Misye 7:8 - Cebaara Bible 2010

⁸ Mii nigoow, mɔ a kɔ́ ra fundaanra kpéʔele mii kéeli na í! Alí mii ga too, mii a ní yìri. Mii ga tɛ́ɛn yébilimi ni, Yawe wi nyɛ mii gbɛ̀ɛ́nmi.

Misye 7:8 Iomraidhean Croise

Zyɔbi 31:29

A mii da ni fundaanra kpéʔele lé mii parafɔlɔ wɔʔɔgɔ kéele na, wàlá ni muguri àmɛɛ kapeʔe wi taa lè,

Ŋúnuyi 112:4

Gbɛ̀ɛnmɛ i yirigi yébilimi ni syɛɛnsinbèle ma, ní wee má wi nyɛ lè nyinidaaɔ ní fûnnyinge fɔ́lɔ, níì sín.

Ŋúnuyi 143:3

Nigoow n yìri mii pǐli kurugo, wi n mii sìíw cáan ni tánʔana. Wi n mii kɔ́ri a mii i kòró yébilimi tɛ́ɛyɛ ni àmɛɛ booma woguubèle nyɛ lè.

Ŋúnuyi 20:8

Syɛ́ɛnbèle pèle n be sɔ̀ngumi taʔa be wòtorobèle na, á pèle be sɔ̀ngumi taʔa be syɔ́ɔnyi na, wolo si na, Yawe wolo Kolocɔlɔw mɛ́ʔɛ wolo yiri.

Ŋúnuyi 27:1

Davidi ŋúnugi. Yawe wi nyɛ mii gbɛ̀ɛ́nmi, ní mii syɔɔli, wìí na mii a ní da fɛ̀ɛgí? Yawe wi nyɛ mii sìíw tɛɛlàraga, wìí na mii a ní fyáa?

Ŋúnuyi 35:19

Bele be peyɛɛ bye lè mii nigoobèle nyùngo fun, pe a kɔ́ ra fundaanra kpéʔele mii kéeli na í, bele mii kéeli bɛɛn lè nyùngo fun ni, pe a kɔ́ ra mii teeri ní wélele ní í.

Ŋúnuyi 37:21

Syɛɛnpeew i fwɔ́ɔgèle kúunri, wi si o ge tɔ́ngi í, syɛɛnsinw si i nyinimɛ taagi ní i kaangi.

Ŋúnuyi 37:24

Wi ga too, wi a kòro yaà tári na í, níì cán Yawe kɔ́gi i nyɛ wi láari ni.

Ŋúnuyi 38:16

Yawe, mɔ na mii mii sɔ̀ngumi taʔa, mɔ a lóʔo mii ma, Kàfɔw, mii Kolocɔlɔw!

Ŋúnuyi 84:11

Bi canʔa nibin kwɔ́ɔ mɔ kpɔʔɔrɔli kpaʔa kàcoolo kadàagēle na, koro n pɔ́rɔ n sɔ̀lɔ canya saala kagunɔ kwɔ́ɔlɔ na tɛɛgaa nikwɔɔ ni. Bi yére mii Kolocɔlɔw kpaʔa kpaaweele na, mii n koro fúngo cán n sɔ̀lɔ tɛ́ɛnni na syɛɛnpeebèle fànikpaaya ni.

Ŋúnuyi 97:11

Gbɛ̀ɛ́nmi i nyín syɛɛnsinw ma, bele fúnyo yi sín lè, fundaanra i nyɛ bele bee ma.

Ezayi 2:5

Yele Zyakɔbi kpáagi wòolo, yaa maa wo ba ra táanri Yawe gbɛ̀ɛ́nmi na!

Ezayi 49:9

Si gi joo kàsolebèle ma si jo: ‹Ye yiri naa,› ní bele be nyɛ lè yébilimi ni, si gi joo poro ma: ‹Ye yiri gbɛ̀ɛ́nmi na.› Pe a gbǎn ra náari kóloyi na, pe a nyàácànga taa baa káa nyanbe-wɔlɔgɔyi myɛ na.

Ezayi 50:10

Wìí syɔ́ɔn wi fɛ̀ɛgí yele ni Yawe na, ní i lúro wi falipyew ma? Wee wi táanri yébilimi ni lè, gbɛ̀ɛnmɛ si o nyɛ wi ma í, ki n yɛlɛ wi wiyɛɛ daʔa Yawe mɛ́ɛgi na, wi wiyɛɛ zígi wi Kolocɔlɔw na.

Ezayi 9:2

Mɔ i kàa taari syɛɛnfelegi na. Mɔ i kàa fàrá be fundaangbɔɔri na. Pe i fundaanra kpéʔele mɔ yɛ́ʔɛ ma, yaliilaara fundaanra pyeganma na, ní àmɛɛ syɔɔn gáà fundaangbɔɔrɔ yákpolo wáa lè kapɛɛnnɛ yataara tɛɛlɛʔɛ ni.

Zyeremii 48:27

Isirayɛli da pye mɔ ma kataanra yála ì? Kàyuubèle nínge ni lé wi da nyaa, á koro gi kaan mɔ ga yarigaa taa bi joo wi kéeli na, kapye bàā nyǔngi kólo wi kánmi na ban í?

Zyeremii 50:11

«Ɔnhɔ́ɔ̀n, yaa fundaanra kpéʔele, yaa muguri, yele bele ye mii kɔ́rigi koli lè! Ɔnhɔ́ɔ̀n, yaa yegi àmɛɛ náapyaʔa yegi lè nyàápungo ni. Yaa fúlo àmɛɛ fànnɛʔɛgɛ syɔ́ɔnyɔ nyɛ lè!

Zyeremii 8:4

«Mɔ a be pye: ‹Yawe wi syɛ́ɛnri naa joo níì jo: A syɔɔn i tuun lé si kòro sìnyìri ni? Wàlá bi kolo lúru si ni kòro sìnban ni?

Ezekyɛli 25:6

Níì cán Kàfɔw Yawe wi syɛ́ɛnri naa joo níì jo: ‹Amɛɛ mɔ kadaagèle kóri lè, ní wɔ́ɔ̀ yédaali súu tári na, ní wɔ́ɔ̀ fundaanra pye, á mɔ fúngi nyìn faʔari na Isirayɛli tári kéele na lè,

Ezekyɛli 35:15

Amɛɛ mɔ da fundaanra kpéʔele lè lǎli ni Isirayɛli kpáagi wòolo kɔ́rigɔ da kálagi lè, gee bee félege mii a kpéʔele mɔ na. Mɔ a pye tɛɛ̀kalagiga, Seyiiri nyanbelegi, mɔ ní Edɔmi myɛ bìnɛw. Pe a gi cán bi cán mii wi nyɛ Yawe.›

Ezekyɛli 36:5

Awá, Kàfɔw Yawe wi syɛ́ɛnri naa joo, wi n jo: Mii yejaagbangatɔw, mii i nyuu syɛɛnfeleyi wozanya kánma na, ní Edɔmi wobow myɛ kánma na, poro bele be mii tári syɔɔ n pye lè peyɛɛ wóro ní be fundaanri myɛ ní, ní wɔ́ɔ̀ di faʔa be fúnyi ni, jàngó bi yaweenaʔa-tɛ́ɛyi fuguri!

Amɔsi 9:11

«Cángi bee na Davidi vǒgi gi too lè, mii a ní gi yìrige, mii a gi tɛɛ̀kalagiyi sámaga. Mii a gi gurubɛɛtoori yìrige bi ní gi faan gi pye àmɛɛ ki da sélì pye lè,

Abidyasi 1:12

Mɔ a kɔ́ ra mɔ senyɛnw canʔa wéle í, ki lè fɔ̀rɔgi canʔa, mɔ a kɔ́ ra fundaanra kpéʔele Zyuda pìíbèle kéele na pe kálagili canʔa na í, mɔ a kɔ́ ra kpɔɔmɔ jóomɔ nyuu pe wɔʔɔgi canʔa na í!

Misye 4:10

Siyɔn calipili, da wɔʔɔ, máā cɛ́ɛn àmɛɛ cɔlɔɔ nyɛ, wee wi nyɛ seeli na lè! Níì cán tɔ́ɔliw ni mɔ a yiri kěgi ni bi sa mɔ tɛɛkòrogi pye sìnbirigi ni, mɔ a kári fwɔɔ bi sa nan Babilɔni na. Bi mɔ yaʔa yaà beè, mɔ a syɔɔ be ma, nɛɛ bee Yawe a mɔ nyúngi syɔɔ bi yirige mɔ nigoobèle kɔ́yɔ ni.

Misye 7:10

Mii nigoow a gi nyaa, fɛ̀ɛrɛ si wi tɔ́n, woro wee wi da ni gi nyuu mii ma lè níì jo: «Sán Yawe mɔ Kolocɔlɔw nyɛ?» Mii nyapiigèle a taʔa nigoow na. Tɔ́ɔliw ni pe n wi tánʔana ní tɔ́lɔyi ní àmɛɛ kàlari-kóloyi fáriga nyɛ lè.

Zakarii 12:8

Cángi bee na Yawe a Zyerusalɛmi ye tɔ́n. Wàa ga ni fági be ni, woro a pye cángi bee na mɔ a jo Davidi wii. Davidi kpáagi si pye mɔ a jo Kolocɔlɔɔ wii, bi pye mɔ a jo Yawe nyɛ̀ʔɛni tunduɔn wii pe yɛʔɛ̀ ma.

Matye 4:16

syɛ́ɛnbèle be nyɛ lè wodɛ́ɛnbéle ní yébilimi ni, pe n gbɛ̀ɛngbɔɔmɔ nyaa. Ní bele be tɛ́ɛn lè kùúw tɛ́ʔɛ ni, ní wi nyínmi láara ni, gbɛ̀ɛ́nmi n yiri n nan bele bee na.»

Zyan 16:20

Mii a tɔ̀nɔ́ gi joo yele ma kányɛʔɛ ni, yele a kɔ́ ba ra nyaan sáā yákpogèle wáa, dulunyanw syɛ̀ɛnnɛ si pye fundaanra na, yɛ́ɛyi a ba tanʔa yele na, kàjáa yele funbɛɛnri si a ba kàri fundaanra.

Zyan 8:12

Lǎli bee ni a Zyezu níì séli ni nyuu ní syɛ́ɛnbèle ní níì jo: «Mii wi nyɛ dulunyanw gbɛ̀ɛnmɛ. Syɔ́ɔnwee wi ga taʔa mii na lè, wee bee a tée tánʔa yébilimɛ ni í, níì cán wi a sìíw gbɛ̀ɛnmɛ taa.»

Kapyegèle 26:18

Mii a mɔ tun be ma mɔ í sa be nyapiigèle paʔala, koro ga pye pe yiri yébilimi ni bi jée gbɛ̀ɛ́nmi ni, pé wɔ́ɔ kàdoʔo wáa Sutanaw fànʔa ma si kàri Kolocɔlɔɔ ma, koro ga pye wi be kapeegèle kùsulugo syɔɔ, pé wɔ́ɔ pínɛ kɔ́rigi taa ní syɛ́ɛnbèle ní, bele Kolocɔlɔɔ sámaga n yaʔa wiyɛɛ ma lè, àmɛɛ be tága mii na lè.›

2 Korɛnti ye 4:6

Níì cán Kolocɔlɔɔ wi gi joo lè níì jo: «Gbɛ̀ɛ́nmi í da nyín da yirigi yébilimi ni,» woro wonijanw wi wɔ́ɔ̀ gbɛ̀ɛ́nmi lége wolo fúnyi ni, jàngó woro nìjangbɔɔri cánna gbɛɛnmɛ í da nyín da yirigi Kirisi yɛ́ɛgi ni.

2 Korɛnti ye 4:9

Pe i wolo wɔʔɔ, kàjáa dɛ̀ɛmɛfɔlɔ ga fɔ̀n wolo na í. Pe i wolo kpúmɔn ni cáan, wolo si o kúu í.

Tɛ̀ɛnnɛ 21:23

Kěgi màko o nyɛ cángi gbɛ̀ɛnmɛ na í, wàlá yégi wómɔ na í, níì cán Kolocɔlɔɔ nìjangbɔɔri di nyɛ ki gbɛ̀ɛ́nmi, á Bàpili si i nyɛ gi fètinni.

Tɛ̀ɛnnɛ 22:5

Yébilige a ní pye yaà í, pe màko a ní pye fètinnɛ gbɛ̀ɛnmɛ na í, wàlá cángi wómɔ na í, níì cán Kàfɔw Kolocɔlɔɔ a ra gbɛ̀ɛ́nmi yirigi be ma. Pe a pye fànʔafɔɔlɔ làla o làla kwɔ́ɔmɔ fun.