Misye 7:6 - Cebaara Bible 2010

⁶ Níì cán nànbili i li tóow faari, calipili i yìrigí li nɔ́ɔw kánma na, céw i yìrigí wi nǎnw nɔ́ɔ kánma na. Syɔɔn narigbaagi wòolo a ba kàri wi nigoolo.

Misye 7:6 Iomraidhean Croise

Sélimɛ 49:4

Mɔ i nyɛ àmɛɛ lɔ̀ʔɔ nyɛ lè, gee gi tugu ni yìrigí lè, mɔ a gbǎn yɛʔɛmaw taa í. Níì cán mɔ n lúgu mɔ tóow yasinɛgɛ na. Mɔ n tɔ̀nɔ n mii yasinɛgi nɔ́nʔɔ àmɛɛ mɔ lúgu gi na lè.

2 Samyɛli 16:11

A Davidi Abisyayi ní woro falipyebèle myɛ pye: «Mii tiimaa pìiseew si i mii caa bi kpóo, n náa kɔ́ɔ̀ yére Bɛnzyamɛ ye wów naa na. Wi yaʔa yaà waa dángaw syɛ́ɛnrɛ nyuu, níì cán Yawe wi koro joo wi ma.

Ŋúnuyi 41:9

Pe i gi nyuu níì jo: «Yaabeemɛ bi too wi na! Wi i wee wozinɛɔ ní, wi a ní yìri í!»

Kàseegèle 30:11

Syɛ́ɛnbèle pèle félege i yaà, bele be syɛɛnpeeri nyuu ni wáa be tóobèle na lè, pe o kacànga faala nyuu ni kaangi pe nɔ́ɔbèle ma í.

Kàseegèle 30:17

Nyapilee li liyɛɛ nyɛ́nɛ tofɔlɔ na lè, níì cée li o lúro nafɔlɔ ma í, lòcoologi kàanriya a li fùru, nyɔɔ̀ pìifaliya si li jɔ́ɔ.

Ezayi 3:5

Ki a pye syɛ́ɛnbèle nínge ni, wee í da wɔʔɔli gbàngí wee na, ní syɔɔn ní wi tɛ́ɛnnyɛnnɛ níngi ni. Nìgɔcariɔ a ra tuun nànlɛɛɔ na, nifaalaga a ra tuun báriga syɔ́ɔn na.

Ezayi 9:19

Syɔɔn i cɛnɛ ni káa kàliige ma, kateegi si sèʔé i nyɛ wi na. Wi i líi kàmɔnɔ ma, wi si a tée tín í. Pe myɛ nibin nibin a ra be kɔ́yi pìremɛ káa.

Zyeremii 12:6

Níì cán àlí mɔ senyɛnbèle tiimaa, ní mɔ tóow kpaʔa wòolo wɔ́ɔgēle, pe i mɔ jànváa, pe tiimaw wɔ́ɔ i yákpogèle wáa gbanʔama ni syée mɔ kurugo. Lǎli ni pe ga ni syɛɛntaanra nyuu mɔ ma lè, mɔ a kɔ́ tága be na í.

Zyeremii 20:10

Mii i syɛɛnnɛʔɛmɛ syɛɛn-ŋúnuŋunuro lúro a pe i gi nyuu níì jo: «Fyáakpɔɔrɔ i nyɛ kàbanyi myɛ na! Yaa gi nyuu yaa tèé! Waa gi nyuu waa tèé!» Bele myɛ pe da pye ní mii ní lè yɛɛ̀nyinge na, pe i mii tooli caa ní i gi nyuu níì jo: «Dɔ̀ʔɔ́ wi a wiyɛɛ yaʔa be fáana pùuni, wolo si wi taa jáa, si gɔ̀lɔ́w wòlo wi na!»

Zyeremii 9:4

Pe i peyɛɛ jànváa, pe o kányɛʔɛ nyuu í, pe i be nyíngèle tɛ̀ɛ́ jànvaaw joolo na, pe i peyɛɛ vɔ̀rɔgí kakoloyi pyele na.

Ezekyɛli 22:7

Pe i tofɔbèle ní nafɔbèle faari mɔ ni. Pe i nibɔɔn wɔʔɔ ní fungbanga ní mɔ níngi ni. Pe i círio, ní lɔgucaa nɔ̀ʔɔrɔ́ ni líi mɔ ni.

Abidyasi 1:7

Mɔ sogumɔ wóbèle myɛ n mɔ ŋɔrigɔ n lúrugo fwɔɔ n sáà nan láʔagologi na. Mɔ taanyɛnbèle n mɔ jànváa, pe n fànʔa taa mɔ na, pe n lìi mɔ búruw na, a koro pye mɔ na karinyanga. ‹Sícilimɛ ní o wi ni í,› (koro be nyuu).

Matye 10:21

Syɔɔn a ba ra wi senyɛnnɛ kaangi kùúw ma, tofɔlɔ í da wi pyà kaangi kùúw ma, pìíbèle si wɔ́ɔ ba yìri be seefɔbèle kurugo sáā be kúu.

Matye 26:23

A wi be yari: «Wee wi wi kɔ́gi nii lè ní mii ní pɛ́ɛli ni, wee bee wi a mii le be kɔ́yi ni.

Luki 12:53

Tofɔlɔ a ba yìri jaafɔlɔ kánma na, jaafɔlɔ i wɔ́ɔ yìri tofɔlɔ kánma na, nafɔlɔ a yìri wi pyà kánma na, pyà í wɔ́ɔ yìri wi nafɔlɔ kánma na, nàɔn nɔ́ɔ a yìri wi pyà cɔ́ɔ kánma na, pyà cɔ́ɔ í yìri wi nàɔn nɔ́ɔ kánma na.»

Luki 21:16

Alí yele seefɔbèle, ní yele laayirinyɛnbèle, ní yele narigbaayi wòolo, ní yele tàannyɛnbèle a kɔ́ ba ra yele nii be kɔ́yi ni, pe a ra yele pèle saʔa kúu.

Zyan 13:18

Mii o dee naa nyuu yele myɛ kéeli na í. Bele mii nyɛ́nɛ n wòlo lè, mii n be cán. Kàjáa fwɔɔ Kolocɔlɔɔ syɛɛnsɛbɛri í foro, dee di jo lè: ‹Wee wi líi ní mii ní lè, woro wi kàri mii nigoow.›