croise

Ŋúnuyi 136:12

Wi séew kɔ́lɔ, ní wi kɔ́gi sánʔana báriga ni, níì cán wi funjǎngi a tée kwɔ́ɔ í!

Ŋúnuyi 74:2

Sɔ̀ngi mi taa mɔ syɛ́ɛnbèle kéele na, bele mɔ taa lè booma ni, poro bele nyùnzyɔɔrɔ mɔ kpéʔele lè, pe i nyɛ mɔ kɔ́rigi syɛɛnfelege! Sɔ̀ngi mi taa Siyɔn nyanbelegi na, gee na mɔ da mɔ tɛɛkòrogi sámaga lè.

Ŋúnuyi 89:14

Mɔ má séew nyɛ kɔ́gi ni. Mɔ kɔ́gi i nyɛ ní fànʔa ní, mɔ kaliigi i nyɛ wozánʔaga ní ǹjoʔo ma.

Yirile 13:14

Mɔ piiw ga kɔ́ baa mɔ yíbe nyɛ̀ʔɛna níì jo: ‹Nyàʔá gi nyɛ gee bee pyele kɔ́rɔ?› Mɔ a wi yari: ‹Yawe n wolo yirige púlori kpaʔa ni, Ezyipiti ni, ní wi séew kɔ́lɔ ní.

Yirile 13:16

Gee bee a pye fɛ̀ɛ mɔ kɔ́gi na, ní sápabēle mɔ nyapiigèle lariga ni. Níì cán Yawe n wolo yirige Ezyipiti ni, ní wi séew kɔ́lɔ ní.»

Yirile 13:3

A Mowizi gi joo Isirayɛli syɛ́ɛnmi ma níì bi pye: «Yaa sɔ̀ngí yaa taagi cángi naa na, gee ni yele yiri lè gee níjanʔa Ezyipiti ni, púlori kpaʔa ni. Níì cán Yawe kɔ́gi séekpɔɔɔ wi yele yirige di ni. Yele ga ni cángi naa sɔ̀ngudaara kpéʔele, ki ga yɛlɛ yele í levé búru lìi í.

Yirile 13:9

Gee bee a pye mɔ ma fɛ̀ɛ mɔ kɔ́gi na, ní sɔ̀ngudaara yáriga mɔ nyapiigèle lariga ni, koro ga pye Yawe làlwaw í pye mɔ nyɔ́ɔgi na. Níì cán Yawe n mɔ yirige Ezyipiti ni ní wi séekpɔɔw kɔ́lɔ ní.

Yirile 15:13

Mɔ n syɛ́ɛnbèle naa yɛ́ʔɛ kíni, poro bele nyúnyo mɔ syɔɔ lè mɔ funjǎngi báriga ni, Mɔ n be yɛ́ɛgi kíni mɔ séekpɔɔw báriga ni ni syée ní be ní mɔ tɛɛkòrojǎngi ma.

Yirile 32:11

A Mowizi si Yawe wi Kolocɔlɔw nyɛ́ɛri gbanʔama níì jo: «Ee Yawe, mɔ syɛ́ɛnbèle bele mɔ yirige Ezyipiti tári ni lè ní séekpɔɔɔ, ní fànnɛʔɛgɛ kɔ́lɔ ní lè, nyàʔá na gi yɛlɛ mɔ fundanʔari í cò naà be kánmi na?

Yirile 6:1

A Yawe gi joo Mowizi ma níì wi pye: «Gee mii a kpéʔele Faraɔnw na lè, mɔ a gi nyaa tɔ́ɔliw ni. Séekpɔɔɔ kɔ́lɔ a ba wi kaan wi be yaʔa be kári, àlí séew bee báriga ni wi a ba be nɛnɛ yirige woro tári ni.»

Yirile 6:6

Koro na ki n yɛlɛ mi gi joo Isirayɛli ye ma, mí be pye: ‹Mii wi nyɛ Yawe, mii a yele syɔɔ faligbanw ma, woro wee Ezyipiti ye taʔa yele na lè. Mii a yele yirige púlori fáli ni woro wee be taʔa yele na lè. Mii a yele syɔɔ mii kɔ́gi fànʔa báriga ni ní kútiiw kakpologéle báriga ni.

Yirile 6:7

Mii a yele láa yele í pye mii syɛ́ɛnbèle, mii si pye yele Kolocɔlɔw. Yele a gi cán bi cán mii wi nyɛ Yawe yele Kolocɔlɔw, wee wi yele yirigi lè Ezyipiti ye faligbanw ni.

Ezayi 64:9

Mɔ kecanyi n baa pye fìimɛ tára. Siyɔn n baa pye fìimɛ tára, Zyerusalɛmi n baa pye tɛɛ̀kalagiga.

Làlwaw Kaanziin 15:15

Sɔ̀ngi mi taa gi na mi cán mɔ maa pye puloo Ezyipiti tári ni, a Yawe mɔ Kolocɔlɔw mɔ yirige di ni, koro na mii tundunri naa nyuu mɔ ma níjanʔa.

Làlwaw Kaanziin 9:29

Bi si gi taa pe i nyɛ mɔ syɛɛnnɛ, ní mɔ kɔ́rigɔ, gee mɔ yirige lè mɔ séekpɔɔw, ní mɔ kɔ̂zánʔagi báriga ni.›