Misye 5:8 - Cebaara Bible 2010

⁸ Ki n yɛlɛ mɔ kɔ́gi í yìri mɔ kasiitun-nyɛ́nbèle ǹjoʔo ni, mɔ nigoobèle myɛ í kwɔ́ɔ bi yiri yaà!

Misye 5:8 Iomraidhean Croise

Sélimɛ 49:9

Zyuda i nyɛ càarabɔ-yɛlɛɔ. Dóō, mɔ n yìri kpóoli tɛ́ʔɛ ma n lúru ni maa. Wi n yégunri cáan, wi n tìgi n sínɛ àmɛɛ càarabɔlɔ nyɛ lè, ní àmɛɛ càarajaa nyɛ lè. Wìí syɔ́ɔn wi a wi yìrige?

Ŋúnuyi 104:20

Mɔ i maa ní yébilimi ní, a yébiligi i wóo, lǎli bee ni a kɔliyi yaweere myɛ i yìrigí ni nyaari.

Ŋúnuyi 44:5

Ee Kolocɔlɔɔ, mɔ wi nyɛ mii Fànʔafɔw, ki n yɛlɛ mi Zyakɔbi syɔɔli kéele joo mi gbàn!

Ŋúnuyi 50:22

Koro na yele bele ye fɛ̀ʔɛ Kolocɔlɔɔ na lè, ki n yɛlɛ ye gee naa cán, kapye koro ban í, mii a yele sulugu sulugu, syɔɔfɔlɔ a taa yele na í.

Kàseegèle 30:30

Càaraw, woro wee wi soro yaweeri myɛ na lè, wi o lúrugu kàdoʔo ma yafyɛn yɛ́ʔɛ ma í,

Ezayi 5:29

Ki kaanami i nyɛ àmɛɛ càarajaa wómɔ nyɛ lè, ki i kaana càarabiiye fúloganma na, ki i fúlo ní i gi káari có, ki i syée ní di ní, syɔɔn faala o di syoo gi ma í.

Ezekyɛli 39:10

Pe a kàjere caa sìnbirigi ni í, pe a tée tàa cɛnɛ kɔliyi ni í, níì cán kapɛɛnkpumɔn-yáriri pe a ra téeri bàā náagi nii. Bele pe da be kpéʔele lè yakoliro, pe a bele bee kpéʔele yakoliro, bele pe da ni be fuguri lè, pe a ba ra bele bee fuguri, Kàfɔw Yawe wi jo nya.

Oze sɛ́bɛw 5:14

Níì cán mii tiimaa, mii a pye àmɛɛ càaraɔ nyɛ lè Efirayimi kánmi na, ní àmɛɛ càarabɔ-yɛlɛɔ nyɛ lè Zyuda kpáagi wòolo kánma na. Mii mɔ nyaa lè, mii a tɔ̀nɔ́ sulugulo kpéʔele, koro kàdoʔo ma mii a kári. Yárigi mii cò lè, mii a kári ní gi ní, syɔɔn faala a gi syɔɔ mii na í.»

Misye 2:12

Ee Zyakɔbi, mii a tɔ̀nɔ́ mɔ wobow myɛ kpóʔoro! Mii a Isirayɛli wogorobèle kpóʔoro, mii a be kpóʔoro àmɛɛ bàkpaʔa baala nyɛ lè, ní àmɛɛ yaweere gboolo nyɛ lè yaweenaʔa-tɛ́ʔɛ ni. Syɔɔn ye kàfulogo a pye yaà.

Misye 4:13

Siyɔn calipili, yìri maa tánʔana! Mii a tunmɔrɔ nyɛ́ngɛ sámaga mɔ ma, bi mɔ feriyi sámaga kanyɛɛnrɛ wóyo, mɔ a syɛɛnfele-nɛʔɛyɛ pulɔlɔ, mɔ a yi tɔ̀nɔw yaʔa kɔlɔ̀ na Yawe ma, bi yi lɔnɛʔɛri yaʔa kɔlɔ̀ na tári myɛ Kàfɔlɔ ma.

Misye 4:7

Mii a pèle yaʔa be kòro tɔyaayi fɔ̀ɔlɔ ni, bele pe da yirige n wáa lè mii a be pye fànnɛʔɛgɛ syɛɛnfelege. Yawe a tɛ́ɛn fǎngi na pe nyúngi na Siyɔn nyanbelegi na, bi séli lǎli naa na bàā syée yaà làla o làla.

Misye 5:3

Wi a ba yére bàā be nàʔá Yawe fǎngi báriga ni, ní Yawe wi Kolocɔlɔw mɛ́ʔɛ kpɔ́ɔmɔ ní, pe a sámaga tɛ́ɛn fyáara fun, níì cán kpɔʔɔrɔ n taʔa wi na n séli lǎli naa na n sáà nan tári láʔagéle na.

Misye 7:18

Wìí wi nyɛ Kolocɔlɔɔ àmɛɛ mɔ nyɛ lè, wee wi kolomi kùsulugo syoo lè, ní i wi kɔ́rigi wogorobéle kakoloyo yaari? Wi o wi fundanʔari kɔngi ni yaari ki kòro nya làla o làla í, níì cán funjǎngi kéele n wi dɛ́nɛ.

Zakarii 10:5

Pe a pye àmɛɛ nànniribēle nyɛ lè, bàā kàlari-kóloyi fáriga tánʔana kapɛɛnni ni. Pe a ra kapɛɛnni kpúmɔn, níì cán Yawe a pye ní be ní. Bele be lúgu syɔ́ɔnyi na lè fɛ̀ɛ́ri si poro tɔ́n.

Zakarii 11:6

Níì cán mii a ní tée nyinimɛ taa tári syɛ̀ɛnnɛ na í,» Yawe wi jo nya. «Wéle, mii tiimaa a syɔɔn ye le peyɛɛ kɔ́yi ni, ní be fànʔafɔw kɔ́yɔ ni. Pe a tári cɔ̀nʔɔ cɔ̀nʔɔ. Mii si a be yirige be kɔ́yi ni í.»

Zakarii 12:3

cángi bee na mii a Zyerusalɛmi kpéʔele kàdɛnɛgɛ, gee syɛɛnfeleyi myɛ a ra caa bi láa yìrige lè. Bele myɛ pe ga ni caa bi gi láa yìrige lè, pe a kpàli gbanʔama. Tári syɛɛnfeleye myɛ si a yiyɛɛ gbóʔoro gi kánmi na.»

Zakarii 14:18

Ezyipiti narigbaagi ga pye ki ga fɔ̀lɔ bi pan í, ki ga pye ki ga pan í, wɔʔɔgee Yawe a taʔa syɛɛnfeleyi na yi lè yi ga fɔ̀lɔ bi pan ba Kpáagèle Láara Tɛ́ɛnnɛ fɛ́tii kpéʔele lè í, koro félegi ki a too gi na.

Zakarii 9:15

Yawe wi lè Nyɛ̀ʔɛni Sùlasiibéle Kafɔlɔ wi a ra be kpáaw wéle. Pe a ra káa, pe a ra kàvɔrɔdɛnɛyi tɔ́nʔɔnɔ. Pe a ra gbo, pe a ra tugu da yìrigí àmɛɛ dùvɛɛn nyɛ lè, pe a nyìn àmɛɛ yalele nyɛ lè, ní àmɛɛ sáriga-wòlo-yafaangi jɛ̀ɛ́ngéle nyɛ lè.

Córolo 24:9

Wi i simana, wi i sìnɛ́ àmɛɛ càarabɔlɔ nyɛ lè, ní àmɛɛ càarajaa nyɛ lè, wìí wi a gbǎn wi yìrige? Syɔ́ɔnwee wi dùba kpéʔele mɔ ma lè, ki n yɛlɛ wee bee í pye dùba pyà. Wee si wi mɔ dángi lè, ki n yɛlɛ wee bee í dánga.»

Matye 10:14

Kapye pe ga fɔ̀lɔ yele na kpáagee ni lè í, wàlá kěgee ni lè í, ní wɔ́ɔ i yele syɛ́ɛnri lúro í, yele ga yiri kpáagi bee ni, wàlá kěgi bee ni, ki n yɛlɛ yele í cíbigi kóri láʔa yele tɔ́lɔyi na.

Kapyegèle 18:6

Amɛɛ si Zyefubèle yìri ni Pɔli kábala lè ní i wi teeri, a wi wi búroyi nyàʔara n wáa be na níì be pye: «Yele sìsyaanw yàkɛɛ i nyɛ yele na! Kolomɔ o mii na gi kéeli na í, nlaʔa níjanʔa na, mii a kári syɛɛnfeleyi ma.»

Heburubèle 12:25

Ki n yɛlɛ yaa kɔ̀rɔsíi koro ga pye wee wi nyuu yele ma lè, yele a kɔ́ wi cée í. Níì cán wee wi da ni syɛ́ɛnbèle sàmí lè tári na, bele pe da wi syɛ́ɛnri cée lè, kapye bele bee ga syɔɔ wɔʔɔli ma í, wee wi nyɛ lè nyɛ̀ʔɛni ni, ní i wolo sàmí lè, wolo ga kàdoʔo wáa wee bee ma, mɛ̀ɛ́ wolo a gbǎn syɔɔ bi sɛ́ɛ?

Heburubèle 2:3

koro na wolo ga syɔɔli faʔa li lè wodeeli, mɛ̀ɛ́ wolo a syɔɔ wɔʔɔli ma bi sɛ́ɛ? Kàfɔw wi sélì syɔɔli bee kéele joo, á wi syɛɛnloʔobèle náà gi tɛ̀ɛn wolo na níì jo li i nyɛ kányɛʔɛ.