Misye 7:4 - Cebaara Bible 2010

⁴ Wee wi nyɛ lè be ni wobɔrɔw, wi i nyɛ àmɛɛ wúuro tírire nyɛ lè, wee wi sín be ni lè, woro n pee n sɔ̀lɔ wúuro tiipiige na. Cángi kéele mɔ kɔrɔsiifɔbèle da joo n tɛ̀ɛn lè koro gii, lǎli n nan keele í tɛ́ʔɛ mɔ na. Pe n curugo tɔ́ɔliw ni.

Misye 7:4 Iomraidhean Croise

Ezayi 10:3

Nyàʔá yele a pye kpúmɔnri canʔa na, ní kálagi-gbɔ́ɔli li a yìri léelige bi pan lè? Wìí má yele a fàn bi kári koro ga pye bi syɔɔlɔ taa, ní sán yele a yele lɔ́ri yaʔa?

Ezayi 22:5

Níì cán funjurugoro, ní tɔ́nʔɔnɔnɔ, ní funwɔɔrɔ canʔa gii, gee Kàfɔw tórigo naa lè, woro wee wi lè Nyɛ̀ʔɛni Sùlasiibéle Kafɔlɔ Yawe, tǒw i kpúmɔn ni cáan yanyaagi jǐnlɔgɔ ni, pe i yákpolo wáa nyanbelegi ma ni syɔɔlɔ caa.

Ezayi 55:13

Siipirɛ tíire a fìin wúuro tiipiire sindɛʔɛ ni, miiriti tíire a fìin wúuro tírire sindɛʔɛ ni. Gee bee a Yawe mɛ́ɛgi kpɔ́ʔɔ, gee bee a pye bàngwɔɔ fɛ̀ɛ, wee wi lè wi a kwɔ́ɔ bi nyaa í.»

Zyeremii 10:15

Yi myɛ i nyɛ gbanzan, kataanra yáriya yii. Yi làrigbumɔnni ga baa nan, yi a kwɔ́ɔ láʔa yaà.

Zyeremii 11:23

Wàa a kòro be ni í. Níì cán mii a ba wɔʔɔgɔ cáan Anatɔti syɛ́ɛnbèle na, yɛ́ɛlee na mii a ba keele tɛ́ʔɛ be na lè.› »

Zyeremii 46:21

Wi sàra-na-falipyebèle wɔ́ɔ i nyɛ wi níngi ni àmɛɛ sìnmɛ náapiiye nyɛ lè. Poro wɔ́ɔgēle, pe n kolo n lúru, pe myɛ i fé, pe o yèré í. Níì cán pe kálagili canʔa i maa be ma, ki lè pe cângbumɔngi.

Zyeremii 8:12

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too, Yawe wi jo nya.

Ezekyɛli 2:6

Mɔ si na, syɔɔn-pya, mɔ a kɔ́ fyáa be na í, wàlá bi fyáa be syɛɛnjóori na í, àlí n gi yaʔa mɔ i nyɛ wúuro tiipiiye, ní wúuro tírire nínge ni, níì tɛ́ɛn náabéle na, mɔ a kɔ́ fyáa be syɛɛnjóori na í, pe yɛ́ɛyi a kɔ́ zɔ̀nviikɔnirɔ wáa mɔ na í, níì cán niceebéle narigbaʔa gii.

Ezekyɛli 28:24

« ‹Kánmi bee na wúugo a ní pye Isirayɛli kpáagi wòolo na bàā be síbele í, wàlá wúuro tiipiige bàā be sulugu, bele myɛ nínge ni pe be màʔa ní i be faari lè í, lǎli bee ni pe a gi cán bi cán mii wi nyɛ Kàfɔw Yawe.› »

Amɔsi 8:2

A wi mii pye: «Amɔsi, nyàʔá mɔ nyaa?» A mii wi yari: «Yasanlɛɛgwɔɔrɔ sɛʔɛlɛ.» A Yawe mii pye: «Mii syɛ́ɛnbèle Isirayɛli ye làrigwɔɔli li lɛɛ n kwɔ́ɔ nya. Mii a tée ní be kùsulugi syɔɔ í.

Nahumi 1:10

Alí pe ga pye àmɛɛ wúuro tiipiire nyɛ, dee di fala tiyɛɛ ni lè, níì be yɛ́ɛyi wɔ́ɔ ní be sínmi ní, pe a ba sógi mɛnɛ mɛnɛ àmɛɛ nyàáwaʔa nyɛ lè.

Luki 21:25

«Fɛ̀ɛ́bèle a kɔ́ ba pye cángi, ní yégi, ní ŋɔripiigèle na. Yɛɛfuugo ní funjurugoro a tɔ̀nɔ́ ba pye syɛɛnfeleyi na tári na, sólomi lɔ́ʔɔ ní gi kùnguruyi tìnmɛ kéele na.

Heburubèle 6:8

Kàjáa wúuro ní solovinge ga fìin di ni, tári bee n pɛɛn, dángaw a ba too di na, ti kwɔ́ɔmi si ba pye sógulo.