Misye 6:2 - Cebaara Bible 2010

² Ye Yawe kútiiw kéele lóʔo nyanbeleyi, ní tári kàpɔɔnbēle, yele ye nyɛ beè lè làla o làla! Níì cán kútii i nyɛ Yawe ma ní wi syɛ́ɛnbèle ní, wi i caa bi pye kàkabaga na ní Isirayɛli ye ní.

Misye 6:2 Iomraidhean Croise

2 Samyɛli 22:16

Amɛɛ Yawe kaana lè, ní wi fundanʔaratɔw káfalaga wi ŋɔ́n lè, a sólomi lòkpɔʔɔ nɔ́ʔɔ̄ nyaa, a tári kàpɔɔnbēle yiri kàfugi na.

2 Samyɛli 22:8

Lǎli bee ni a tári i cúngu ní i cɛ̀lɛ́, a nyɛ̀ʔɛgèle kàpɔɔnbēle i seri, ní i cúngu, níì cán wi fúngi maa tanʔa gbanʔama.

Ŋúnuyi 104:5

Mɔ wi tári yérige di kàpɔɔnbèle na, ti a tée cúngo nyáana í.

Kàseegèle 8:29

Lǎli ni wi sólomi lɔ̀ʔɔ tɛɛ̀yérele kúun lè, koro ga pye ki lǒgi a kɔ́ sɔ̀lɔ ki tɛɛ̀yéreli na í, lǎli ni wi tári kàpɔɔn tɛɛ̀yérele kúun lè, mii maa pye beè.

Ezayi 1:18

«Yaa maa wo ba joo.» Yawe wi jo nya. «Alí yele kapeegèle ga nyɛ́nɛgɛ, ke a ba fílige àmɛɛ lànɛɛzyiw nyɛ lè, àlí ke ga nyɛ́nɛgɛ n baa wɔ́ɔ, ke a ba fílige àmɛɛ bàsiire nyɛ lè.

Ezayi 3:13

Yawe n sámaga n kwɔ́ɔ bi kútiiw joo, wi i nyɛ woyéreo ní bi kútiiw kúun syɛɛnfeleyi na.

Ezayi 43:26

Mii sɔ̀ngumi tìrige wozɔlɔgwɔɔgi na, wo pínɛ wo joo, ki n yɛlɛ mi mɔ tiimaa wóri joo, koro ga pye mɔ í tànʔa taa.

Ezayi 5:3

«Tɔ́ɔliw ni doò, Zyerusalɛmi yé, ní Zyuda nǎnbèle, ki n yɛlɛ ye kútiiw ceri mii ní mii ɛrɛzɛn ségi nínge ni.

Zyeremii 2:9

Koro na mii a ní kútii joo yele na,» Yawe wi jo nya. «Mii a kútii joo yele pìíbèle pìibēle na.

Zyeremii 25:31

Kàfulogi i syée fwɔɔ n sa ni nangi tári láʔala na. Níì cán Yawe i nyɛ kútii na ní syɛɛnfeleyi ní. Wi a kútiiw kúun cere yáriri myɛ na. Wi a syɛɛnpeebèle kaan ŋɔséew ma,› » Yawe wi jo nya.

Zyeremii 31:37

Yawe wi syɛ́ɛnri naa joo níì jo: «Nyɛ̀ʔɛgèle ge lè ǹjogi ni, kapye ke a gbǎn tímana, tári di lè táàma, kapye ti kàpɔɔnbèle a gbǎn sɛʔɛ bi cán, lǎli bee ni mii a Isirayɛli yòdaʔagi wòolo myɛ wáa, gee myɛ kéele na be kpéʔele mii na lè,» Yawe wi jo nya.

Oze sɛ́bɛw 12:2

Efirayimi i wiyɛɛ gbóo ní káfalagi ní, níì taʔa canʔafolomɔ kabangi káfalaga na ni nɛnɛ. Wi i kàa fàrá canʔa o canʔa jànvaaw ní tanʔari na. Wi i joogaanna kpéʔele ní Asirii ní, pe i syée ní sìnmɛ ní Ezyipiti ma.

Oze sɛ́bɛw 12:3

Yawe i nyɛ kútii na ní Zyuda ní, wi a keele tɛ́ʔɛ Zyakɔbi na bi yɛlɛ ní wi tánʔaganmi ní, wi a wi sàra bi yɛlɛ ní wi kapyegèle ní.

Oze sɛ́bɛw 4:1

Ye Yawe syɛ́ɛnri lóʔo, yele Isirayɛli pìíbèle! Níì cán kútii i nyɛ Yawe ma tári syɛ̀ɛnnɛ kánma na. Níì cán wi n jo: «Kányɛʔɛ o beè í, funvii o beè í, Kolocɔlɔɔ cánna o nyɛ tári ni í.

Misye 6:1

Koro na, ye gi lóʔo, gee Yawe nyuu lè, wi n jo: «Yìri mi pye kútiiw na nyanbeleyi yɛ́ʔɛ ma, dǎndamayi í mɔ joomi lóʔo!»

Làlwaw Kaanziin 32:22

Níì cán mii fundanʔari n cò naà, ki i sóori fwɔɔ n sáà jée kúbèle tɛɛkòrogo fúngo ni. Ki i tári ní di yafálari líile ni syée. Ki i có nyanbeleyi kàpɔɔnbēle na.

Làlwaw Kaanziin 4:26

mii n nyɛ̀ʔɛni ní tári láa níjanʔa di pye séera yele kánmi na, yele a kárima kùu bi kwɔ́ɔ tári ni, dee ni yele a Zyuridɛnw jeli bi jée lè bi di taa di pye yele wóro, yele a cannɛʔɛyɛ kwɔ́ɔ di ni í. Níì cán yele a tɔ̀nɔ́ kwɔ́ɔ péw bi yiri di ni.