Misye 5:9 - Cebaara Bible 2010

⁹ Yawe n jo: «Cángi bee na mii a mɔ syɔ́ɔnyi kwɔ́ɔ bi yirige mɔ níngi ni, si mɔ kapɛɛnkpumɔn-wòtorobèle kálagi.

Misye 5:9 Iomraidhean Croise

Ŋúnuyi 10:12

Ee Yawe, ki n yɛlɛ mi yìri. Ee Kolocɔlɔɔ, mɔ kɔ́gi yìrige, mɔ a kɔ́ fɛ̀ʔɛ fɔ̀rɔgɔfɔbèle na í!

Ŋúnuyi 106:26

A wi si wi kɔ́gi yìrige n kàli be kéeli na, bi be kpóo cáan fìími tára ni,

Ŋúnuyi 21:8

Fànʔafɔw n wi sɔ̀ngumi taʔa Yawe na. Wee wi nyɛ lè Pe Myɛ Nyúngo na woro funjǎngi báriga ni, yafyɛn a tée fànʔafɔw cúngo í.

Ezayi 1:25

Mii a ní mii kɔ́gi taʔa mɔ na, mii a mɔ tunmɔviri láʔa tunweele na àmɛɛ sɛ́ʔɛ gi kpéʔele lè, mii a mɔ yanɔnʔɔri myɛ yirige mɔ ni.

Ezayi 11:14

Pe a foo too Filisitini ye dǎndamayi na canʔajeemɛ kabangi na, pe a pínɛ canʔafolomɔ kabangi syɛɛnfelege kɔ́lɔ yárira fuguri bi láa, pe a be fǎngi cíbele Edɔmi, ní Mowabi na, Amɔn ye si peyɛɛ gaan be ma.

Ezayi 26:11

Yawe, mɔ kɔ́gi n yìrige ǹjogi ni, pe si o gi nyaagi í. Amɛɛ mɔ syɛ́ɛnbèle kéele mɔ dɛ́nɛ n sɛ́ɛ lè, pe a koro nyaa, fɛ̀ɛrɛ si be taa. Kánmi bee na náagi a mɔ nigoobèle sórigo bi kwɔ́ɔ péw.

Ezayi 33:10

Yawe n jo: «Tɔ́ɔliw ni mii a yìri, tɔ́ɔliw ni mii a yére céri, tɔ́ɔliw ni mii a pye ǹjogi ni.

Ezayi 37:36

A Yawe nyɛ̀ʔɛni tunduɔn yiri n baa kpúmɔn n kpóo Asirii ye tɛɛkòrogi ni nànbēle sirakamayɛ kpanjɛrɛ ní selebingéle siin ní saala kagunɔ. A bele ga yìri nyǐngi nyɔ́ɔ na, a be bele myɛ nyaa kúbéle.

Agizye 2:22

Mii a fǎnyi fàngorigēle wáa cíbele, mii a syɛɛnfeleyi fànya fànʔa kálagi, mii a kapɛɛnkpumɔn-wòtorobèle wáa cíbele ní be jéefɔbèle ní, syɔ́ɔnyi ní yi fànvɔbèle a kpúmɔn cáan, pe myɛ nibin nibin a kùu taa be senyɛnbèle ŋɔséebéle báriga ni.»

Zakarii 9:10

Mii a kapɛɛnkpumɔn-wòtorobèle kwɔ́ɔ yirige Efirayimi ni, bi syɔ́ɔnyi kwɔ́ɔ yirige Zyerusalɛmi ni. Kapɛɛnkpumɔn-sedeyi a kwɔ́ɔ yiri yaà. Wi a yɛɛ̀nyinge kéele joo syɛɛnfeleyi ma, wi kùndigiri a séli solomɔ lógaa na bàā syée kàa ma, ti a séli Ufurati cábigi na bi sa nan tári láʔagéle na.

Luki 19:27

Kàjáa bele be nyɛ lè mii nigoobèle, poro bele be jo lè pe o caa mii í pye poro fànʔafɔlɔ lè í, yaa maa ní be ní nɛɛ naa, ye ba be kpóo mii nyɛ́nɛ na.› »

1 Korɛnti ye 15:25

Níì cán fwɔɔ wi tɛ́ɛn fǎngi na bi taa Kolocɔlɔɔ í wi nigoobèle myɛ cáan wi láari ni.