Misye 7:16 - Cebaara Bible 2010

¹⁶ Syɛɛnfeleyi a gee bee nyaa, fɛ̀ɛrɛ a yi taa, àlí yi séew ní gi myɛ ní. Yi a kɔ́yi tɔ́n nyɔ́ɔyi na, yi líiweegèle a dùnɔ̄.

Misye 7:16 Iomraidhean Croise

Zyɔbi 21:5

Ye fíige mii ma kí yele fúnyi wɔ́ɔ, yé kɔ́yi tɔ́n nyɔ́ɔyi na.

Zyɔbi 40:4

«Wéle, mii i nyɛ yapiipiile, nyàʔá mii a gbǎn joo mɔ ma? Mii a kɔ́gi tɔ́n mii nyɔ́ɔgi na.

Ŋúnuyi 126:2

Lǎli bee ni wolo nyɔ́ɔyi maa nyìn kataanri na, wolo nyíngèle maa ni fundaanra yákpogéle wáa. Lǎli bee ni a ki i nyuu syɛɛnfeleyi nínge ni níì jo: «Yawe n kakpoloyo kpéʔele be ma!»

Kàseegèle 30:32

Labalami ga mɔ wáa nɛ̀ɛnyɛnɛgɛ na, á mɔ baa sɔ̀ngubeere sɔ̀ngi, kɔ́gi tɔ́n nyɔ́ɔgi na.

Ezayi 26:11

Yawe, mɔ kɔ́gi n yìrige ǹjogi ni, pe si o gi nyaagi í. Amɛɛ mɔ syɛ́ɛnbèle kéele mɔ dɛ́nɛ n sɛ́ɛ lè, pe a koro nyaa, fɛ̀ɛrɛ si be taa. Kánmi bee na náagi a mɔ nigoobèle sórigo bi kwɔ́ɔ péw.

Ezayi 52:15

Amɛɛ gi nyɛ lè wi a syɛɛnfele-nɛʔɛyɛ jéemununɔ kpéʔele lè, fànʔafɔɔlɔ saʔa a kòro ní be nyɔ́ɔyi ní wodɔnyɔ ní wi yɛʔɛ̀ ma. Níì cán gee gi nyɛ lè ki da kɔ́ɔ̀ joo be ma í, pe a gee bee nyaa, gee gi lè pe da kɔ́ɔ̀ gi lóʔo í, pe a gi kɔ́rɔw cán.

Ezayi 66:18

«Mii na, mii n be kapyegèle ní be sɔ̀nguri cán. Lǎli n nan bi syɛɛnfeleyi myɛ, ní syɛɛnfeleri joofɔɔlɔ myɛ kpóʔoro. Pe a pan si ba mii nìjangbɔɔri nyaa.

Ezekyɛli 38:23

Mii a mii kpɔ́ʔɔganmi tɛ̀ɛn, ní àmɛɛ mii nyɛ wojaɔn ní lè. Mii a gi yaʔa syɛɛnfele-nɛʔɛyi í mii nyaa bi mii cán, yoro yee yi a gi cán lè lǎli bee ni bi cán mii wi nyɛ Yawe.›

Misye 3:7

Nyaafɔbèle a curugo, fɛ̀ɛrɛ a cɛ́lɛfɔbèle taa, pe myɛ a kɔ́yi tɔ́n pe nyɔ́ɔyi na. Níì cán Kolocɔlɔɔ a ra syɛɛnlurugoro kaangi í.

Misye 5:8

Ki n yɛlɛ mɔ kɔ́gi í yìri mɔ kasiitun-nyɛ́nbèle ǹjoʔo ni, mɔ nigoobèle myɛ í kwɔ́ɔ bi yiri yaà!

Agizye 2:22

Mii a fǎnyi fàngorigēle wáa cíbele, mii a syɛɛnfeleyi fànya fànʔa kálagi, mii a kapɛɛnkpumɔn-wòtorobèle wáa cíbele ní be jéefɔbèle ní, syɔ́ɔnyi ní yi fànvɔbèle a kpúmɔn cáan, pe myɛ nibin nibin a kùu taa be senyɛnbèle ŋɔséebéle báriga ni.»

Zakarii 12:9

Cángi bee na syɛɛnfeleyee myɛ yi a pan Zyerusalɛmi kánmi na lè, mii a kanmaa pye bi yi kálagi.

Wɔrɔmi ye 3:19

Wolo n gi cán gee myɛ gi nyuu lè Mowizi làlwaw sɛ́bɛ ni, ki i nyuu bele ma be nyɛ lè làlwaw bee kólogo ni, koro ga pye Kolocɔlɔɔ í dulunyanw syɛ̀ɛnnɛ myɛ nyɔ́ɔyɔ tɔ́n, si kútiiw cáan pe myɛ na.

Tɛ̀ɛnnɛ 11:18

Syɛɛnfeleyi fúnyo maa tanʔa, kàjáa mɔ fúngi làridanʔana si li nan, lee ni mɔ a kúbèle kútii joo ceri lè, mɔ púlobèle be nyɛ lè kanyaajoobèle, ní mɔ syɛɛncanbèle, n fàra bele na be fɛ̀ɛgí mɔ mɛ́ɛgi na lè, poro làrizarali n nan, bele be nyɛ lè woyilibèle n fàra wogbolobèle na, bele si be tári kálagi lè, á poro làrigbooli nan.»