Misye 6:4 - Cebaara Bible 2010

⁴ Níì cán mii n yele yirige Ezyipiti tári ni, mii n yele syɔɔ n yirige púlori kpaʔa ni, níì Mowizi, ní Aarɔn, ní Miriyami tórigo be pye yele yɛ́ɛgi na.

Misye 6:4 Iomraidhean Croise

2 Samyɛli 7:23

A syɛɛnfelegaa nibin i lé beè tári na, gee gi nyɛ àmɛɛ mɔ syɛ́ɛnbèle Isirayɛli ye nyɛ lè, gee kolocɔlɔbèlē be kári n sáà gi syɔɔ lè jàngó bi gi kpéʔele poro syɛɛnfelege, níì mɛ́ʔɛ le be na? Mɔ n kakpoloyo kpéʔele be ma, kakpolo-bìngaaya mɔ tári nyɔɔmɔ kéele na mɔ syɛ́ɛnbèle nyɛ́nɛ na, poro bele mɔ syɔɔ Ezyipiti, ní wi syɛɛnfeleyi ní wi kolocɔlɔbèle ma lè.

Ŋúnuyi 77:20

Mɔ kólogi n pye sólomi lɔ̀ʔɔ ni, mɔ tɛɛsɔ̀lɔgi n pye lòkpoloyi fúngo ni, syɔɔn faala ga mɔ túluyi nyaa í.

Yirile 12:51

Cángi bee tiimaa na Yawe Isirayɛli ye yirige Ezyipiti tári ni kabiya kabiya.

Yirile 20:2

«Mii wi nyɛ Yawe mɔ Kolocɔlɔw, wee wi mɔ yirige lè Ezyipiti tári ni, púlori kpaʔa ni.

Yirile 3:10

Tɔ́ɔliw ni mii a mɔ tun Faraɔnw ma. Da syée mi sa mii syɛ́ɛnbèle yirige Ezyipiti ni, pe lè Isirayɛli ye.»

Yirile 4:10

A Mowizi gi joo Yawe ma níì jo: «Ee Kàfɔw, jooli o syée mii ma í, n téè láa yaà, àlí n baa nan níjanʔa na mɔ nyuu ní mii ní lè, mii wi lè mɔ fálipyew. Níì cán mii tɔ̀nɔ́ o nyɛ n gbàn ni nyuu kelekele í. Mii nyɔ́ɔgi ní mii nyínni n líbe.»

Yirile 4:16

Woro wi a ra nyuu syɛ́ɛnmi ma mɔ sindɛɛgi ni. Woro wi a pye mɔ nyɔ́ɔgi, mɔ si pye Kolocɔlɔɔ sìndɛɛgi ni wi ma.

Yirile 6:27

Mowiziw bee, ní Aarɔnw bee be wɔ́ɔ sáà joo ní Faraɔnw ní, wi lè Ezyipiti ye fànʔafɔw, jàngó bi Isirayɛli ye yirige Ezyipiti ni.

Zyeremii 32:21

Mɔ syɛ́ɛnbèle be lè Isirayɛli ye, mɔ n be yirige Ezyipiti tári ni ní fɛ̀ɛbēle, ní kakpoloyo ní, ní sée kɔ́lɔ, ní kɔ̂zánʔaga ní, ní fyáakpɔɔrɔ ni.

Amɔsi 2:10

Bi gi taa mii wi níì yele yirige Ezyipiti tári ni, níì kíni yele yɛ́ɛgi na fìími tára ni yɛ̀ʔɛlɛ togoye siin fúngo ni, koro ga pye bi yele télege Amɔri ye tári fáliga na.

Córolo 12:1

A Miriyami ní Aarɔn i Mowizi syɛ́ɛnri nyuu Kusyi ye céw kéele na wi da láa lè, níì cán wi maa Kusyi ye cɔ́ɔ pɔri.

Córolo 33:1

A Isirayɛli syɛ́ɛnbèle yiri Ezyipiti tári ni àmɛɛ kapɛɛnkpumɔnbéle kabiya nyɛ lè, Mowizi ní Aarɔn si i nyɛ be yɛ́ɛgi na, be tánʔagèle tɛɛ̀yéregéle ge nyɛ gele naa.

Kapyegèle 7:36

Woro wi wɔ́ɔ̀ be yirige Ezyipiti tári ni kakpoloyi ní fɛ̀ɛ́bèle báriga ni wi kpéʔele lè Ezyipiti ni, ní Sólomi Lònyɛnʔɛ ni, ní wɔ́ɔ̀ yàa kpéʔele fìími tára ni n baa taa yɛ̀ʔɛlɛ togoye siin.

Làlwaw Kaanziin 15:15

Sɔ̀ngi mi taa gi na mi cán mɔ maa pye puloo Ezyipiti tári ni, a Yawe mɔ Kolocɔlɔw mɔ yirige di ni, koro na mii tundunri naa nyuu mɔ ma níjanʔa.

Làlwaw Kaanziin 24:18

Sɔ̀ngi mi taa gi na mi cán mɔ maa pye puloo Ezyipiti ni, á Yawe mɔ Kolocɔlɔw mɔ yirige yaà. Koro na mii tundunri naa nyuu ni gbàngí mɔ ma níì jo mɔ í da di kpéʔele.

Làlwaw Kaanziin 4:20

Yele si na, Yawe n yele cò n yirige tunmɔrɔ fúruw naagbanga ni gi lè Ezyipiti, jàngó yele í pye woro má kɔrigɔ àmɛɛ yele nyɛ lè níjanʔa.

Làlwaw Kaanziin 4:34

A kolocɔlɔwaa caa kɔ́ɔ̀ gi pye lé n wéle bi pan ba syɛɛnfelegaa láa bi yirige kàa ni bi yaʔa wiyɛɛ ma kagbangēle, ní fɛ̀ɛbēle, ní kakpoloyo, ní kapɛɛnnɛ, ní sée kɔ́lɔ, ní kɔ̂zánʔaga, ní fyáakpɔɔrɔ kele báriga ni n yɛlɛ ní gee myɛ ní Yawe yele Kolocɔlɔw kpéʔele yele kéeli na lè Ezyipiti ni yele nyɛ́nɛ na?

Làlwaw Kaanziin 5:6

‹Mii wi nyɛ Yawe mɔ Kolocɔlɔw, wee wi mɔ yirige lè Ezyipiti tári ni, púlori kpaʔa ni.

Làlwaw Kaanziin 7:8

Kàjáa a yele kéeli Yawe dɛ́nɛ wii, wi si wɔ́ɔ i caa bi kàligi foro, gee wi da kpéʔele yele tóolɛɛyi ma lè, koro na Yawe yele yirige ní fànnɛʔɛgɛ kɔ́lɔ ní, n yele yirige púlori kpaʔa ni n yaʔa yeyɛɛ ma. Wi n yele syɔɔ n yirige Faraɔnw kɔ́lɔ ni, Ezyipiti fànʔafɔw.

Làlwaw Kaanziin 9:26

A mii Yawe nyɛ́ɛri níì jo: ‹Kàfɔw Yawe, mɔ a kɔ́ mɔ syɛ́ɛnbèle kálagi í, pe lè mɔ kɔ́rigi, poro bele mɔ syɔɔ lè mɔ kpɔʔɔgbɔɔri báriga ni, n be yirige Ezyipiti ni sée kɔ́lɔ báriga ní.

1 Samyɛli 12:6

Lǎli bee ni a Samyɛli syɛ́ɛnbèle pye: «Yawe wi Mowizi ní Aarɔn télege, níì yele tóolɛɛbèle yirige Ezyipiti tári ni.