Misye 7:9 - Cebaara Bible 2010

⁹ Mii a Yawe fundanʔari kpàraco àmɛɛ mii kapeele pye wi na lè, bi taa wi ba mii kéeli cɔɔnri si tànʔa kaan mii ma. Wi a mii yirige gbɛ̀ɛ́nmi na, mii si wi sínni sámaga wéle.

Misye 7:9 Iomraidhean Croise

2 Samyɛli 24:17

Lǎli ni Davidi nyɛ̀ʔɛni tunduɔn nyaa, wee wi da ni syɛ́ɛnbèle kúu lè, a wi gi joo Yawe ma níì wi pye: «Wéle, mii wi kapeeli kpéʔele. Mii wi kolomɔ kéeli kpéʔele. Nyàʔá si syɛ́ɛnbèle naa pye? Mii ní mii kpáagi wòolo na mɔ yɛlɛ bi mɔ kɔ́gi taʔa.»

Zyɔbi 23:10

Kólogee si ni mii táanri lè, wi n gi cán. Wi ga mii sɛʔɛ n wéle tunweele ni lǎli ni lè, mii a yiri féw fɔɔnrɔ fun àmɛɛ tɛɛ̀ nyɛ lè.

Zyɔbi 35:14

Alí mɔ wíre i gi nyuu lè níì jo mɔ o wi nyaagi í, mɔ kútii kéeli i nyɛ wi yɛʔɛ̀ ma, da wi sige!

Ŋúnuyi 119:154

Ba fàra mii na mi mii nyúngi syɔɔ. Mii yaʔa mii í pye sìi na bi yɛlɛ ní mɔ nyɔɔfaligi ní!

Ŋúnuyi 37:6

Wi a mɔ sínni tɛ̀ɛn àmɛɛ gbɛ̀ɛ́nmi nyɛ lè, bi mɔ táangi tɛ̀ɛn àmɛɛ cânvulɛɛlɛ nyɛ lè.

Ŋúnuyi 43:1

Ee Kolocɔlɔɔ, ki n yɛlɛ mi mii kútiiw ceri, pínɛ ní mii ní syɛɛnfelegi kánma na ki lè nyinimɛ fun! Mii syɔɔ námarafɔbèle ma, be lè syɛɛnnaa-sìnzinbèle!

Ŋúnuyi 7:6

ki n yɛlɛ nigoow í mii sìíw nɛnɛ taa, ki n yɛlɛ wi mii sìíw tánʔana tári na, wi mii nìjanri tánʔana lége támiigi ni. Ŋɔ́ndaala

Ŋúnuyi 94:15

Níì cán kútiiw a lúru da síngi, bele myɛ fúnyo si yi sín lè, poro a ra táanri sínni ni.

Ezayi 42:16

Mii a fúunbèle yaʔa paa táanri kologaa ni, gee gi lè pe da gi cán í, mii a be yɛ́ɛgi kíni kobiigèlē ni, gele pe da tée lè. Mii a yébilimi kàriga gbɛ̀ɛnmɛ pe yɛʔɛ̀ ma, si tɛɛ̀gbóʔolo-gboʔoloyi kàriga tɛɛ̀fála-falaya. Gee bee mii a tɔ̀nɔ́ kpéʔele, mii a tɔ̀nɔ́ be wáa yaʔa í.

Ezayi 42:7

mɔ í da fúunbèle nyapiigéle múru, bàā púlobèle yirigi kàsow ni, ní bele be nyɛ lè wodɛ́ɛnbéle ní yébilimi ni, bàā poro yirigi kàsokpaagi ni.

Ezayi 46:13

Mii i mii sínni yaari li i nùuní naa, li tɛ́ɛgi ga níì léeli í. Mii syɔɔli a ní mɔn kólogi na í. Mii a syɔɔli lége Siyɔn ni, bi mii nìjanri kaan Isirayɛli ma.

Ezayi 51:22

Mɔ Kafɔw Yawe, wi lè mɔ Kolocɔlɔw, woro wee wi wi syɛ́ɛnbèle tánʔa nyuu lè, woro wi syɛ́ɛnri naa joo níì jo: «Yagbaali li nyɛ mɔ kɔ́gi ni lè, li fúngi yagbaʔa si i syɔɔn yɛ́ɛgi wóo lè, wéle, mii a li syɔɔ mɔ ma, mɔ a ní gbaa mii fundanʔagbɔɔri yagbaala ni í!

Ezayi 56:1

Yawe wi syɛ́ɛnri naa joo níì jo: «Gee gi sín lè, yaa koro jàtée, yaa sínni kèlē kpéʔele. Níì cán cɛɛri ga pye syɔɔli mii kaangi lè, li a nan naa, mii sínni si liyɛɛ dɛ̀ɛn.

Zyeremii 10:19

Wɔʔɔlɔ i nyɛ mii na! Mii n tɔ̀nɔ n kpàli! Mii námigi n para! A mii si da ni gi nyuu níì jo: Mii wɔʔɔgi gi nyɛ gee naa, mii a gi kpàraco.

Zyeremii 14:7

Alí wolo kolomi kèlē ga ni wolo kologi, ee Yawe, ki kpéʔele mɔ mɛ́ɛgi kéele na! Níì cán wolo céemi kapyere n nɛʔɛ, wolo n kapeele pye mɔ na.

Zyeremii 51:10

Yawe n wolo sínni yirige kàfugi na. Yaa maa wo ba ra Yawe wolo Kolocɔlɔw kapyele kéele nyuu Siyɔn ni.

Kayaagi Nyɛnigɛ 1:18

Yawe wi sín, níì cán mii wi baa pye niceʔe wi syɛ́ɛnri kánma na, dee wi joo n gbàn lè. Ye lóʔo, yele syɛɛnfeleyi myɛ, ye mii yayaagi nyaa! Mii nàngeele sinján pìcaabèle, ní mii nìgɔcaribèle n kári púlori na.

Levii ye sáriga-wòlori 26:41

mii si a wɔ́ɔ ra cáan ní be ní, si be tórigo pe nigoobèle tára ma. Lǎli bee ni pe sìngɛ́nɛ fúnyi a yiyɛɛ jɛ́rɛ, pé be kolomi fwɔ́ɔlɔ tɔ́n.

Malasyii 3:18

Yele si a náa ba gi nyaa wàlimee bi nyɛ lè syɛɛnsiɔn ní syɛɛnpeeo níngi ni, ní wee wi báara Kolocɔlɔɔ ma lè, ní wee wi lè wi o báara wi ma í, poro níngi ni.

1 Korɛnti ye 4:5

Koro na yele a kɔ́ kútii kúun wàa na sáni lǎli í nan lè í, gee bee n jo sáni Kàfɔw í pan lè í, woro wi a ba yébilimi yárira myɛ yirige gbɛ̀ɛ́nmi na, si syɛ́ɛnbèle fúnyo sɔngurɔ tɛ̀ɛn kàfugi na. Lǎli bee ni syɛ́ɛnbèle myɛ nibin nibin a pe kpɔ́ʔɔri taa Kolocɔlɔɔ ma.

2 Timɔte 4:8

Nlaʔa tɔ́ɔliw naa na, Kàfɔw wi lè kútiisinw kúunfɔlɔ, wi n kpɔ́ʔɔri nyùndɔnnɔ tɛ́ʔɛ yaà mii yɛ́ʔɛ na, sínni wólo, lee wi a ba kaan mii ma lè cángi bee na. Mii nibin si má ban wi a li kaan í, bele myɛ be wi làridɛ̀ɛ́nni sige lè ní fundaanra ní, wi a wɔ́ɔ kèle kaan bele bee ma.

Tɛ̀ɛnnɛ 18:20

Nyɛ̀ʔɛni, ki n yɛlɛ maa fundaanra kpéʔele gi kálagili kéele na! Yele Kolocɔlɔɔ syɛɛncanbèle, ní pìitunbèle, ní kanyaajoobèle, ki n yɛlɛ yaa fundaanra kpéʔele! Níì cán Kolocɔlɔɔ n gi kútiiw joo n ceri n yɛlɛ ní kapeegèle ní gi kpéʔele yele na lè.»

1 Samyɛli 24:15

Wìí na Isirayɛli fànʔafɔw yiri n taʔa? Wìí na mɔ yiri n taʔa ni nɛnɛ? Pɔ̀nguulo lii. Kàcɛnʔɛ yagana gii.

1 Samyɛli 25:39

A Davidi ga gi lóʔo Nabali n kùu, a wi jo: «Yawe n yɛlɛ waa wi kpɔ̀ʔɔrɔ́, woro wee wi mii táangi joo lè àmɛɛ wi faʔari láʔa mii na, dee Nabali da wáa mii na lè. Wi n wi falipyew yérige peemɛ kpéʔelele na. Yawe n Nabali péemi yaʔa a bi lúru n kòro wi nyúngi ni.» A Davidi tun Abigayili ma pe sa wi pye woro i caa bi wi láa woro cɔ́ɔ.

1 Samyɛli 26:10

A Davidi níì jo: «Amɛɛ Yawe nyɛ lè sìi na, Yawe ma gi nyɛ bi wi kpúmɔn wàlá wi cânguugi í ba nan wi kùu, wàlá wi kári kapɛɛnnɛ ma si sa kùu yaà.

1 Samyɛli 3:18

Lǎli bee ni a Samyɛli syɛ́ɛnri myɛ joo wi ma. Wi ga yafyɛn làriga wi na í. A Helii jo: «Yawe wii. Gee wi nyaa a gi nyɔɔ lè, ki n yɛlɛ wi koro kpéʔele.»