Misye 7:12 - Cebaara Bible 2010

¹² Cángi bee na pe a ra yìrigí Asirii, ní Ezyipiti kěyi ma bàā maa mɔ ma, bàā yìrigí bi séli Ezyipiti ma fwɔɔ bi sa nan cábigi na, bàā yìrigí sólomi lǒgee ma bi sa nan gee na, ní nyanbelegee ma bi sa nan gee na, bàā maa mɔ ma.

Misye 7:12 Iomraidhean Croise

Ezayi 11:11

Cángi bee na Kàfɔw a ní wi kɔ́gi sánʔa bi wi syɛ́ɛnbèle wozanbèlē nyúnyo syɔɔ, poro bele pe a kòro lè púlori wòolo ni, Asirii ní Ezyipiti ni, ní Paturɔsi, ní Etyopii, ní Elami, ní Syineyari, ní Hamati, ní sólomi lɔ̀ʔɔ nínge tátɛɛgéle ni.

Ezayi 11:16

Kogbɔʔɔ a wòlo wi syɛ́ɛnbèle bele má be kòro lè, poro bele pe a kòro Asirii ni lè, àmɛɛ kàa da wòlo Isirayɛli ye ma cángee na be yiri Ezyipiti tári ni lè.

Ezayi 43:6

Mii a gi joo solomɔkulo ma si jo: ‹Pe kaan naa!› Bi gi joo wòrogulo ma si jo: ‹Mɔ a kɔ́ be cò bi yérige í!› Mii jáabèle yìrige yaà léelige mi pan, pe lè nǎnbèle, ní mii jáabèle be lè cébèle, pe yìrige yaà tári láʔala ma mi pan,

Ezayi 49:12

Pe wéle, pe n yìri yaà léelige ni maa, pe wéle, pèle n yiri yaà solomɔkulo, ní canʔajeemɛ ma ni maa, á pèle yìri Sinimi tári ma.»

Zyeremii 23:3

«Mii si mii bàsanbèle kpóʔoro bi yirige tátɛɛyi myɛ ni, yee má mii be cariga n tórigo lè. Mii a be lúrugo pan ba lége pe bàkpogi ni. Pe a ba ra sii bàā nɛʔɛgi.

Zyeremii 3:18

Cányi bee ni Zyuda kpáagi ní Isirayɛli kpáagi wòolo a pínɛ da táanri, pe a pínɛ yìri solomɔkulo tári ma bi pan táree má mii kaan yele tóolɛɛbèle ma lè kɔrigɔ.

Zyeremii 31:8

Wéle, mii n be yìrige yaà solomɔkulo tári ma a be lúru n pan, mii n be láa yaà tári láʔagéle ma n kpóʔoro. Fúunbèle ní tɔyaayi fɔ̀ɔlɔ i nyɛ be níngi ni n fàra cébèle bele na be nyɛ lè fícarigèle fɔ̀ɔlɔ, ní bele be nyɛ seeli na lè, poro myɛ bìnɛw. Syɛɛnnɛʔɛmɛ pi lúru ni maa nɛɛ naa.

Zyeremii 46:27

«Mɔ si na mii falipyew Zyakɔbi, mɔ a kɔ́ ra fɛ̀ɛgí í. Mɔ a kɔ́ ra cɛ̀lɛ́ í, Isirayɛli! Níì cán wéle, mii a mɔ syɔɔ bi yirige yaà táleelire ni, ní mɔ yodaʔayi, bi yi yirige yaà táree ni yi nyɛ lè púlori ni. Zyakɔbi a ní lúru pan, wi a ba pye ŋɔ́ndaala na, si wɔ́ɔ tɛ́ɛn sági, syɔɔn faala a ní pye yaà bàā wi tɔ́ɔrɔ í.

Ezekyɛli 29:21

Cángi bee na, mii a kàa fàra Isirayɛli kpáagi wòolo fanʔa na, si mɔ nyɔ́ɔgi múgu pe níngi ni. Pe a gi cán bi cán mii wi nyɛ Yawe.»

Ezekyɛli 37:21

Mɔ a gi joo be ma si jo: ‹Kàfɔw Yawe wi syɛ́ɛnri naa joo níì jo: Wéle, mii wi Isirayɛli ye lée wee bi yirige syɛɛnfeleyi nínge ni, beè be kári lè. Mii a be kpóʔoro bi yirige yaà kàbanyi myɛ na, bi lúrugo pan pe ba pye be tásaligi na.

Oze sɛ́bɛw 11:11

Pe a yìri Ezyipiti ma bàā fé da maa, sáā cɛ̀lɛ́ àmɛɛ féjɛɛnnɛ nyɛ lè, ní Asirii tári ma àmɛɛ kàtolo nyɛ lè, mii si ba be télege be kpáayi ni,» Yawe wi jo nya.