Ki n yɛlɛ mi fúngi nyíngi Yawe yɛ́ʔɛ ma, máā wi sige ní kpàracogo ní. Syɔ́ɔnwee kèlē ge nyɔɔgi lè, mɔ a kɔ́ mɔ fúngi yaʔa kaa taanri wee bee kéele na í, wàlá bàā taanri wee kéele na wi kanbeemi tímana pí i forogi lè í.
Ye mii syɔɔli Kolocɔlɔɔ wéle wee, mii sɔ̀ngumi n tɛ́ɛn, mii a ra fɛ̀ɛgí í. Níì cán Yawe, Yawe tiimaa wi nyɛ mii bárigaw, ní mii ŋúnugi. Woro wi nyɛ mii syɔɔli.»
Cángi bee na pe a ra gi nyuu si jo: Wolo Kolocɔlɔw wi wee, woro na wolo wolo sɔ̀ngumi taʔa, woro si wi wolo syɔɔ. Woro wi nyɛ Yawe, wee na wolo wolo sɔ̀ngumi taʔa lè. Ki n yɛlɛ waa muguri, wáā fundaanra kpéʔele syɔɔli kéele na wi kaangi lè.
Ee fànʔafɔw, ki si ga caà pye bi kpéʔele nya, wolo Kolocɔlɔw, woro wee fáli wolo kpéʔele lè, woro a gbǎn wolo syɔɔ, wi a wolo syɔɔ fúruw naagbanga, ní mɔ kɔ́gi ma.
Mii a yére mii kpaàwele-tɛ́ɛgi ni, mii a yére bi kòro mii tònirigi na. Mii a sige jàngó bi gi nyaa, gee wi a joo mii ma lè, ní syɛɛnlurugori mii a joo mii káyaagi kéele na lè.
Níì cán làla n tɛ́ʔɛ yanyaagi bee forolo kéele na, ki i gi làrivoroli yèʔerí, ki a jànvaa pye í. Alí ki ga mɔn da gi sigi, níì cán ki a tɔ̀nɔ́ foro ki a tée ba fàli í.