Misye 5:4 - Cebaara Bible 2010

⁴ Woro wi a pye yɛɛ̀nyingi! Lǎli ni Asirii ye wów ga baa jée wolo tári ni lè ní baa jée wolo fànʔafɔ-gbaayi ni lǎli ni lè, wolo a bànaʔabēle kɔrɔsiin yìrige wi kurugo ní syɛ́ɛnbèle kùndigibèle pèle kɔrɔtaanri ní.

Misye 5:4 Iomraidhean Croise

Ŋúnuyi 145:12

Bàā mɔ séew kapyegèlē tèé syɔɔn ye na, ní mɔ nijangbɔɔri fànjànga.

Ŋúnuyi 22:27

Màámi fɔ̀ɔlɔ a ra líi bàā tíngi, Yawe caafɔbèle a ra wi kpɔ̀ʔɔrɔ́, ki n yɛlɛ yele í pye sìi na làla o làla!

Ŋúnuyi 72:19

Wi nìjangbɔɔri mɛ́ʔɛ n yɛlɛ ní kpɔ̀ʔɔrɔlɔ ní làla o làla! Tári myɛ n yɛlɛ bi nyìn wi nìjangbɔɔri na! Amiina! Amiina!

Ŋúnuyi 72:8

Wi a tɛ́ɛn yáriri myɛ nyúngo na fwɔɔ bi taa sa nan sólomi lɔ̀ʔɔ láʔalee na, bi séli Ufurati na fwɔɔ bi taa sa nan tári láʔala na.

Ŋúnuyi 93:1

Yawe i nyɛ wodɛ́ɛɔn ní fǎngi na, wi n kpɔ́ʔɔri le burogo. Yawe n wiyɛɛ le, wi n fǎngi kpéʔele sɛntiiri, á dulunyanw wɔ́ɔ̀ sámaga n yére, wi o cúngu í.

Ŋúnuyi 98:3

Wi n sɔ̀ngi n taa wi funjǎngi ní wi kányɛɛgi na Isirayɛli kpáagi wòolo ma, tári láʔagéle myɛ wòolo n syɔɔli nyaa, lee wolo Kolocɔlɔw kaan lè.

Yirile 23:21

Ki n yɛlɛ mi miyɛɛ cǒmi cán wi yɛʔɛ̀ ma, máā lúro wi ma. Mɔ a kɔ́ wi cée í. Níì cán wi a fɔ̀lɔ́ ra mɔ sinloʔomi kùsulugo syoo í. Ncan mii mɛ́ɛgi i nyɛ wi na.

Ezayi 45:22

Ye kolo ye lúru ye pan mii ma, yele a syɔɔ, yele tári láʔagéle woolo myɛw! Níì cán mii wi nyɛ Kolocɔlɔɔ, wàa ní o yaà í.

Ezayi 49:5

Tɔ́ɔliw ni Yawe i nyuu, woro wee wi mii sámaga yaà mii nɔ́ɔw láʔa ni lè jàngó mii í pye woro falipyeo, jàngó mii í Zyakɔbi lúrugo wi pan woro ma, jàngó Isirayɛli ye í kpóʔoro woro taana. Mii n kpɔʔɔrɔ taa Yawe yɛ́ʔɛ ma. Níì cán mii Kolocɔlɔw wi da pye mii fǎngi.

Ezayi 52:10

Yawe n wi cǎnmi kɔ́lɔ múgu syɛɛnfeleyi myɛ nyɛ́nɛ na, tári láʔagéle myɛ wòolo si a syɔɔli nyaa, lee wolo Kolocɔlɔw kaangi lè.

Ezayi 52:13

Mii falipyew wi wee, wi a báriga. Wi a yìri ǹjoʔo ma, wi a lúgu si kpɔ́ʔɔ gbanʔama.

Ezayi 8:7

Koro na Kàfɔw a cábigi fànnɛʔɛgɛ lɔ́ʔɔ tórigo be kánmi na, koro gi nyɛ Asirii fànʔafɔw ní wi nìjangbɔɔri myɛ, ki a nyìn bi sɔ̀lɔ ki tɛɛ̀yéregi na bi kabi sɔ̀lɔ ki lógbebèle myɛ na.

Misye 7:14

Da mɔ banaʔa-kpeeli téeri maa mɔ syɛ́ɛnbèle nàʔá, poro bele be nyɛ lè mɔ kɔ́rigi yaweegboolo, loro lee li kòró lè li nibin kɔ́ligi ni, tíiri séʔe nínge ni! Ki n yɛlɛ paa nàʔá Basyan na, ní Galaadi tɛ́nɛmi ni, àmɛɛ booma cányi pye lè.

Zakarii 13:7

«Ŋɔsée, yìri mii bànaʔaw kánma na, ní nǎnw kánma na wi lè mii pínɛnyɛnw!» Yawe wi lè Nyɛ̀ʔɛni Sùlasiibéle Kafɔlɔ woro wi jo nya. «Bànaʔaw kpúmɔn mi kpóo bǎbèle si cariga fala. Mii si a mii kɔ́gi kàriga wobiigèle kàbaan na.»

Zakarii 9:10

Mii a kapɛɛnkpumɔn-wòtorobèle kwɔ́ɔ yirige Efirayimi ni, bi syɔ́ɔnyi kwɔ́ɔ yirige Zyerusalɛmi ni. Kapɛɛnkpumɔn-sedeyi a kwɔ́ɔ yiri yaà. Wi a yɛɛ̀nyinge kéele joo syɛɛnfeleyi ma, wi kùndigiri a séli solomɔ lógaa na bàā syée kàa ma, ti a séli Ufurati cábigi na bi sa nan tári láʔagéle na.

Malasyii 1:5

Yele nyapiigèle a gee bee nyaa. Yele tiimaa a gi joo si jo: ‹Yawe n tɔ̀nɔ n kpɔ́ʔɔ n Isirayɛli tásaligi jeli.›

Matye 16:18

Mii si a gi joo mɔ ma si jo mɔ i nyɛ Pyɛri, mii a mii Egiliziw faan fálagi naa ǹjoʔo ni, tɛɛwɔʔɔgi a gbǎn fànʔa taa wi na í.

Matye 2:6

‹Bɛtilehɛmi, mɔ wi lè Zyuda tári ni, mɔ ga tɔ̀nɔ n cɛ́rɛ n sɔ̀lɔ Zyuda kùndigibèle myɛ na í dɛ, níì cán mɔ ni Kàfɔw a yiri, wee wi a ba ra mii syɛ́ɛnbèle nàʔá lè be nyɛ lè Isirayɛli ye.› »

Matye 25:31

«Lǎli ni Syɔɔn-pya ga pan lè ní wi nìjangbɔɔri ní n fàra nyɛ̀ʔɛni tundunbéle myɛ na, lǎli bee ni wi a ba tɛ́ɛn wi nìjangbɔɔri fàngolo ni.

Luki 1:32

Wi a ba pye syɛɛnkpɔɔɔ, pe a ba ra wi yiri wee wi nyɛ lè Pe Myɛ Nyúngo na woro Jáaw, Davidi wi lè wi toolɛɛw, Kàfɔw Kolocɔlɔɔ a ba wee bee fàngolo kaan wi ma.

Zyan 10:38

Yele si ga gi cán ncan mii Tóow kapyegèlē mii kpéʔele, àlí ki ga pye yele a tága mii syɛ́ɛnri na í, ki n yɛlɛ ye tága gele bee na, koro ga pye yele í gi fílige cán bi cán Tofɔw i nyɛ mii ni, mii si wɔ́ɔ i nyɛ Tofɔw ni.»

Zyan 20:17

A Zyezu wi yari: «Mɔ a kɔ́ mii cǒ yérige í, níì cán mii ga kɔ́ɔ̀ lúgu n kári Tofɔw ma í. Kàjáa da syée mi sa mii senyɛnbèle pye: Mii a lúgu kári mii Tóow ma, wi lè yele Tóow, woro wee wi lè mii Kolocɔlɔw, ní wɔ́ɔ i nyɛ yele Kolocɔlɔw.»

Efɛzi ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní wi lè wi Tóow, woro wee wi Pìicǎnni kpɔ́ʔɔrɔ féleye myɛ kaan lè wolo ma nyɛ̀ʔɛni tɛ́ɛyɛ ni àmɛɛ wolo nyɛ lè Kirisi ni.

1 Pyɛri 1:5

ní i yele kpáaw wéle ní wi séekpɔɔw ní yele tágali báriga ni bi taa syɔɔli í ba nan, lee Kolocɔlɔɔ sámaga n yaʔa lè bi ba tɛ̀ɛn làrizanni ni.

Zyudi 1:1

Mii Zyudi, wi lè Zyezu Kirisi púlo, ní wɔ́ɔ i nyɛ Zyaki cɔnɔɔ, mii a sɛ́bɛw naa tórigo yele ma, yele bele ye nyɛ lè Tofɔw Kolocɔlɔɔ woyeribéle, ní wi syɛɛn-nidaanmabéle, wi si i yele kpáaw wéle Zyezu Kirisi ma.

Tɛ̀ɛnnɛ 11:15

A nyɛ̀ʔɛni tundun-kɔrɔsiin wóo wi búruw wìi. A be yákpogbologéle wáa nyɛ̀ʔɛni ni níì jo: «Dulunyanw fànʔa myɛ n kàri wolo Kàfɔw ní wi Kirisiw wóʔo. Wi si a kòro fǎngi na làla o làla kwɔ́ɔmɔ fun!»