Misye 7:10 - Cebaara Bible 2010

¹⁰ Mii nigoow a gi nyaa, fɛ̀ɛrɛ si wi tɔ́n, woro wee wi da ni gi nyuu mii ma lè níì jo: «Sán Yawe mɔ Kolocɔlɔw nyɛ?» Mii nyapiigèle a taʔa nigoow na. Tɔ́ɔliw ni pe n wi tánʔana ní tɔ́lɔyi ní àmɛɛ kàlari-kóloyi fáriga nyɛ lè.

Misye 7:10 Iomraidhean Croise

2 Samyɛli 22:43

Mii i be purɔ ni kàragí àmɛɛ támiige nyɛ lè. Mii i be tánʔana àmɛɛ kàlari-kóloyi fáriga nyɛ lè.

Ŋúnuyi 109:29

Ki n yɛlɛ màámi í pye mii mɛ́ɛgi kálagifɔɔlɔ na burogo, fɛ̀ɛ́ri í pye be na àmɛɛ burogbɔʔɔ nyɛ lè!

Ŋúnuyi 115:2

Nyàʔá na syɛɛnfeleyi yɛlɛ bi kɔ́ ra gi nyuu si jo: «Sán si be Kolocɔlɔw nyɛ?»

Ŋúnuyi 18:42

Pe n yákpogèle wáa, syɔɔfɔlɔ ga taa be na í. Pe n yákpogèle wáa Yawe kurugo, wi ga joo ní be ní í!

Ŋúnuyi 35:26

Bele be fundaanra kpéʔele mii wɔʔɔgi kéele na lè, ki n yɛlɛ fɛ̀ɛ́ri í kòro be na! Fɛ̀ɛ́ri í be pínɛ taa gbanʔama. Bele be peyɛɛ gbɔ́ʔɔgi mii kánmi na lè, ki n yɛlɛ fɛ̀ɛ́ri, ní funjurugori í le be na burogo!

Ŋúnuyi 42:10

Mii a gi joo Kolocɔlɔɔ ma wi lè mii Fálagi, si jo: «Nyàʔá na mɔ fɛ̀ʔɛ mii na? Nyàʔá na mii yɛlɛ bàā táanri funbɛɛnrɛ na kagbanyi báriga ni mii nigoow taari mii na lè?»

Ŋúnuyi 42:3

Kolocɔlɔɔ kéeli i nyɛ mii fúngi ni àmɛɛ lògbaʔa nyɛ lè, Kolocɔlɔɔ woweew kéele, cangìí mii a kári bi sa yére Kolocɔlɔɔ yɛ́ʔɛ ma?

Ŋúnuyi 58:10

Sáni yele kòdosɔʔɔgèle í wúuri káfugo taa lè, káfala-sìnjinni n téè kári ní di ní, ti wobiriri, wàlá ti wowaʔa-gwɔ́ɔri.

Ŋúnuyi 79:10

Nyàʔá na syɛɛnfeleyi yɛlɛ bi kɔ́ ra gi nyuu si jo: «Sán be Kolocɔlɔw nyɛ?» Mɔ falipyebèle sìsyaan wolo gɔlɔ́-wòloro yaʔa di kpéʔele wolo nyɛ́nɛ na, syɛɛnfeleyi nínge ni.

Ŋúnuyi 92:12

Mii i mii labafɔbèle bɔ̀nɔ nyaagi, syɛɛnpeebèle be tuun mii na lè, mii i be yákpowáari lúro.

Ezayi 26:11

Yawe, mɔ kɔ́gi n yìrige ǹjogi ni, pe si o gi nyaagi í. Amɛɛ mɔ syɛ́ɛnbèle kéele mɔ dɛ́nɛ n sɛ́ɛ lè, pe a koro nyaa, fɛ̀ɛrɛ si be taa. Kánmi bee na náagi a mɔ nigoobèle sórigo bi kwɔ́ɔ péw.

Ezayi 41:25

Mii n wàa yìrige yaà solomɔkulo kàbangi na a wi pan. Mii n wi yeri yaà canʔafolomɔ ma wi mɛ́ɛgi na. Wi i yɛɛ̀kinibèle tánʔana ní tɔ́lɔyi ní àmɛɛ fariga nyɛ lè, ní àmɛɛ cóofaaɔn cóoro tánʔana lè.

Zyeremii 49:15

«Níì cán wéle, mii n mɔ kàriga wobile syɛɛnfeleyi nínge ni, ní yafaʔala syɔɔn ye níngi ni.

Zyeremii 51:24

Mii a Babilɔni, ní Kalide ye wógi sìndɛʔɛ lúrugo be ma bi yɛlɛ ní kapeeyi myɛ ní be kpéʔele Siyɔn na yele nyɛ́nɛ na lè, Yawe wi jo nya.

Zyeremii 51:51

«Wolo maa pye fɛ̀ɛ́ri ni, lǎli ni wolo da ni tɛʔɛlɛgi lúro lè. Fɛ̀ɛ́ri maa jée wolo yɛ́ɛyi ni, lǎli ni nibɔɔnnɔ pan n baa jée Yawe kpáagi tɛɛcànga ni lè.»

Ezekyɛli 7:18

Pe i gɔ̀nvaʔaya nii buroyo, fyáakpɔɔri si i be tɔ́ngi, fɛ̀ɛrɛ n yɛ́ɛyi myɛ tɔ́n, pe nyúnyi myɛ n kùnu.

Danyɛli 3:15

Tɔ́ɔliw ni ki n yɛlɛ ye sámaga ye yaʔa, lǎli ni yele ga tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, ye tìgi ye too ye tɛ́ɛw ǹdevanʔa kpɔ̀ʔɔrɔ, gee mii kpéʔele lè. Yele si ga pye yele ga fɔ̀lɔ n gi kpɔ̀ʔɔrɔ í, yele a wáa làrinijanna ni fúruw naagbanga ni. Kolocɔlɔwìí wi a gbǎn yele yirige mii kɔ́gi ni?»

Zyowɛli 2:17

Yawe falipyebèle be lè sáriga-wòlobèle, ki n yɛlɛ paa nyaan kpáali ní sáriga-wòlo-yafaangi lariga ni, Páā gi nyuu si jo: «Yawe, mɔ syɛ́ɛnbèle syɔɔ! Mɔ a kɔ́ mɔ kɔ́rigi kaan faʔari ma í, ki pye syɛɛnfeleyi kàseewaa-yáriga í. Nyàʔá na gi yɛlɛ bi kɔ́ ra nyuu syɛɛnfeleyi nínge ni si jo: ‹Sán be Kolocɔlɔw nyɛ?› »

Abidyasi 1:10

«Fɛ̀ɛrɛ a mɔ tɔ́n péemi kéele na mɔ kpéʔele mɔ senyɛnw Zyakɔbi na lè, mɔ a kwɔ́ɔ yirige yaà gi kòro nya làla o làla.

Abidyasi 1:12

Mɔ a kɔ́ ra mɔ senyɛnw canʔa wéle í, ki lè fɔ̀rɔgi canʔa, mɔ a kɔ́ ra fundaanra kpéʔele Zyuda pìíbèle kéele na pe kálagili canʔa na í, mɔ a kɔ́ ra kpɔɔmɔ jóomɔ nyuu pe wɔʔɔgi canʔa na í!

Misye 4:11

Tɔ́ɔliw ni, syɛɛnfele-nɛʔɛyɛ n yiyɛɛ gbóʔoro mɔ kánmi na. Yi i gi nyuu níì jo: «Ki n yɛlɛ pe gi faʔa, ki n yɛlɛ wolo nyapiigèle í le yaʔa Siyɔn ni!»

Misye 7:8

Mii nigoow, mɔ a kɔ́ ra fundaanra kpéʔele mii kéeli na í! Alí mii ga too, mii a ní yìri. Mii ga tɛ́ɛn yébilimi ni, Yawe wi nyɛ mii gbɛ̀ɛ́nmi.

Sofonii 3:15

Kútiiw wi da too mɔ na lè, Yawe n wi láʔa mɔ na, wi n mɔ nigoow kolo n lúrugo. Isirayɛli fànʔafɔw wi lè Yawe, wi i nyɛ mɔ níngi ni. Wɔʔɔgɔ ní o yaà, gee na mɔ a ra fɛ̀ɛgí lè í.

Zakarii 10:5

Pe a pye àmɛɛ nànniribēle nyɛ lè, bàā kàlari-kóloyi fáriga tánʔana kapɛɛnni ni. Pe a ra kapɛɛnni kpúmɔn, níì cán Yawe a pye ní be ní. Bele be lúgu syɔ́ɔnyi na lè fɛ̀ɛ́ri si poro tɔ́n.

Malasyii 1:5

Yele nyapiigèle a gee bee nyaa. Yele tiimaa a gi joo si jo: ‹Yawe n tɔ̀nɔ n kpɔ́ʔɔ n Isirayɛli tásaligi jeli.›

Matye 27:43

Wi n wi sɔ̀ngumi taʔa Kolocɔlɔɔ na, ki n yɛlɛ Kolocɔlɔɔ í wi syɔɔ tɔ́ɔliw ni, kapye wi kéeli n Kolocɔlɔɔ dɛ́nɛ. Níì cán wi n jo: ‹Mii i nyɛ Kolocɔlɔɔ Jáa.› »

Zyozuwe 7:9

Kanaan ye ní tári syɛɛnsanbèlē a gi lóʔo si pan ba wolo màʔa bi wolo mɛ́ɛgi kwɔ́ɔ bi yirige péw tári ni. Lǎli bee ni nyàʔá mɔ a kpéʔele mɔ mɛ́ɛkpɔɔgi kéele na?»

Tɛ̀ɛnnɛ 18:20

Nyɛ̀ʔɛni, ki n yɛlɛ maa fundaanra kpéʔele gi kálagili kéele na! Yele Kolocɔlɔɔ syɛɛncanbèle, ní pìitunbèle, ní kanyaajoobèle, ki n yɛlɛ yaa fundaanra kpéʔele! Níì cán Kolocɔlɔɔ n gi kútiiw joo n ceri n yɛlɛ ní kapeegèle ní gi kpéʔele yele na lè.»