Misye 7:3 - Cebaara Bible 2010

³ Pe kɔ́yi n wári kapeʔe pyele kurugo, fànʔafɔbili i yariraa caa fànʔa na, kútiijoow i fáliw pingi yakaanra kéele na, syɛɛnkpɔɔw wɔ́ɔ i wi fúngi yanidaanmaga caa, kánmi bee na pe myɛ wɔ́ɔ kanijanna na.

Misye 7:3 Iomraidhean Croise

Kàseegèle 16:30

Wee wi nyapiigèle tɔ́ngi ní i námara kérigèle tímana lè, ní wee wi nyɔɔsaliyi nɔngi lè, wi n kapeegi pye n kwɔ́ɔ.

Kàseegèle 17:23

Syɛɛnpeew i námara kpɔ́ʔɔrɔ syoo burogbɔɔgi láara ni, jàngó bi kútiisinw kàriga.

Ezayi 1:23

Mɔ kundigibèle i nyɛ niceebéle, ní kàyuubēle pínɛnyɛ̀nnɛ, námara kpɔ́ʔɔri kéele n pe myɛ dɛ́nɛ, a be i fé tɔ̀nɔw kurugo. Pe o tànʔa kaangi círio ma í, pe o nyɔɔ cáan lɔgucaa kútii kéele ni í.

Ezayi 26:21

Níì cán wéle, Yawe wi yirigi wee wi tɛɛkòrogi ni bi tári syɛ̀ɛnnɛ kpúmɔn be kolomi kéele na. Tári a sìsyaanw yirige bi tɛ̀ɛn, bele pe da kpóo lè, ti a ní be làriga í.

Ezayi 3:5

Ki a pye syɛ́ɛnbèle nínge ni, wee í da wɔʔɔli gbàngí wee na, ní syɔɔn ní wi tɛ́ɛnnyɛnnɛ níngi ni. Nìgɔcariɔ a ra tuun nànlɛɛɔ na, nifaalaga a ra tuun báriga syɔ́ɔn na.

Ezayi 32:7

Námarafɔw nàʔama n pee. Wi i kanbeemɛ tímana, koro ga pye woro í foomɔfɔw pùuni ní jànvaa syɛ́ɛnrɛ ní, àlí fɔ̀ngɔfɔw ga caa sín.

Ezayi 5:23

Pe i námara kpɔ́ʔɔrɔ syoo, ní i tànʔa kaangi kolomɔfɔlɔ ma, ní i syɛɛnsiɔn táangi syoo wi ma.

Zyeremii 3:5

A wi a wi fundanʔari kɔn lé bi yaʔa nya? Wi a kòro lé nya di na làla o làla? Koro si mɔ da ni nyuu. Kàjáa kapeʔe mɔ kpéʔele, a gi fǎngi wɔ́ɔ̀ pye mɔ ni.»

Zyeremii 4:22

«Kányɛʔɛ na mii syɛ́ɛnbèle n dóli, pe ga mii cán í. Jaafɔ-labalaya yii, pe n fɔ̀n cánna ni. Kapeʔe pyele sícilimɛ yagana bi nyɛ be ma, kàjáa pe ga kacànna pyeganma cán í.»

Zyeremii 8:10

Koro na mii a be cébèle kaan pèle nikwɔɔlɔ ma, si be séyi kaan bele má pe a yi nɛnɛ syɔɔ be ma lè. Níì cán n séli wobiigèle na n sáà nan wogbolobèle na, pe myɛ i nyɛ tɔ̀nɔcaari kurugo. N séli kanyaajoobèle na n sáà nan be sáriga-wòlobèle na, pe myɛ i námaraw kpéʔele.

Ezekyɛli 22:12

Pe i námara kpɔ́ʔɔrɔ syoo mɔ ni jàngó bàā sìsyaanw ŋuu. Mɔ i tɔ̀nɔw, ní tɔ̀nɔpeew caa, mɔ i mɔ syɛɛnnyɛnnɛ fuguri gbánama ni ni miyɛɛ gbéʔele lɔrɔfɔlɔ, mii si na, mɔ n fɛ̀ʔɛ mii na, Kàfɔw Yawe wi jo nya.

Ezekyɛli 22:27

Wi kùndigibèle i nyɛ wi níngi ni àmɛɛ solomikaara nyɛ, dee ti di kaacǒri sulugu lè. Pe i sìsyaanw ŋuu, pe i syɛ́ɛnbèle kúu jàngó bàā be nɔ̀ʔɔrɔgi kèlē forogi.

Ezekyɛli 22:6

Isirayɛli fànʔafɔbiigèle wéle, ke myɛ nibin nibin i ge fǎngi kpéʔele jàngó bàā sìsyaanw ŋuu mɔ ni.

Ezekyɛli 34:21

Amɛɛ yele fànʔa fun bǎbèle myɛ cínɛ lè ní lɛ̀ʔɛgèle, ní fókaannyunyi ní, ní i be fologi ní yele nyɛ́ngèle ní, bi taa yele í be cariga yirige kàfugo ma,

Ezekyɛli 9:9

A wi mii yari: «Isirayɛli kpáagi, ní Zyuda kpáagi wòolo kolomɔ n tɔ̀nɔ n kpɔ́ʔɔ n sɔ̀lɔ. Tári n nyìn syɛɛnkpoori na, kěgi n nyìn kakolobyeri na, níì cán pe i gi nyuu níì jo: ‹Yawe n tári yaʔa, Yawe o yafyɛn nyaagi í.›

Oze sɛ́bɛw 4:18

Pe i láari gbaali na terire, níì fala ni jǐn kanɔnʔɔri ni. Faʔari kèlē n be kùndigibèle dɛ́nɛ.

Oze sɛ́bɛw 7:3

Pe i fundaanra kaangi fànʔafɔw ma ní be péemi ní, ni fundaanra kaangi be fànʔafɔbiigèle ma ní be námara kérigèle ní.

Amɔsi 5:12

Níì cán mii n gi cán ncan yele kapeeyi n nɛʔɛ, a yele kapeegèle kpólo. Yele i fǎngi gbàngí syɛɛnsinw na, yele i nyùnzyɔɔ-lɔ́ri wáa wi na, ní i foomɔfɔbèle yéregi kányɛɛgi joolo na kpàánweeli na.

Misye 2:8

Nlaa yaà làridɔɔnnɔ ni, pe n yére nigooro na n mii syɛ́ɛnbèle sige, bele be yìri kapɛɛnni ma n lúru ni sɔ̀lɔ́ yɛɛ̀nyinge na lè, yele i burogboloyi wóo be na ni láari yaleree na.

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Misye 3:2

Kacǎnni n yele bɛɛn, á yele tàmaga le ní kapeegi ní. Yele i be sáliyi wóo, ní i kaapiremi láari kaceleyi na.

Matye 26:15

A wi sáà be pye: «Mii ga wi le yele kɔ́yi ni, nyàʔá yele a kaan mii ma?» A be wálifiio tɛɛyɛ toko ní kpɔrigɔ córo n kaan wi ma.

1 Korɛnti ye 4:5

Koro na yele a kɔ́ kútii kúun wàa na sáni lǎli í nan lè í, gee bee n jo sáni Kàfɔw í pan lè í, woro wi a ba yébilimi yárira myɛ yirige gbɛ̀ɛ́nmi na, si syɛ́ɛnbèle fúnyo sɔngurɔ tɛ̀ɛn kàfugi na. Lǎli bee ni syɛ́ɛnbèle myɛ nibin nibin a pe kpɔ́ʔɔri taa Kolocɔlɔɔ ma.